ಬೆಂಗಳೂರು: ʻ1923ರ (1923′ Actor) ʻಯೆಲ್ಲೊಸ್ಟೋನ್ ಸ್ಪಿನ್‌ಆಫ್ ಸರಣಿʼಯ ( Yellowstone spinoff series 1923) ಖ್ಯಾತ ಅಮೆರಿಕನ್‌ ನಟ ಕೋಲ್ ಬ್ರಿಂಗ್ಸ್ ಪ್ಲೆಂಟಿ (Cole Brings Plenty) ಅವರು ನಿಗೂಢವಾಗಿ ಶವವಾಗಿ ಪತ್ತೆಯಾಗಿದ್ದಾರೆ. ಕೆಲವು ದಿನಗಳ ಹಿಂದೆ ನಟ ಕಾಣೆಯಾಗಿದ್ದರು ಎಂದು ಕುಟುಂಬ ಮಾಹಿತಿ ಹಂಚಿಕೊಂಡಿತ್ತು. ಕೌಟುಂಬಿಕ ಹಿಂಸಾಚಾರ ಪ್ರಕರಣದಲ್ಲಿ ಶಂಕಿತನಾಗಿದ್ದ 27 ವರ್ಷದ ಕೋಲ್ ಬ್ರಿಂಗ್ಸ್ ಪ್ಲೆಂಟಿ ಶವವನ್ನು ಕಾನ್ಸಾಸ್‌ನಲ್ಲಿ ಪೊಲೀಸರು ಇದೀಗ ಪತ್ತೆ ಹಚ್ಚಿದ್ದಾರೆ. ಅರಣ್ಯ ಪ್ರದೇಶದಲ್ಲಿ ಕಾರಿನ ಬಳಿ ಪ್ಲೆಂಟಿ ಶವ ಇತ್ತು ಎಂದು ಪೊಲೀಸರು ತಿಳಿಸಿದ್ದಾರೆ.
ಕೌಟುಂಬಿಕ ಹಿಂಸಾಚಾರ ಪ್ರಕರಣ ನಟ ಕೋಲ್ ಬ್ರಿಂಗ್ಸ್ ಪ್ಲೆಂಟಿ ಮೇಲೆ ದಾಖಲಾಗಿತ್ತು. ಕಾನ್ಸಾಸ್ ಪೊಲೀಸರ ಮಾಹಿತಿ ಪ್ರಕಾರ, ʻಕಳೆದ ವಾರ ಲಾರೆನ್ಸ್ ಪ್ರದೇಶದ ಅಪಾರ್ಟ್‌ಮೆಂಟ್‌ನಲ್ಲಿ ಮಹಿಳೆಯೊಬ್ಬರು ಕಿರುಚುತ್ತಿರುವ ಬಗ್ಗೆ ವರದಿಯಾಗಿತ್ತು. ಆ ಬಳಿಕ ನಟನನ್ನು ಬಂಧಿಸಲು ಪೊಲೀಸರು ಸ್ಥಳಕ್ಕೆ ತಲುಪುವ ಮೊದಲು, ನಟ ಅಲ್ಲಿಂದ ಪರಾರಿಯಾಗಿದ್ದʼ ಎಂದು ಮಾಹಿತಿ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: ಸಿಎಂ ಸಲಹೆಗಾರ ಬಿ.ಆರ್.ಪಾಟೀಲ್‌ ಕಾಲೇಜಿನ ಹಾಸ್ಟೆಲ್‌ನಲ್ಲಿ ವಿದ್ಯಾರ್ಥಿನಿ ಆತ್ಮಹತ್ಯೆ
ಲಾರೆನ್ಸ್‌ನ ಅಪಾರ್ಟ್‌ಮೆಂಟ್‌ನಲ್ಲಿ ಈ ಘಟನೆಯ ನಂತರ ಕೋಲ್ ಬ್ರಿಂಗ್ಸ್ ಪ್ಲೆಂಟಿಯನ್ನು ಬಂಧಿಸಲು ಲಾರೆನ್ಸ್ ಪೊಲೀಸರು ಜಿಲ್ಲಾಧಿಕಾರಿಗೆ ಅಫಿಡವಿಟ್ ಸಲ್ಲಿಸಿದ್ದರು. ಆದರೀಗ ನಟ ಶವವಾಗಿ ಪತ್ತೆಯಾಗಿದ್ದಾರೆ. ಪ್ಲೆಂಟಿಯ ಚಿಕ್ಕಪ್ಪ, ಯೆಲ್ಲೊಸ್ಟೋನ್ ಅವರು ನಟ ಇನ್ನಿಲ್ಲ ಎಂಬುದನ್ನು ಇನ್‌ಸ್ಟಾ ಮೂಲಕ ಮಾಹಿತಿ ಹಂಚಿಕೊಂಡಿದ್ದಾರೆ.
ಯೆಲ್ಲೊಸ್ಟೋನ್ ಪೋಸ್ಟ್‌ನಲ್ಲಿ ʻʻನನ್ನ ಮಗ ಕೋಲ್ ಪತ್ತೆಯಾಗಿದ್ದಾನೆ. ಆದರೆ ಆತ ಬದುಕಿಲ್ಲ. ನೀವು ಕಳುಹಿಸಿದ ಪ್ರಾರ್ಥನೆಗಳಿಗೆ ಹೃತ್ಪೂರ್ವಕ ಕೃತಜ್ಞತೆಗಳುʼʼಎಂದು ಅವರು ಬರೆದಿದ್ದಾರೆ. ಪ್ಲೆಂಟಿಯ ಚಿಕ್ಕಪ್ಪ ಈ ಹಿಂದೆ ಇನ್‌ಸ್ಟಾಗ್ರಾಮ್‌ನಲ್ಲಿ ಅವನಿಗಾಗಿ ಹಲವಾರು ಕಾಣೆಯಾದ ಪೋಸ್ಟರ್‌ಗಳನ್ನು ಹಂಚಿಕೊಂಡಿದ್ದರು.