ಬೆಂಗಳೂರು; ಬಾಲಿವುಡ್‌ ನಟಿ ದೀಪಿಕಾ ಪಡುಕೋಣೆ ಗುರುವಾರ (ಡಿಸೆಂಬರ್ 14) ತಿರುಪತಿಗೆ ಆಗಮಿಸಿ ವೆಂಕಟೇಶ್ವರನ ಆಶೀರ್ವಾದ ಪಡೆದಿದ್ದಾರೆ. ಸಹೋದರಿ ಮತ್ತು ಗಾಲ್ಫ್ ಆಟಗಾರ್ತಿ ಅನಿಶಾ ಪಡುಕೋಣೆಯೊಂದಿಗೆ ದೇವಾಲಯದ ಮೆಟ್ಟಿಲುಗಳನ್ನು ಹತ್ತುವ ವಿಡಿಯೊ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ. ಡಿಸೆಂಬರ್ 14ರ ರಾತ್ರಿ ಅಲಿಪಿರಿ ಕಾಲುದಾರಿಯಲ್ಲಿ ಎರಡೂವರೆ ಗಂಟೆಗಳ ಕಾಲ ನಡೆದು ದೇವಾಲಯದ ಆವರಣವನ್ನು ತಲುಪಿದ್ದಾರೆ. ತಿರುಮಲದಲ್ಲಿರುವ ರಾಧೇಯಂ ಅತಿಥಿಗೃಹದಲ್ಲಿ ತಂಗಿದ್ದ ಅವರು ಇಂದು (ಡಿಸೆಂಬರ್ 15) ಬೆಳಗ್ಗೆ ದೇವರ ದರ್ಶನ ಪಡೆದರು.
ಬಾಲಿವುಡ್‌ನ ಟಾಪ್‌ ನಟಿ, ಕನ್ನಡತಿ ದೀಪಿಕಾ ಪಡುಕೋಣೆ (Deepika Padukone) ಈ ವರ್ಷ ಭರ್ಜರಿ ಯಶಸ್ಸಿನಲ್ಲಿ ತೇಲುತ್ತಿದ್ದಾರೆ. ವರ್ಷಾರಂಭದಲ್ಲಿ ತೆರೆಕಂಡ ಪಠಾಣ್‌ (Pathaan) ಚಿತ್ರ ಬಾಕ್ಸ್‌ ಆಫೀಸ್‌ನಲ್ಲಿ ಕಮಾಲ್‌ ಮಾಡಿದೆ. ಶಾರುಖ್‌ ಖಾನ್‌-ದೀಪಿಕಾ ಪಡುಕೋಣೆ ಅಭಿನಯದ ಈ ಸಿನಿಮಾ 1 ಸಾವಿರ ರೂ.ಗಿಂತ ಅಧಿಕ ಕಲೆಕ್ಷನ್‌ ಮಾಡಿದೆ. ಬಳಿಕ ತೆರೆಕಂಡ ಜವಾನ್‌ (Jawan) ಚಿತ್ರದಲ್ಲಿ ದೀಪಿಕಾ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಅಲ್ಲೂ ಶಾರುಖ್‌ ಜತೆ ತೆರೆ ಹಂಚಿಕೊಂಡಿದ್ದರು. ಈ ಚಿತ್ರವೂ ಸೂಪರ್‌ ಹಿಟ್‌ ಆಗಿದೆ. ಸಣ್ಣ ಪಾತ್ರವಾದರೂ ದೀಪಿಕಾ ಗಮನ ಸೆಳೆದಿದ್ದರು. ಇದೀಗ ಅವರ ಮುಂದಿನ ಚಿತ್ರ ‘ಫೈಟರ್’(Fighter)ನ ಫಸ್ಟ್‌ ಲುಕ್‌ ರಿಲೀಸ್‌ ಆಗಿದೆ. ಫೈಲಟ್‌ ಅವತಾರ ತಾಳಿರುವ ದೀಪಿಕಾ ಲುಕ್‌ಗೆ ಅಭಿಮಾನಗಳು ಫಿದಾ ಆಗಿದ್ದಾರೆ.
ನಟ ಹೃತಿಕ್ ರೋಷನ್ ಅವರ ‘ಫೈಟರ್’ ನಲ್ಲಿ ಮುಂದಿನ ಬಾರಿ ಕಾಣಿಸಿಕೊಳ್ಳಲಿದ್ದಾರೆ, ಇದು ಜನವರಿ 25, 2024 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ಅವರು ಸ್ಕ್ವಾಡ್ರನ್ ಲೀಡರ್ ಮಿನಲ್ ರಾಥೋರ್ ಎಕೆಎ ಮಿನ್ನಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಹೃತಿಕ್ ರೋಷನ್, ಅನಿಲ್ ಕಪೂರ್, ಕರಣ್ ಸಿಂಗ್ ಗ್ರೋವರ್, ಅಕ್ಷಯ್ ಒಬೆರಾಯ್, ತಲತ್ ಅಜೀಜ್ ಮತ್ತು ಸಂಜೀದಾ ಶೇಖ್ ತಾರಾಗಣದ ಭಾಗವಾಗಿದೆ.
ಇದನ್ನೂ ಓದಿ: Deepika Padukone: ಪೈಲಟ್‌ ಅವತಾರದಲ್ಲಿ ದೀಪಿಕಾ; ‘ಫೈಟರ್’ ಫಸ್ಟ್‌ ಲುಕ್‌ ಹೊರಬಿತ್ತು
‘ફાઈટર’ ફિલ્મની રિલીઝ પૂર્વે દીપિકા તિરુપતિ બાલાજીની શરણમાંhttps://t.co/OeI4EA85KH#Fighter #Film #Bollywood #DeepikaPadukone #Blessings #Tirupati #SriVenkateswaraSwamiTemple #HrithikRoshan #દીપિકાપદુકોણ #ફાઈટર #ફિલ્મ #બોલીવુડ #તિરુપતિબાલાજી #મંદિર #Chitralekha #ChitralekhaNews pic.twitter.com/pkjygCjHGl
— chitralekha (@chitralekhamag) December 15, 2023
Bollywood Superstar @deepikapadukone yesterday climbed the hill on foot via Alipiri steps and reached the famous Tirumala Tirupati Hindu hill. This morning he prayed to Lord Venkateswara.#tirumala #tirupatibalajitemple #Trending #Bollywood pic.twitter.com/KqgHuPTA7G
— siva (@sivakaika) December 15, 2023
ಇತಿಹಾಸ ಮರುಕಳಿಸುತ್ತಾ?
‘ಪಠಾಣ್‌’ ಚಿತ್ರ ಈ ವರ್ಷದ ಜನವರಿ 25ರಂದು ರಿಲೀಸ್‌ ಆಗಿ ಭರ್ಜರಿ ಯಶಸ್ಸು ಸಾಧಿಸಿದೆ. ವಿಶೇಷ ಎಂದರೆ ಇದಕ್ಕೆ ಆ್ಯಕ್ಷನ್‌ ಕಟ್‌ ಹೇಳಿದ್ದು ಸಿದ್ಧಾರ್ಥ್‌ ಆನಂದ್‌. ʼಪಠಾಣ್‌ʼ ಮತ್ತು ʼಫೈಟರ್ʼ ಚಿತ್ರಗಳಲ್ಲಿ ದೀಪಿಕಾ ನಾಯಕಿ. ಹೀಗಾಗಿ ಈ ಹಿಟ್‌ ಕಾಂಬಿನೇಷನ್‌ ಮತ್ತೊಮ್ಮೆ ಬಾಕ್ಸ್‌ ಆಫೀಸ್‌ನಲ್ಲಿ ಧೂಳೆಬ್ಬಿಸಲಿದೆ ಎನ್ನುವ ಲೆಕ್ಕಾಚಾರ ಆರಂಭವಾಗಿದೆ. ʼಫೈಟರ್ʼ ಕೂಡ ಬಹು ಕೋಟಿ ರೂ. ವೆಚ್ಚದಲ್ಲಿ ತಯಾರಾಗಿದ್ದು, ಹಾಲಿವುಡ್‌ ರೀತಿಯ ಸಾಹಸ ದೃಶ್ಯಗಳು ಇರಲಿವೆ ಎನ್ನುವ ಮಾತು ಕೇಳಿ ಬಂದಿದೆ. ಅನಿಲ್ ಕಪೂರ್ ಕೂಡ ಬಹು ಮುಖ್ಯ ಪಾತ್ರದಲ್ಲಿ ನಟಿಸಿದ್ದಾರೆ.
ಅಲ್ಲದೆ ಮೊದಲ ಬಾರಿ ಹೃತಿಕ್ ಮತ್ತು ದೀಪಿಕಾ ಜತೆಯಾಗಿ ನಟಿಸುತ್ತಿರುವುದು ಕೂಡ ನಿರೀಕ್ಷೆ ಹೆಚ್ಚಿಸಿದೆ. ವಿದೇಶದಲ್ಲಿ ನಡೆದ ಸಾಹಸ ದೃಶ್ಯಗಳ ಚಿತ್ರೀಕರಣದಲ್ಲಿ ಇಬ್ಬರೂ ಭಾಗವಹಿಸಿದ್ದರು. Aerial action (ವೈಮಾನಿಕ ಸಾಹಸ) ಒಳಗೊಂಡ ಈ ಚಿತ್ರದ ಪೋಸ್ಟರ್‌ ರಿಲೀಸ್‌ ಆಗಿ ವೈರಲ್ ಆಗಿತ್ತು.
ಈ ಚಿತ್ರದ ಜತೆಗೆ ದೀಪಿಕಾ ಪ್ರಭಾಸ್‌ ಅಭಿನಯದ ʼಕಲ್ಕಿ 2898 ಎ.ಡಿ.ʼ ಮತ್ತು ʼಸಿಂಗಮ್‌ ಅಗೈನ್‌ʼ ಚಿತ್ರಗಳಲ್ಲಿ ನಟಿಸುತ್ತಿದ್ದಾರೆ. ಸೈನ್ಸ್‌ ಫಿಕ್ಷನ್‌ ʼಕಲ್ಕಿʼ ಸಿನಿಮಾ ಇದುವರೆಗಿನ ಅತೀ ದೊಡ್ಡ ಬಜೆಟ್‌ನ ಚಿತ್ರ ಎನ್ನುವ ಹೆಗ್ಗಳಿಕೆ ಪಡೆದುಕೊಂಡಿದೆ. ಅದೇ ರೀತಿ ʼಸಿಂಗಮ್‌ ಎಗೈನ್‌ʼ ಚಿತ್ರದಲ್ಲಿ ದೀಪಿಕಾ ಪೊಲೀಸ್‌ ಅವತಾರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇನ್ನು ಹೃತಿಕ್ ರೋಷನ್ ವಾರ್‌ 2 ಸಿನಿಮಾದಲ್ಲಿ ನಿರತರಾಗಿದ್ದಾರೆ.