ಬೆಂಗಳೂರು : ಮೆಗಾಸ್ಟಾರ್ ಚಿರಂಜೀವಿ (Chiranjeevi) ಅವರ ʻವಾಲ್ತೇರ್‌ ವೀರಯ್ಯʼ ಜನವರಿ 13ರಂದು ತೆರೆಕಂಡಿದೆ. ಕಮರ್ಷಿಯಲ್ ಎಂಟರ್ಟೈನರ್ ಆಗಿ ತಯಾರಾಗಿರುವ ಈ ಚಿತ್ರವನ್ನು ಬಾಬಿ ನಿರ್ದೇಶಿಸುತ್ತಿದ್ದಾರೆ. ನಾಯಕಿಯರಾಗಿ ಶ್ರುತಿ ಹಾಸನ್ ಮತ್ತು ಕ್ಯಾಥರೀನ್ ನಟಿಸಿದ್ದಾರೆ.
ʻವಾಲ್ತೇರ್‌ ವೀರಯ್ಯʼ ಮೆಗಾಸ್ಟಾರ್ ಎದುರು ರವಿತೇಜ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರವು ತೆಲುಗು ರಾಜ್ಯಗಳಲ್ಲಿ ಉತ್ತಮ ಗಳಿಕೆ ಕಾಣುವ ನಿರೀಕ್ಷೆಯಿದೆ. ಈಗಾಗಲೇ ಸಿನಿಮಾ ಕುರಿತು ಟ್ವೀಟ್‌ ಮಾಡಿರುವ ಅಭಿಮಾನಿಗಳು ʻʻವಾಲ್ತೇರ್‌ ವೀರಯ್ಯ ಅತ್ಯುತ್ತಮ ಕಾಮಿಕ್ ಟೈಮಿಂಗ್ ಹೊಂದಿರುವ ಅತ್ಯುತ್ತಮ ಸಿನಿಮಾ ಎಂದಿದ್ದಾರೆ. ಇನ್ನೊಬ್ಬರು ʻʻಮೆಗಾ ಸ್ಟಾರ್‌ನ ಸಖತ್ ಎಂಟ್ರಿ. ವೀಕ್ಷಿಸಲು ಹೋಗುವವರಿಗೆ ಸಂತಸ ನೀಡುವುದರಲ್ಲಿ ಬೇರೆ ಮಾತೇ ಇಲ್ಲ.ʼʼಎಂದು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ | Chiranjeevi | ʻರೇಮೊʼ ನಟ ಇಶಾನ್‌ಗೆ ಮೆಗಾ ಸ್ಟಾರ್ ಚಿರಂಜೀವಿ ಸಾಥ್‌!
ಕೆಲವು ದಿನಗಳ ಹಿಂದೆ ಚಿರಂಜೀವಿ ಅವರು ಅಭಿಮಾನಿಗಳಿಗಾಗಿ ಸಿನಿಮಾ ಮಾಡುತ್ತೇನೆ ಎಂದು ಪತ್ರಿಕಾಗೋಷ್ಠಿಯಲ್ಲಿ ಹೇಳಿಕೆ ನೀಡಿದ್ದರು. “ಅನೇಕ ಜನರು ನನ್ನನ್ನು ಪ್ರೀತಿಸಿದಾಗ, ನಾನು ಅವರನ್ನು ಮನರಂಜಿಸುವ ಚಿತ್ರಗಳನ್ನು ಮಾಡುವ ಮೂಲಕ ಅವರ ಪ್ರೀತಿಯನ್ನು ಸಮರ್ಥಿಸಿಕೊಳ್ಳಬೇಕು. ಮತ್ತು ನನ್ನ ಪ್ರತಿಭೆಯ ಹೊರತಾಗಿಯೂ ನಾನು ಮಾಸ್ ಚಿತ್ರಗಳನ್ನು ಮಾತ್ರ ಮಾಡುತ್ತಿದ್ದೇನೆ ಎಂದು ನೀವು ಭಾವಿಸಬಹುದು. ಆದರೆ, ನಾನು ನನ್ನ ಅಭಿಮಾನಿಗಳಿಗಾಗಿ ಮಾತ್ರ ಸಿನಿಮಾ ಮಾಡುತ್ತೇನೆʼʼ ಎಂದಿದ್ದಾರೆ.
ಇದನ್ನೂ ಓದಿ | Actor Chiranjeevi | ಟಾಲಿವುಡ್‌ ಸ್ಟಾರ್ ಚಿರಂಜೀವಿ ಕಿರಿಯ ಮಗಳಿಗೆ ಮೂರನೇ ಮದುವೆ?