ಗಾಯಕ-ಸಂಗೀತ ನಿರ್ದೇಶಕ ವಾಸುಕಿ ವೈಭವ್ ಮತ್ತು ನಟಿ, ಡ್ಯಾನ್ಸರ್ ಚಂದನಾ ಅನಂತಕೃಷ್ಣ ಅತ್ಯುತ್ತಮ ಸ್ನೇಹಿತರು. ಬಿಗ್ಬಾಸ್ ಸೀಸನ್ 7ರಿಂದ ಪ್ರಾರಂಭವಾದ ಇವರ ಸ್ನೇಹ, ನಂತರವೂ ಮುಂದುವರಿದಿದೆ. ಈಗ ವಾಸುಕಿ ವೈಭವ್ ಮತ್ತು ಚಂದನಾ ಒಟ್ಟಾಗಿ ದೀಪಾವಳಿ ವಿಶೇಷ ಫೋಟೋಶೂಟ್ ಮಾಡಿಸಿದ್ದಾರೆ. ಈ ಫೋಟೋಗಳನ್ನು ತಮ್ಮ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳುವ ಮೂಲಕ ವಾಸುಕಿ ವೈಭವ್ ದೀಪಾವಳಿ ಶುಭಾಶಯ ಕೋರಿದ್ದಾರೆ. ಚಂದನಾ ಮತ್ತು ವಾಸುಕಿ ಹೊಸ ಬಟ್ಟೆ ತೊಟ್ಟು, ದೀಪ ಹಿಡಿದು ದೀಪಾವಳಿ ಸಂಭ್ರಮಿಸಿದ್ದಾರೆ.
ಚಂದನಾ ಮತ್ತು ವಾಸುಕಿ ವೈಭವ್ ಫೋಟೋ ನೋಡಿ ಅನೇಕರು ಸಿನಿಮಾ ಇಂಡಸ್ಟ್ರಿಯವರೇ ಕಮೆಂಟ್ ಮಾಡುತ್ತಿದ್ದಾರೆ. ಅದರಲ್ಲಿ ಗಮನ ಸೆಳೆದಿದ್ದು ನಟಿ ರಮ್ಯಾ ಕಮೆಂಟ್. ‘ಈ ಫೋಟೋಗಳನ್ನು ನೋಡಿ, ಇದು ನಿಮ್ಮ ನಿಶ್ಚಿತಾರ್ಥದ ಫೋಟೋಗಳು ಎಂದುಕೊಂಡೆ’ ಎಂದು ವಾಸುಕಿ-ಚಂದನಾರ ಕಾಲೆಳೆದಿದ್ದಾರೆ. ಭೂಮಿಶೆಟ್ಟಿ ಕೂಡ ಶುಭ ಹಾರೈಸಿದ್ದಾರೆ. ಇನ್ನು ಬಹುತೇಕ ಫಾಲೋವರ್ಸ್ ಅಂತೂ ನಿಮ್ಮದು ದಿ ಬೆಸ್ಟ್ ಜೋಡಿ ಎಂದು ಹೇಳಿದ್ದಾರೆ. ಒಂದಷ್ಟು ಜನರಂತೂ ‘ನಿಮ್ಮ ವೈವಾಹಿಕ ಜೀವನ ಸುಖಮಯ ಆಗಿರಲಿ’ ಎಂದೂ ಹಾರೈಸಿದ್ದಾರೆ.
ಇಂಥ ಕಮೆಂಟ್ಗಳನ್ನು ನೋಡಿದ ಬಳಿಕ ವಾಸುಕಿ ವೈಭವ್ ಇನ್ಸ್ಟಾಗ್ರಾಂನಲ್ಲಿ ಸ್ಟೋರಿ ಹಾಕಿ ‘ನನ್ನ ಹೊಸ ಪೋಸ್ಟ್ ನೋಡಿ ಅನೇಕರು ಹ್ಯಾಪಿ ಮ್ಯಾರೀಡ್ ಲೈಫ್ ಎನ್ನುತ್ತಿದ್ದಾರೆ. ಆದರೆ ಇದು ಕೇವಲ ದೀಪಾವಳಿ ಫೋಟೋಶೂಟ್ ಅಷ್ಟೇ’ ಎಂದು ಸ್ಪಷ್ಟನೆ ನೀಡಿದ್ದಾರೆ. ಇಲ್ಲಿವೆ ನೋಡಿ ವಾಸುಕಿ-ಚಂದನಾ ದೀಪಾವಳಿ ಫೋಟೋಶೂಟ್ ಫೋಟೋಗಳು..
ಇದನ್ನೂ ಓದಿ: SIIMA 2022 | ಮುಂದಿನ ಸಿನಿಮಾದ ಅಪ್‌ಡೇಟ್‌ ಕೊಟ್ರು ರಾಕಿಂಗ್‌ ಸ್ಟಾರ್‌ ಯಶ್‌: ಇಲ್ಲಿದೆ ಸೈಮಾ ಪ್ರಶಸ್ತಿಗಳ ವಿವರ