ಬೆಂಗಳೂರು: ಮಲಯಾಳಂ ನಟ ದುಲ್ಕರ್ ಸಲ್ಮಾನ್ (Dulquer Salmaan) ಅವರ ನಿರೀಕ್ಷಿತ ಸಿನಿಮಾ ‘ಕಿಂಗ್ ಆಫ್ ಕೋಥಾ’ (King of Kotha Trailer) ಟ್ರೈಲರ್‌ ಬಿಡುಗಡೆಗೊಂಡಿದೆ. ಹೆಚ್ಚಾಗಿ ಕ್ಲಾಸ್‌ ಲುಕ್‌ನಲ್ಲೇ ಕಾಣಿಸಿಕೊಂಡಿದ್ದ ದುಲ್ಕರ್ ಪಕ್ಕಾ ಮಾಸ್‌ ಲುಕ್‌ನಲ್ಲಿ ತೆರೆ ಮೇಲೆ ಬರಲು ಸಿದ್ಧರಾಗಿದ್ದಾರೆ. ಇದೀಗ ಎಲ್ಲೆಡೆ ದುಲ್ಕರ್ ಗ್ಯಾಂಗ್‌ಸ್ಟರ್‌ ಆಗಿ (dulquer salmaan king of kotha) ಅಬ್ಬರಿಸಿರುವ ಕಿಂಗ್ ಆಫ್ ಕೋಥಾ ಟ್ರೈಲರ್‌ದೇ ಹವಾ.
‘ಕಿಂಗ್ ಆಫ್ ಕೋಥಾಸ್ ದುಲ್ಕರ್ ಸಲ್ಮಾನ್ ಅವರ ಕನಸಿನ ಪ್ರಾಜೆಕ್ಟ್‌. ಆ್ಯಕ್ಷನ್ ಸೀಕ್ವೆನ್ಸ್ ಮತ್ತು ಪವರ್-ಪ್ಯಾಕ್ಡ್ ಸ್ಟಂಟ್‌ಗಳಿಂದ ಇರಲಿದೆ ಎಂಬುದು ಟ್ರೈಲರ್‌ ಮೂಲಕ ಸಾಬೀತಾದಂತಾಗಿದೆ. ಶಾರುಖ್ ಖಾನ್, ಮೋಹನ್ ಲಾಲ್, ಸೂರ್ಯ ಮತ್ತು ನಾಗಾರ್ಜುನ ಟ್ರೈಲರ್‌ವನ್ನು ಬಿಡುಗಡೆ ಮಾಡಿದ್ದಾರೆ.
‘ಕಿಂಗ್ ಆಫ್ ಕೋಥಾ’ ಕುರಿತು ದುಲ್ಕರ್ ಮಾತನಾಡಿ ʻʻಕಿಂಗ್ ಆಫ್ ಕೋಥಾ’ ಒಂದು ಒಳ್ಳೆಯ ಜರ್ನಿ. ಒಳ್ಳೆಯ ಪಾತ್ರಗಳು, ಸಂಕೀರ್ಣವಾದ ಕಥೆ ಒಳಗೊಂಡಿದೆ. ಮೊದಲ ಬಾರಿಗೆ ಜೀ ಸ್ಟುಡಿಯೋಸ್‌ನೊಂದಿಗೆ ಸಹಯೋಗ ಮಾಡುತ್ತಿರುವುದು ಖುಷಿ ಇದೆʼʼ ಎಂದು ಹೇಳಿದರು. ಹಾಗೆಯೇ ಈ ಸಿನಿಮಾ ಇದೇ ವರ್ಷ ಓಣಂ ಹಬ್ಬದ ಸಮಯದಲ್ಲಿ ಬಿಡುಗಡೆಯಾಗಲಿದೆ.
ಇದನ್ನೂ ಓದಿ: Dulquer Salmaan: ದುಲ್ಕರ್ ಸಲ್ಮಾನ್ ಸಿನಿಮಾಗೆ ರಾಣಾ ದಗ್ಗುಬಾಟಿ ಸಾಥ್‌!
ಕಿಂಗ್ ಆಫ್ ಕೋಥಾ ಟ್ರೈಲರ್‌
ಕಿಂಗ್ ಆಫ್ ಕೋಥಾ ಸಿನಿಮಾವನ್ನು ಅಭಿಲಾಷ್‌ ಜೋಶಿ ಅವರು ನಿರ್ದೇಶಿಸಿದ್ದಾರೆ. ಸಿನಿಮಾದಲ್ಲಿ ದುಲ್ಕರ್ ಅವರ ಜತೆಗೆ ಶಾಹುಲ್‌ ಹಾಸನ್‌, ಐಶ್ವರ್ಯ ಲಕ್ಷ್ಮಿ, ನೈಲಾ ಉಷಾ ಮತ್ತು ಚೆಂಬನ್ ವಿನೋದ್ ಜೋಸ್, ಗೋಕುಲ್ ಸುರೇಶ್, ಶಮ್ಮಿ ತಿಲಕನ್, ಶಾಂತಿ ಕೃಷ್ಣ ಮತ್ತು ಅನಿಖಾ ಸುರೇಂದ್ರನ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಸಿನಿಮಾ ಬಹುಭಾಷೆಗಳಲ್ಲಿ ತಯಾರಾಗುತ್ತಿದ್ದು, ಟೀಸರ್‌ ಅನ್ನು ಕೂಡ ಎಲ್ಲ ಭಾಷೆಗಳಲ್ಲಿ ಬಿಡುಗಡೆ ಮಾಡಲಾಗಿದೆ.
ಇದನ್ನೂ ಓದಿ: Dulquer Salmaan: ಮಾಸ್‌ ಲುಕ್‌ನಲ್ಲಿ ಮಿಂಚಲು ದುಲ್ಕರ್ ಸಲ್ಮಾನ್ ರೆಡಿ; ಕಿಂಗ್ ಆಫ್ ಕೋಥಾ ಟೀಸರ್‌ ರಿಲೀಸ್‌
ಕೆಲ ದಿನಗಳ ಹಿಂದೆ ಕಿಂಗ್ ಆಫ್ ಕೋಥಾ ಸಿನಿಮಾದ ಪಾತ್ರಗಳನ್ನು ಪರಿಚಯಿಸುವಂತಹ ವಿಡಿಯೊವೊಂದನ್ನು ಬಿಡುಗಡೆ ಮಾಡಲಾಗಿತ್ತು. ʼಸರ್ಪಟ್ಟ ಪರಂಬರೈʼ ಚಿತ್ರದಲ್ಲಿ ಡ್ಯಾನ್ಸಿಂಗ್ ರೋಸ್ ಪಾತ್ರದಲ್ಲಿ ಹೆಸರುವಾಸಿಯಾದ ಶಬೀರ್ ಕಲ್ಲರಕ್ಕಲ್ ಅವರು ಕಿಂಗ್ ಆಫ್ ಕೋಥಾದಲ್ಲಿ ಕಣ್ಣನ್ ಪಾತ್ರವನ್ನು ನಿರ್ವಹಿಸಲಿದ್ದಾರೆ ಎಂದು ಅದು ಬಹಿರಂಗಪಡಿಸಿತ್ತು. ಚಿತ್ರದಲ್ಲಿ ತಾರಾ ಪಾತ್ರದಲ್ಲಿ ಐಶ್ವರ್ಯ ಲಕ್ಷ್ಮಿ, ಮಂಜು ಪಾತ್ರದಲ್ಲಿ ನೈಲಾ ಉಷಾ, ರಂಜಿತ್ ಆಗಿ ಚೆಂಬನ್ ವಿನೋದ್, ಟೋನಿಯಾಗಿ ಗೋಕುಲ್ ಸುರೇಶ್ ಮತ್ತು ರವಿಯಾಗಿ ಶಮ್ಮಿ ತಿಲಕನ್ ಕಾಣಿಸಿಕೊಳ್ಳಲಿದ್ದಾರೆ. ಶಾಂತಿ ಕೃಷ್ಣ, ವಡ ಚೆನ್ನೈ ಸರನ್, ಮತ್ತು ಅನಿಖಾ ಸುರೇಂದ್ರನ್ ಕೂಡ ಚಿತ್ರದಲ್ಲಿ ಪ್ರಮುಖ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ ಎಂದು ವಿಡಿಯೊ ತಿಳಿಸಿತ್ತು.