ಬೆಂಗಳೂರು: ಬಾಲಿವುಡ್‌ ನಟ ಶಾರುಖ್ ಖಾನ್ (Pathaan Movie) ಅವರು ಆಗಾಗ ಅವರ ಅಭಿಮಾನಿಗಳೊಂದಿಗೆ ಟ್ವೀಟ್‌ನಲ್ಲಿ ಸಂವಾದ ಮಾಡುತ್ತಲೇ ಇರುತ್ತಾರೆ. ಆಸ್ಕ್‌ ಎಸ್‌ಆರ್‌ಕೆ ಅಡಿಯಲ್ಲಿ ಶಾರುಖ್ ಅಭಿಮಾನಿಗಳೊಂದಿಗೆ ಹಲವಾರು ವಿಚಾರಗಳ ಬಗ್ಗೆ ಮಾತನಾಡಿದ್ದಾರೆ. ಈ ವೇಳೆ ನಟ ಚಿತ್ರಮಂದಿರಗಳಲ್ಲಿ ಅಭಿಮಾನಿಗಳೊಂದಿಗೆ ಚಲನಚಿತ್ರವನ್ನು ವೀಕ್ಷಿಸುವ ಕುರಿತು ಮಾಹಿತಿ ಹಂಚಿಕೊಂಡರು.
ಪಠಾಣ್ ಬಿಡುಗಡೆಗೆ ಕ್ಷಣಗಣನೆ ಆರಂಭವಾಗಿದ್ದು, ಮೊದಲ ದಿನವೇ ಬಹು ನಿರೀಕ್ಷಿತ ಚಿತ್ರವನ್ನು ವೀಕ್ಷಿಸಲು ಶಾರುಖ್ ಅಭಿಮಾನಿಗಳು ಸಜ್ಜಾಗುತ್ತಿದ್ದಾರೆ. ಶಾರುಖ್ ಖಾನ್ ತಮ್ಮ ಅಭಿಮಾನಿಗಳಿಗಾಗಿ ಟ್ವಿಟರ್‌ನಲ್ಲಿ ಸೆಷನ್ ಮಾಡಿದ್ದಾರೆ. ಎಂದಿನಂತೆ, ಎಸ್‌ಆರ್‌ಕೆ ತನ್ನ ಅಭಿಮಾನಿಗಳಿಗೆ ಪ್ರತ್ಯುತ್ತರ ನೀಡುವಾಗ ಅವರ ಉತ್ತರಗಳು ಹಾಸ್ಯಮಯವಾಗಿದ್ದವು. ಟ್ವಿಟರ್‌ ಬಳಕೆದಾರರಲ್ಲಿ ಒಬ್ಬರು ʻ ಅಭಿಮಾನಿಗಳೊಂದಿಗೆ ಶಾರುಖ್ ಚಲನಚಿತ್ರವನ್ನು ವೀಕ್ಷಿಸಲು ಥಿಯೇಟರ್‌ಗೆ ಬರುತ್ತೀರಾ?ʼ ಎಂದು ಕೇಳಿದರು. ಇದಕ್ಕೆ ಪ್ರತಿಕ್ರಿಯಿಸಿದ ಶಾರುಖ್ ʻʻ”ಇಲ್ಲ ದೀರ್ಘಕಾಲದಿಂದ ಹಾಗೆ ಮಾಡಿಲ್ಲ. ಸಿನಿಮಾವನ್ನು ಬಹುಶಃ ಪ್ರೇಕ್ಷಕರು ಕಿಕ್ಕಿರಿದು ತುಂಬಿದ ಹಾಲ್‌ನಲ್ಲಿ ನೋಡಲೇಬೇಕಾದ ಸಿನಿಮಾ ಇದುʼʼಎಂದು ಹೇಳಿದ್ದಾರೆ.
ಇದನ್ನೂ ಓದಿ | Pathaan Movie | 36 ಗಂಟೆಗಳಲ್ಲಿ ಬುಕ್‌ ಮೈ ಶೋನಲ್ಲಿ 4 ಲಕ್ಷ ಟಿಕೆಟ್‌ ಸೋಲ್ಡ್‌ ಔಟ್‌: ಪಠಾಣ್‌ಗೆ ಅದ್ಭುತ ಪ್ರತಿಕ್ರಿಯೆ!
ಮತ್ತೊಬ್ಬರು “ಹಾಯ್ ಸರ್, ನೀವು ಚಲನಚಿತ್ರ ಬಿಡುಗಡೆಯ ದಿನ ತೆಲುಗು ರಾಜ್ಯಗಳ ಯಾವುದೆಲ್ಲ ಥಿಯೇಟರ್‌ಗಳಿಗೆ ಭೇಟಿ ನೀಡುತ್ತೀರಾ? ಎಂದು ಪ್ರಶ್ನಿಸಿದ್ದಾರೆ.” ಇದಕ್ಕೆ ಎಸ್‌ಆರ್‌ಕೆ ಉತ್ತರ ನೀಡಿ “ಹೌದು ರಾಮ್ ಚರಣ್ ನನ್ನನ್ನು ಕರೆದುಕೊಂಡು ಹೋದರೆ!,” ಎಂದು ಹೇಳಿದರು.
ಬಿಡುಗಡೆಗೂ ಮುನ್ನವೇ ಪಠಾಣ್‌ಗೆ ಜನರ ಪ್ರತಿಕ್ರಿಯೆಯ ಕುರಿತು ಶಾರುಖ್ ಅವರ ಬಳಿ ಅಭಿಮಾನಿಯೊಬ್ಬರು ಅವರನ್ನು ಕೇಳಿದಾಗ, “ನಮ್ಮ ತಂಡದಲ್ಲಿ ಹಲವಾರು ಪರಿಶ್ರಮಿಗಳಿದ್ದು, ಅವರ ಕೆಲಸದ ಬಗ್ಗೆ ಮೆಚ್ಚುಗೆ ಇದೆ” ಎಂದು ಶಾರುಖ್ ಹೇಳಿದ್ದಾರೆ.
ಪಠಾಣ್ ಸಿನಿಮಾ ಜನವರಿ 25ರಂದು ವಿಶ್ವಾದ್ಯಂತ ತೆರೆ ಕಾಣುತ್ತಿದೆ. ಮುಂಗಡ ಟಿಕೆಟ್‌ ಬುಕ್ಕಿಂಗ್‌ನಲ್ಲಿ ಹೊಸ ದಾಖಲೆ ನಿರ್ಮಿಸುತ್ತಿದೆ. ನಾಲ್ಕು ವರ್ಷಗಳ ನಂತರ ಶಾರುಖ್ ಮತ್ತೆ ತೆರೆ ಮೇಲೆ ಮತ್ತೆ ಕಾಣಿಸಿಕೊಳ್ಳುತ್ತಿದ್ದಾರೆ. ಶಾರುಖ್ ಅಭಿಮಾನಿಗಳು ತುಂಬ ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ಯಶ್‌ರಾಜ್ ಬ್ಯಾನರ್ನಡಿ ನಿರ್ಮಾಣವಾಗುತ್ತಿರುವ ಪಠಾಣ್ ಸಿನಿಮಾವನ್ನು ಸಿದ್ದಾರ್ಥ್ ಆನಂದ್ ನಿರ್ದೇಶನ ಮಾಡಿದ್ದಾರೆ. ಶಾರುಖ್ ಖಾನ್, ದೀಪಿಕಾ ಪಡುಕೋಣೆ ಮತ್ತು ಜಾನ್ ಅಬ್ರಹಾಂ ಮೊದಲ ಬಾರಿಗೆ ಪಠಾಣ್ ಚಿತ್ರದಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ನವೆಂಬರ್ನಲ್ಲಿ ಟೀಸರ್ ಬಿಡುಗಡೆಯಾಗಿದೆ.
ಇದನ್ನೂ ಓದಿ | Pathaan Movie | 36 ಗಂಟೆಗಳಲ್ಲಿ ಬುಕ್‌ ಮೈ ಶೋನಲ್ಲಿ 4 ಲಕ್ಷ ಟಿಕೆಟ್‌ ಸೋಲ್ಡ್‌ ಔಟ್‌: ಪಠಾಣ್‌ಗೆ ಅದ್ಭುತ ಪ್ರತಿಕ್ರಿಯೆ!