ಬೆಂಗಳೂರು : ಕಾಂತಾರ ಸಿನಿಮಾ (Kantara Movie ) ವಿಶ್ವಾದ್ಯಂತ ಯಶಸ್ವಿ ಪ್ರದರ್ಶನ ಕಂಡಿದೆ. ಒಟಿಟಿಯಲ್ಲಿಯೂ ಕಾಂತಾರ ಸಖತ್‌ ಹಿಟ್‌ ಕಂಡಿದೆ. ಈ ಸಿನಿಮಾ ಕುರಿತು ಒಂದು ವರ್ಗ ಮೆಚ್ಚುಗೆ ಸೂಚಿಸಿದರೆ, ಇನ್ನೊಂದು ವರ್ಗ ನೆಗೆಟಿವ್‌ ಕಮೆಂಟ್‌ಗಳನ್ನು ನೀಡುತ್ತಲೇ ಬಂದಿದೆ. ಕಾಂತಾರ ಸಿನಿಮಾ ರಿಲೀಸ್‌ ಆದ ಸಂದರ್ಭದಲ್ಲಿ ಮರಾಠಿಯ ʻʻತುಂಬಾಡ್‌ʼʼ ಸಿನಿಮಾಗೆ ಹೋಲಿಕೆ ಮಾಡಲಾಗಿತ್ತು.
ನೋಡುಗರು ಟ್ವೀಟ್‌ ಮೂಲಕ ಕಾಂತಾರ ಸಿನಿಮಾ ʻತುಂಬಾಡ್‌ʼ ಸಿನಿಮಾ ರೀತಿಯೆ ಇದೆ ಎಂದಿದ್ದರು. ಇದೀಗ ಈ ಕುರಿತು ʻತುಂಬಾಡ್‌ʼ ಸಿನಿಮಾ ಸಹ ನಿರ್ಮಾಪಕ ಹಾಗೂ ಚಿತ್ರಕಥೆ ಬರಹಗಾರ ಆನಂದ್‌ ಸಿಂಗ್‌ ಟ್ವೀಟ್‌ ಮೂಲಕ ಅಸಮಾಧಾನ ಹೊರಹಾಕಿದ್ದಾರೆ.
ಆನಂದ್‌ ಗಾಂಧಿ ಟ್ವೀಟ್‌ ಮೂಲಕ ” ತುಂಬಾಡ್‌ ಸಿನಿಮಾ ಕಾಂತಾರ ರೀತಿಯಲ್ಲಿ ಸ್ವಲ್ಪವೂ ಇಲ್ಲ. ತುಂಬಾಡ್‌ ಸಿನಿಮಾದಲ್ಲಿ ಹಾರರ್‌ ಅನ್ನು ಪುರುಷತ್ವದ ರೂಪಕವಾಗಿ ಬಳಸುವುದು ನಮ್ಮ ಯೋಚನೆ ಇತ್ತು. ಆದರೆ ಕಾಂತಾರ ಸಿನಿಮಾದಲ್ಲಿ ಅದು ಪೂರ್ಣ ವಿರೋಧವಾಗಿದೆ. ಸಂಕುಚಿತತೆಯನ್ನು ಕಾಂತಾರದಲ್ಲಿ ವೈಭವಿಕರಿಸಲಾಗಿದೆʼʼ ಎಂದು ಬರೆದುಕೊಂಡಿದ್ದಾರೆ. `
ಇದನ್ನೂ ಓದಿ | Kantara Movie | ʻವರಾಹ ರೂಪಂʼ ವಿವಾದಕ್ಕೆ ಕೊನೆಗೂ ಜಯ: ಟ್ವೀಟ್‌ನಲ್ಲಿ ರಿಷಬ್‌ ಹೇಳಿದ್ದೇನು?
ಈ ಹಿಂದೆ ಸಿನಿಮಾ ವಿಮರ್ಶಕ ಅವಿರೂಪ್‌ ಬಾಸು ಸಹ ಕಾಂತಾರ ಸಿನಿಮಾವನ್ನು ಟೀಕಿಸಿದ್ದರು. ʻʻಕಾಂತಾರ ಸಿನಿಮಾ ಕಳಪೆಯಾಗಿ ನಿರ್ಮಿಸಿದ್ದಾರೆ. ಹಲವು ತಪ್ಪುಗಳಿಂದ ಕೂಡಿದ ಸಿನಿಮಾ ಇದಾಗಿದೆ. ಸಿನಿಮಾದಲ್ಲಿ ಯಾವುದೇ ನೈಜ ಪಾತ್ರಗಳಿಲ್ಲ. ಕತೆಯಲ್ಲಿ ಬರುವ ಟ್ವಿಸ್ಟ್‌ಗಳು ಗಿಮಿಕ್‌ಗಳಾಗಿವೆ. ಕ್ಲೈಮ್ಯಾಕ್ಸ್‌ ಬರುವ ವೇಳೆಗೆ ಸಿನಿಮಾ ಮೇಲಿನ ಆಸಕ್ತಿ ಕಡಿಮೆಯಾಯಿತುʼʼಎಂದು ಹೇಳಿಕೊಂಡಿದ್ದರು.
ಅದೇನೆ ಇದ್ದರೂ 400 ಕೋಟಿ ರೂ. ಗಳಿಕೆ ಕಂಡ ಕಾಂತಾರವನ್ನು ದಕ್ಷಿಣ ಭಾರತದ ನಟರು ಮೆಚ್ಚಿ ಹಾಡಿ ಹೊಗಳಿದ್ದಾರೆ. ಐವತ್ತು ದಿನವನ್ನು ಚಿತ್ರಮಂದಿರದಲ್ಲಿ ಪೂರೈಸಿ ಒಟಿಟಿಯಲ್ಲಿಯೂ ಹೆಸರು ಮಾಡುತ್ತಿದೆ ಕಾಂತಾರ.
ಇದನ್ನೂ ಓದಿ | Kantara Movie | ಕೇರಳದಲ್ಲಿ ಭರ್ಜರಿ ಕಲೆಕ್ಷನ್‌ ಮಾಡಿದ ಕಾಂತಾರ!