ಬೆಂಗಳೂರು : ಸತೀಶ್‌ ನೀನಾಸಂ ಮತ್ತು ಶ್ರದ್ಧಾ ಶ್ರೀನಾಥ್‌ ಅಭಿನಯದ ಡಿಯರ್‌ ವಿಕ್ರಮ್‌ ಟ್ರೈಲರ್‌ (Dear Vikram Trailer) ರಿಲೀಸ್‌ ಆಗಿದೆ. ಸಂಭಾಷಣೆ ಹಾಗೂ ವಿಷ್ಯುವಲ್‌ ಮೂಲಕ ಜನರನ್ನು ಸೆಳೆದಿದೆ. ಕ್ರಾಂತಿಕಾರಿಯೊಬ್ಬನ ಪ್ರೇಮಕಥೆಯ ಕಥಾ ಹಂದರವನ್ನು ಹೊಂದಿರುವಂತೆ ಬಿಂಬಿತವಾಗಿದೆ. ಜೂನ್‌ 30ರಂದು ವೂಟ್‌ ಸೆಲೆಕ್ಟ್‌ನಲ್ಲಿ ಸಿನಿಮಾ ಬಿಡುಗಡೆಯಾಗಲಿದೆ.
ಕೆ.ಎಸ್‌ ನಂದೀಶ್‌ ನಿರ್ದೇಶನ ಮಾಡಿ, ಕಥೆಯನ್ನು ಬರೆದಿದ್ದಾರೆ. ಕುಕ್ಕೆ ಸುಬ್ರಹ್ಮಣ್ಯ, ಹಾಸನ, ಭಟ್ಕಳ, ಕರ್ನೂಲ್ ಅಲ್ಲದೆ ಮಲೇಶಿಯಾದಲ್ಲೂ ಚಿತ್ರೀಕರಣ ಮಾಡಿದೆ ಎಂದು ಚಿತ್ರತಂಡ ಹೇಳಿದೆ.
ಇದನ್ನೂ ಓದಿ | ‘ಗೋದ್ರಾʼ ಸಿನಿಮಾ ಟೈಟಲ್‌ ಚೇಂಜ್‌ ಆಯ್ತು ಡಿಯರ್‌ !
ಈ ಹಿಂದೆ ಸತೀಶ್‌ ನೀನಾಸಂ ಅವರ ಗೋದ್ರಾ ಸಿನಿಮಾ ಸಾಕಷ್ಟು ಸುದ್ದಿಯಲ್ಲಿತ್ತು. ಇನ್ನೂ ವಿಶೇಷ ಅಂದರೆ ಈ ಸಿನಿಮಾ ನೇರವಾಗಿ ಓಟಿಟಿಯಲ್ಲಿ ರಿಲೀಸ್‌ ಆಗುತ್ತಿದೆ.
ಶ್ರದ್ಧಾ ಶ್ರೀನಾಥ್‌ ಅವರು ನೀನಾಸಂ ಅವರೊಂದಿಗೆ ಮೊದಲ ಬಾರಿ ಮುಖ್ಯ ಪಾತ್ರದಲ್ಲಿ ಬಣ್ಣ ಹಚ್ಚಿದ್ದಾರೆ. ವಸಿಷ್ಠ ಸಿಂಹ, ಸೋನು ಗೌಡ, ಅಚ್ಚುತ್‌ ಕುಮಾರ ಮುಂತಾದ ಹೆಸರಾಂತ ನಟ ನಟಿಯರು ಚಿತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.
ಇದನ್ನೂ ಓದಿ | ಸತೀಶ್‌ ನೀನಾಸಂಗೆ ಹುಟ್ಟುಹಬ್ಬದ ಸಂಭ್ರಮ