ಬೆಂಗಳೂರು: ಡಾಲಿ ಧನಂಜಯ್‌ (Dolly Dhananjay) ನಿರ್ಮಾಣ ಹಾಗೂ ನಟನೆಯ ‘ಹೆಡ್‌ ಬುಷ್’ ಸಿನಿಮಾ ಅಕ್ಟೋಬರ್‌ 21ರಂದು 494 ಸ್ಕ್ರೀನ್‌ಗಳಲ್ಲಿ ಬಿಡುಗಡೆಗೊಂಡಿದೆ. ಇದೀಗ ಹೆಡ್‌ ಬುಷ್ ಸಿನಿಮಾದ ಮೊದಲ ದಿನದ ಕಲೆಕ್ಷನ್ ಜೋರಾಗಿದೆ ಎನ್ನಲಾಗುತ್ತಿದೆ. ಅಂದಾಜಿನ ಪ್ರಕಾರ ಸುಮಾರು 1,127 ಶೋಗಳಲ್ಲಿ ‘ಹೆಡ್‌ ಬುಷ್’ ಸಿನಿಮಾ ಪ್ರದರ್ಶನ ಕಂಡಿದೆ. ಜತೆಗೆ ರಿಲೀಸ್‌ಗೂ ಒಂದು ದಿನ ಮುನ್ನವೇ ಪೇಯ್ಡ್ ಪ್ರೀಮಿಯರ್ ಶೋಅನ್ನೂ ಏರ್ಪಡಿಸಲಾಗಿತ್ತು. ಇವೆಲ್ಲವುಗಳಿಂದ ಉತ್ತಮ ಕಲೆಕ್ಷನ್ ಮಾಡಿದೆ ಎನ್ನಲಾಗುತ್ತಿದೆ.
ಹೆಡ್‌ ಬುಷ್ ಸಿನಿಮಾ ಮೊದಲ ದಿನ 3.50 ಕೋಟಿ ರೂ. ಇಂದ 4 ಕೋಟಿ ರೂ. ಕಲೆಕ್ಷನ್ ಆಗಿರಬಹುದು ಎನ್ನಲಾಗುತ್ತಿದೆ. ಇನ್ನೊಂದು ಮೂಲದ ಪ್ರಕಾರ 4.23 ಕೋಟಿ ರೂ. ಕಲೆಕ್ಷನ್ ಮಾಡಿದೆ ಎಂದು ತಿಳಿದುಬಂದಿದೆ. ಬೆಂಗಳೂರು, ಮೈಸೂರು ಸೇರಿದಂತೆ ಹಲವು ಭಾಗಗಳಲ್ಲಿ ಸಿನಿಮಾ ಕಲೆಕ್ಷನ್ ಮಾಡುತ್ತಿದೆ.
ಸಿನಿ ಪ್ರಿಯರು ಹೇಳುವ ಪ್ರಕಾರ ಡಾಲಿ ಧನಂಜಯ್‌ ಸಿನಿ ಕರಿಯರ್‌ ನಲ್ಲಿ ಈ ಸಿನಿಮಾ ದಾಖಲೆ ಕಂಡಿದೆ ಎನ್ನಲಾಗುತ್ತಿದೆ. ದೀಪಾವಳಿ ಸಮಯದಲ್ಲಿ ಹೆಡ್‌ ಬುಷ್ ಸಿನಿಮಾ ತೆರೆ ಕಂಡಿದ್ದು ರಜಾ ದಿನಗಳಲ್ಲಿ ಸಿನಿಮಾ ಇನ್ನಷ್ಟು ಕಲೆಕ್ಷನ್ ಮಾಡುತ್ತೆ ಎಂದು ತಿಳಿದುಬಂದಿದೆ.
ಇದನ್ನೂ ಓದಿ | Head Bush Movie | ನಟ ರಾಕ್ಷಸನ ಭೂಗತ ಲೋಕದ ಅನಾವರಣ: ಹೆಡ್‌ ಬುಷ್ ಸಿನಿಮಾ ಟ್ರೈಲರ್‌ ಔಟ್‌!