ಮುಂಬೈ: ಬಾಲಿವುಡ್‌ನ ಬಹು ಬೇಡಿಕೆಯ ನಟಿಯಾಗಿರುವ ದೀಪಿಕಾ ಪಡುಕೋಣೆ (Deepika Padukone) ಸಾಮಾಜಿಕ ಜಾಲತಾಣಗಳಲ್ಲಿ ಆಕ್ಟಿವ್‌ ಇರುತ್ತಾರೆ. ತಮ್ಮ ಇನ್‌ಸ್ಟಾಗ್ರಾಂ ಪೇಜ್‌ನಲ್ಲಿ ಆಗಾಗ ತಮ್ಮ ವಿಶಿಷ್ಟ ಫೋಟೋಗಳನ್ನು ಹಂಚಿಕೊಳ್ಳುವ ನಟಿ ಸೋಮವಾರ ಕೂಡ ಸಂಚಲನ ಮೂಡಿಸುವ ಪೋಸ್ಟ್‌ ಒಂದನ್ನು ಹಂಚಿಕೊಂಡಿದ್ದಾರೆ. ಬ್ಲ್ಯಾಕ್‌ ಅಂಡ್‌ ವೈಟ್‌ ಬಿಕಿನಿ ತೊಟ್ಟಿರುವ ಫೋಟೋವನ್ನು ನಟಿ ಹಂಚಿಕೊಂಡಿದ್ದು, ಅದಕ್ಕೆ ಅವರ ಪತಿ ರಣವೀರ್‌ ಸಿಂಗ್‌ ಮಾಡಿರುವ ಕಾಮೆಂಟ್‌ ಅನೇಕರ ಹುಬ್ಬೇರಿಸುವಂತೆ ಮಾಡಿದೆ.
ನಟಿ ಬ್ಲ್ಯಾಕ್‌ ಅಂಡ್‌ ವೈಟ್‌ ಬಿಕಿನಿ ತೊಟ್ಟುಕೊಂಡು ಕ್ಯಾಮೆರಾಕ್ಕೆ ಫೋಸ್‌ ಕೊಡುತ್ತಿದ್ದಾರೆ. ಅದರ ಕ್ಯಾಂಡಿಡ್‌ ಫೋಟೋವನ್ನು ತೆಗೆಯಲಾಗಿದ್ದು, ಅದನ್ನು ಅವರು ಪೋಸ್ಟ್‌ನಲ್ಲಿ ಹಂಚಿಕೊಂಡಿದ್ದಾರೆ. “ಒಂದು ಕಾಲದಲ್ಲಿ… ತುಂಬ ಹಳೆಯದ್ದೇನಲ್ಲ…” ಎಂದು ಫೋಟೋಗೆ ಕ್ಯಾಪ್ಶನ್‌ ಕೊಟ್ಟುಕೊಂಡಿದ್ದಾರೆ. ನಟಿ ಸೋಮವಾರ ರಾತ್ರಿ ಹಂಚಿಕೊಂಡ ಈ ಪೋಸ್ಟ್‌ ಒಂದೇ ದಿನದಲ್ಲಿ ಲಕ್ಷಾಂತರ ಜನರಿಂದ ವೀಕ್ಷಣೆಗೊಂಡಿದೆ. ಹದಿನಾರು ಲಕ್ಷಕ್ಕೂ ಅಧಿಕ ಮಂದಿ ಫೋಟೋಗಳಿಗೆ ಲೈಕ್‌ ಮಾಡಿದ್ದಾರೆ. ಸಾವಿರಾರು ಮಂದಿ ನೆಚ್ಚಿನ ನಟಿಯ ಫೋಟೋವನ್ನು ತಮ್ಮ ಸ್ನೇಹಿತರೊಂದಿಗೆ ಹಂಚಿಕೊಂಡಿದ್ದಾರೆ ಕೂಡ.
ಇದನ್ನೂ ಓದಿ: Viral Video: ಐಸ್‌ಕ್ರೀಂ ಕಡ್ಡಿ, ಬೆಂಕಿ ಪೊಟ್ಟಣದ ನೆರಳಿನಲ್ಲೇ ಕಿಂಗ್‌ ಕೊಹ್ಲಿ ಚಿತ್ರ! ಕಲಾವಿದನಿಗೊಂದು ಸಲಾಂ
ಅನೇಕ ಸೆಲೆಬ್ರಿಟಿಗಳು ಕೂಡ ದೀಪಿಕಾ ಅವರ ಪೋಸ್ಟ್‌ ಲೈಕ್‌ ಮಾಡಿದ್ದು, ಮೆಚ್ಚುಗೆಯ ಕಮೆಂಟ್‌ಗಳನ್ನು ಮಾಡಿದ್ದಾರೆ. ಪ್ರಸಿದ್ಧ ಫ್ಯಾಶನ್‌ ಡಿಸೈನರ್‌ ಆಗಿರುವ ಮನೀಶ್‌ ಮಲ್ಹೋತ್ರಾ ಅವರು ಫೈರ್‌ ಇಮೋಜಿಯನ್ನು ಕಮೆಂಟ್‌ ಮಾಡಿದ್ದಾರೆ. ಹಾಗೆಯೇ ನಟಿ ಭೂಮಿ ಪಡ್ನೇಕರ್‌ ಅವರೂ ಫೈರ್‌ ಇಮೋಜಿಯನ್ನು ಕಮೆಂಟ್‌ ಮಾಡಿದ್ದಾರೆ. ಅವರಲ್ಲದೆ ನಟಿ ಬಿಪಾಶ ಬಸು ಕೂಡ ಫೋಟೋಗೆ ಮೆಚ್ಚುಗೆಯ ಪ್ರತಿಕ್ರಿಯೆ ಹಾಕಿದ್ದಾರೆ. ಹಾಗೆಯೇ ಸಾವಿರಾರು ಅಭಿಮಾನಿಗಳು ನಟಿಯ ಫೋಟೋಗೆ ಫಿದಾ ಆಗಿದ್ದಾಗಿ ಕಮೆಂಟ್‌ಗಳ ಮೂಲಕ ತಿಳಿಸಿದ್ದಾರೆ.
ಈ ಎಲ್ಲ ಕಮೆಂಟ್‌ಗಳ ಮಧ್ಯೆ ಗಮನ ಸೆಳೆದಿರುವುದು ದೀಪಿಕಾ ಅವರ ಪತಿ, ನಟ ರಣವೀರ್‌ ಸಿಂಗ್‌ ಮಾಡಿರುವ ಕಮೆಂಟ್‌. “ಒಂದು ಎಚ್ಚರಿಕೆ ನೀಡಿದರೆ ಚೆನ್ನಾಗಿರುತ್ತಿತ್ತು” ಎಂದು ರಣವೀರ್‌ ಹೇಳಿದ್ದಾರೆ. ಈ ರೀತಿಯ ಹಾಟ್‌ ಪಿಕ್‌ ಹಾಕುತ್ತೇನೆ ಎನ್ನುವ ಸುಳಿವನ್ನೂ ಕೊಡದೆ ಹಾಕಿರುವುದು ತಮ್ಮನ್ನು ದಂಗು ಮಾಡಿದೆ. ಫೋಟೋಗಳು ಅಷ್ಟೊಂದು ಚೆನ್ನಾಗಿವೆ ಎನ್ನುವುದು ರಣವೀರ್‌ ಅವರ ಕಮೆಂಟ್‌ನ ಅರ್ಥವಾಗಿದೆ. ಇನ್ನು ರಣವೀರ್‌ ಅವರ ಪ್ರತಿಕ್ರಿಯೆಗೆ ಕೂಡ ಅನೇಕ ಜನರು ಪ್ರತಿಯಾಗಿ ಕಮೆಂಟ್‌ ಮಾಡಲಾರಂಭಿಸಿದ್ದಾರೆ. “ರಣವೀರ್‌ ಭಾಯ್‌ ನೀವು ತುಂಬಾ ಲಕ್ಕಿ” ಎನ್ನುವಂತಹ ಕಮೆಂಟ್‌ಗಳನ್ನು ಮಾಡಿದ್ದಾರೆ.
ಇದನ್ನೂ ಓದಿ: Viral video: ಹಿಂಡು ತಪ್ಪಿಸಿಕೊಂಡ ಕಾಡಾನೆ ಮರಿ ಕರೆದರೆ ಏನು ಮಾಡುತ್ತೆ ನೋಡಿ!
ಇತ್ತೀಚೆಗೆ ದೀಪಿಕಾ ಅವರು ರಣವೀರ್‌ ಅವರ ಜತೆಯಲ್ಲಿ ರಣವೀರ್‌, ಆಲಿಯಾ ನಟನೆಯ ರಾಕಿ ಔರ್‌ ರಾಣಿ ಕಿ ಪ್ರೇಮ್‌ ಕಹಾನಿ ಸಿನಿಮಾವನ್ನು ವೀಕ್ಷಿಸಿದ್ದರು. ರಣವೀರ್‌ ಅವರು ತಮ್ಮ ಸಿನಿಮಾದ ಹಾಡಾದ ವಾಟ್‌ ಜುಮ್ಕಾ ಹಾಡಿಗೆ ಪತ್ನಿಯೊಂದಿಗೆ ನೃತ್ಯ ಮಾಡುತ್ತಿರುವ ವಿಡಿಯೊವನ್ನು ಭಾನುವಾರದಂದು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದರು ಕೂಡ. ನೃತ್ಯದ ಕೊನೆಯಲ್ಲಿ ರಣವೀರ್‌ ಸಿನಿಮಾದಲ್ಲಿನ ರಾಕಿ ಪಾತ್ರದಲ್ಲಿ ಮಿಮಿಕ್‌ ಮಾಡಿದ್ದಾರೆ ಕೂಡ. ಅದನ್ನು ಕಂಡು ನಗುವ ದೀಪಿಕಾ, “ನೀನು ಮಾತ್ರ ಹೀಗೆ ಮಾಡಲು ಸಾಧ್ಯ” ಎಂದು ಹೇಳಿದ್ದಾರೆ.
ದೀಪಿಕಾ ಅವರು ನಾಗ್‌ ಅಶ್ವಿನ್‌ ನಿರ್ದೇಶನದ ಕಲ್ಕಿ 2898 AD ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಈ ಸಿನಿಮಾದಲ್ಲಿ ಹಿರಿಯ ನಟ ಅಮಿತಾಭ್‌ ಬಚ್ಚನ್‌ ಮತ್ತು ತೆಲುಗು ನಟ ಪ್ರಭಾಸ್‌ ಕೂಡ ನಟಿಸುತ್ತಿದ್ದಾರೆ. ಇದಲ್ಲದೆ ನಟಿ ಸಿದ್ಧಾರ್ಥ್‌ ಆನಂದ್‌ ಅವರ ಫೈಟರ್‌ ಸಿನಿಮಾದಲ್ಲೂ ನಟಿಸುತ್ತಿದ್ದಾರೆ. ಈ ಸಿನಿಮಾದಲ್ಲಿ ನಟ ಹೃತಿಕ್‌ ರೋಷನ್‌ ದೀಪಿಕಾ ಅವರಿಗೆ ಜತೆಯಾಗಲಿದ್ದಾರೆ. ಈ ಸಿನಿಮಾ ಮುಂದಿನ ವರ್ಷ ಜನವರಿ 25ರಂದು ಬಿಡುಗಡೆಯಾಗಲಿದೆ.