ಬೆಂಗಳೂರು: ತಮಿಳು ನಟ ಧನುಷ್ (Actor Dhanush) ಇಳಯರಾಜ ಬಯೋಪಿಕ್‌ನ ಮುಖ್ಯಪಾತ್ರವನ್ನು ನಿಭಾಯಿಸಿಲಿದ್ದಾರೆ. ಸಿನಿಮಾ ಟ್ರೇಡ್ ವಿಶ್ಲೇಷಕ ಮನೋಬಾಲಾ ವಿಜಯಬಾಲನ್ ಪ್ರಕಾರ, ಮುಂದಿನ ವರ್ಷ ಚಿತ್ರೀಕರಣ ಆರಂಭವಾಗಲಿದೆ. ಹೆಸರಿಡದ ಈ ಚಿತ್ರ 2025ರಲ್ಲಿ ಬಿಡುಗಡೆಯಾಗಲಿದೆ ಎಂದು ಟ್ವೀಟ್‌ ಮಾಡಿದ್ದಾರೆ.
ಇಳಯರಾಜ ಅವರ ಜತೆ ಧನುಷ್ ಇರುವ ಫೋಟೊಗಳನ್ನೂ ಈ ಹಿಂದೆ ಹಂಚಿಕೊಂಡಿದ್ದರು.
ಇಳಯರಾಜ ಭಾರತೀಯ ಚಿತ್ರರಂಗದ ಖ್ಯಾತ ಸಂಗೀತ ನಿರ್ದೇಶಕ. ಏಳು ಸಾವಿರಕ್ಕೂ ಹೆಚ್ಚು ಹಾಡುಗಳಿಗೆ ರಾಗಸಂಯೋಜನೆ ಮಾಡಿದ್ದಾರೆ. 1,400 ಚಿತ್ರಗಳಿಗೆ ಸಂಗೀತ ನೀಡಿದ್ದಾರೆ. 20 ಸಾವಿರಕ್ಕೂ ಹೆಚ್ಚು ಕಾರ್ಯಕ್ರಮಗಳಲ್ಲಿ ಸಂಗೀತವಾದ್ಯ ನೀಡಿದ್ದಾರೆ. ಭಾರತದ ಅದರಲ್ಲೂ ತಮಿಳಿನ ಜಾನಪದ ಸಂಗೀತವನ್ನು ಆಧರಿಸಿಯೇ ಹೆಚ್ಚಾಗಿ ಇವರು ಹಾಡು ಕಟ್ಟಿದ್ದಾರೆ. ಇದೀಗ ಇಳಯರಾಜ ಅವರ ಜೀವನ ಪ್ರಯಾಣದ ಕುರಿತಾದ ಚಿತ್ರ ಸೆಟ್ಟೇರಲು ಸಜ್ಜಾಗುತ್ತಿದೆ. ದಿ ಟೈಮ್ಸ್ ಆಫ್ ಇಂಡಿಯಾ ವರದಿಯ ಪ್ರಕಾರ ಇಳಯರಾಜ ಅವರ ಮಗ ಯುವನ್ ಶಂಕರ್ ರಾಜಾ ಅವರು ಧನುಷ್ ಅವರೇ ತಂದೆಯ ಬಯೋಪಿಕ್‌ಗೆ ಪಾತ್ರ ನಿಭಾಯಿಸಬೇಕು ಎಂಬ ಬಯಕೆಯನ್ನು ವ್ಯಕ್ತಪಡಿಸಿದ್ದಾರೆ ಎಂದು ವರದಿಯಾಗಿದೆ.
ಇದೀಗ ಸಿನಿಮಾ ಅಪ್‌ಡೇಟ್‌ ಹೊರ ಬರುತ್ತಿದ್ದಂತೆ ʻಧನುಷ್ ಅತ್ಯುತ್ತಮ ಭಾರತೀಯ ನಟರಲ್ಲಿ ಒಬ್ಬರು” ಎಂದು ಒಬ್ಬರು ಕಮೆಂಟ್‌ ಮಾಡಿದ್ದಾರೆ. ಧನುಷ್ ಅವರ ಹೈ-ಬಜೆಟ್ ತಮಿಳು ಚಲನಚಿತ್ರ ಕ್ಯಾಪ್ಟನ್ ಮಿಲ್ಲರ್ ಡಿಸೆಂಬರ್ 15 ರಂದು ವಿಶ್ವದಾದ್ಯಂತ ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಗಲಿದೆ. ಈ ಚಿತ್ರವನ್ನು ಅರುಣ್ ಮಾಥೇಶ್ವರನ್ ನಿರ್ದೇಶಿಸಿದ್ದಾರೆ. ಇದರಲ್ಲಿ ಪ್ರಿಯಾಂಕಾ ಮೋಹನ್ ಮತ್ತು ಕನ್ನಡದ ಸೂಪರ್‌ಸ್ಟಾರ್ ಶಿವ ರಾಜ್‌ಕುಮಾರ್ ಸಹ ನಟಿಸಿದ್ದಾರೆ.
ಇದನ್ನೂ ಓದಿ: Actor Dhanush: ಸಹಾಯಕನ ಮದುವೆಗೆ ಬಂದು ಹರಸಿದ ನಟ ಧನುಷ್!
Filming for the much-anticipated Official Biopic based on the life and times of the Music Maestro, Isaignani #ILAIYARAAJA with the very versatile and talented #Dhanush portraying the legendary composer on screen to commence on October 2024.
— Manobala Vijayabalan (@ManobalaV) November 10, 2023
Film will… pic.twitter.com/9sS8n4NfVc
ಪ್ರಸ್ತುತ, ಧನುಷ್ ತಮ್ಮ 50 ನೇ ಚಿತ್ರದಲ್ಲಿ ನಿರ್ದೇಶಕ ಮತ್ತು ನಟರಾಗಿ ಕೆಲಸ ಮಾಡುತ್ತಿದ್ದಾರೆ. ಇದನ್ನು ಸನ್ ಪಿಕ್ಚರ್ಸ್ ನಿರ್ಮಿಸಿದೆ. ಚಿತ್ರಕ್ಕೆ ಎಆರ್ ರೆಹಮಾನ್ ಸಂಗೀತ ಸಂಯೋಜಿಸಿದ್ದಾರೆ. ನಾಗಾರ್ಜುನ ಜತೆಗೆ ಧನುಷ್ ಡ 51 ರಲ್ಲಿ ನಟಿಸಲಿದ್ದಾರೆ. ಈ ಚಿತ್ರವನ್ನು ಶೇಖರ್ ಕಮ್ಮುಲ ನಿರ್ದೇಶಿಸುತ್ತಿದ್ದು, ರಶ್ಮಿಕಾ ಮಂದಣ್ಣ ಕೂಡ ಒಂದು ಭಾಗವಾಗಿದ್ದಾರೆ. ಆನಂದ್ ಎಲ್ ರೈ ಅವರೊಂದಿಗೆ ತೇರೆ ಇಷ್ಕ್ ಮೇ ಸಹ ಹೊಂದಿದ್ದಾರೆ.