ಬೆಂಗಳೂರು : ಬಾಲಿವುಡ್ನಲ್ಲಿ ಅಜಯ್ ದೇವಗನ್ ನಟನೆಯ ದೃಶ್ಯಂ-2 ಸಿನಿಮಾ (Drishyam 2) ಈ ವರ್ಷ ಜಯಭೇರಿ ಬಾರಿಸಿದೆ. ಮೊದಲ ದಿನದಿಂದಲೂ ಈ ಚಿತ್ರ ಉತ್ತಮ ಕಲೆಕ್ಷನ್ ಮಾಡುತ್ತಿದೆ. ಆ ಮೂಲಕ ಬಾಲಿವುಡ್ ಬಾಕ್ಸ್ ಆಫೀಸ್ಗೆ ಹೊಸ ಚೈತನ್ಯ ನೀಡಿದೆ. ಈಗ 155 ಕೋಟಿ ರೂ.ಗೂ ಹೆಚ್ಚು ಕಲೆಕ್ಷನ್ ಮಾಡಿ ಮುನ್ನುಗ್ಗುತ್ತಿದೆ. ಈ ವರ್ಷ ಅಜಯ್ ದೇವಗನ್ ನಟನೆಯ ʻರನ್ವೇ 34ʼ ಹಾಗೂ ʻಥ್ಯಾಂಕ್ ಗಾಡ್ʼ ಸಿನಿಮಾಗಳು ನಿರೀಕ್ಷಿತ ಮಟ್ಟದಲ್ಲಿ ಕಲೆಕ್ಷನ್ ಮಾಡಲಿಲ್ಲ. ಕೊನೆಗೂ ಅವರ ಕೈ ಹಿಡಿದಿರುವುದು ದೃಶ್ಯಂ 2 ಚಿತ್ರ.
ಮಲಯಾಳಂ ನಟ ಮೋಹನ್‌ಲಾಲ್‌ ಅಭಿನಯದ ʻದೃಶ್ಯಂ 2ʼ ಸಿನಿಮಾ ಹಲವು ಭಾಷೆಗಳಲ್ಲಿ ರಿಮೇಕ್‌ ಆಗಿದೆ. ಹಿಂದಿಯಲ್ಲಿ ಅಜಯ್ ದೇವಗನ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಈ ಚಿತ್ರ ಬಿಡುಗಡೆಯಾದ ಒಂದೇ ವಾರದಲ್ಲಿ 100 ಕೋಟಿ ರೂ. ಬಾಕ್ಸ್ ಆಫೀಸ್ ಕಲೆಕ್ಷನ್ ಮಾಡಿತ್ತು. ಅಭಿಷೇಕ್ ಪಾಠಕ್ ಅವರ ನಿರ್ದೇಶನದ ಈ ಸಿನಿಮಾದಲ್ಲಿ ತಬು, ಇಶಿತಾ ದತ್ತಾ ಮತ್ತು ಮೃಣಾಲ್ ಜಾಧವ್ ನಟಿಸಿದ್ದಾರೆ. ದೃಶ್ಯಂ ಮೊದಲನೇ ಭಾಗದಲ್ಲಿಯೂ ಅಜಯ್ ದೇವಗನ್ ನಟಿಸಿದ್ದರು. 2015ರಲ್ಲಿ ಮೊದಲನೇ ಭಾಗ ತೆರೆ ಕಂಡಿತ್ತು. ಇದೀಗ ಈ ಚಿತ್ರ ಮುಂದುವರಿದ ಭಾಗವಾಗಿದೆ.
ಇದನ್ನೂ ಓದಿ | Drishyam 2 | ಒಂದೇ ವಾರದಲ್ಲಿ 100 ಕೋಟಿ ಬಾಚಿದ ದೃಶ್ಯಂ-2 ! ಕಲೆಕ್ಷನ್ ವಿವರ ಇಲ್ಲಿದೆ
ಮಂಗಳವಾರ (ನವೆಂಬರ್ 29), ಭಾರತದಲ್ಲಿ ಬಾಕ್ಸ್ ಆಫೀಸ್‌ನಲ್ಲಿ 4.85 ಕೋಟಿ ರೂ. ಕಲೆಕ್ಷನ್ ಮಾಡುವ ಮೂಲಕ ವರುಣ್‌ ಧವನ್‌ ಹಾಗೂ ನಟಿ ಕೃತಿ ಸೇನನ್‌ ನಟನೆಯ ʻಭೇಡಿಯʼ ಚಿತ್ರವನ್ನು ಮೀರಿಸುವಲ್ಲಿ ಯಶಸ್ವಿಯಾಗಿದೆ. ʻಭೇಡಿಯʼ ಚಿತ್ರ 3.50 ಕೋಟಿ ರೂ. ಗಳಿಕೆ ಕಂಡಿದೆ ಎಂದು ಅಂದಾಜಿಸಲಾಗಿದೆ.
ಇದನ್ನೂ ಓದಿ | Actor Varun Dhawan | ತಂದೆ ಆಗ್ತಾ ಇದ್ದಾರಾ ನಟ ವರುಣ್‌ ಧವನ್‌: ಸಲ್ಮಾನ್‌ ಖಾನ್‌ ಕೊಟ್ಟ ಸುಳಿವೇನು?