ಬೆಂಗಳೂರು: ಸೀತಾ ರಾಮಂ ಸಿನಿಮಾ ಖ್ಯಾತಿಯ ಮೃಣಾಲ್ ಠಾಕೂರ್ (Mrunal Thakur) ಮಾರ್ಚ್ 30ರಂದು ನವದೆಹಲಿಯಲ್ಲಿ ರೈಸಿಂಗ್ ಇಂಡಿಯಾ ಶೋದಲ್ಲಿ ಭಾಗವಹಿಸಿದ್ದರು. ಈ ಸಂದರ್ಭದಲ್ಲಿ, ತಾನು ನಟಿಯಾಗುವ ಆರಂಭದಲ್ಲಿ ಕುಟುಂಬವು ಬೆಂಬಲ ನೀಡಲಿಲ್ಲ ಎಂದು ನಟಿ ಬಹಿರಂಗಪಡಿಸಿದರು.
ಮೃಣಾಲ್ ಠಾಕೂರ್ ತಮ್ಮ ಸಿನಿ ಜರ್ನಿ ಕುರಿತು ಮಾತನಾಡಿ ʻʻನಾನು ನನ್ನ ಕುಟುಂಬಕ್ಕೆ ಧನ್ಯವಾದ ಹೇಳಲು ಬಯಸುತ್ತೇನೆ. ಏಕೆಂದರೆ ಆರಂಭದಲ್ಲಿ ನನಗೆ ಅವರ ಬೆಂಬಲವಿರಲಿಲ್ಲ, ಏಕೆಂದರೆ ಅವರು ಮುಂದೆ ಏನಾಗಬಹುದು ಎಂದು ಹೆದರುತ್ತಿದ್ದರು, ಅವರಿಗೆ ಮನರಂಜನಾ ಉದ್ಯಮದ ಬಗ್ಗೆ ಸ್ವಲ್ಪ ಭಯ ಇತ್ತು. ನನಗೆ ಒಳ್ಳೆಯ ಪಾತ್ರಗಳು ಸಿಗುತ್ತವೆಯೋ ಇಲ್ಲವೋ ಎಂಬುದರ ಬಗ್ಗೆ ಕೂಡ. ಮೊದಲಿಗೆ, ನಾನು ದೂರದರ್ಶನದಲ್ಲಿ ನನ್ನ ವೃತ್ತಿಜೀವನವನ್ನು ಪ್ರಾರಂಭಿಸಿದೆ. ತದನಂತರ ನಾನು ಮರಾಠಿ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿದೆ.
ಮಾತು ಮುಂದುವರಿಸಿ “ನಾನು ಮಹಾರಾಷ್ಟ್ರದವಳಾಗಿರುವುದರಿಂದ ನನ್ನ ಕುಟುಂಬವು, ಸಿಬ್ಬಂದಿ ಮತ್ತು ತಂಡವನ್ನು ಭೇಟಿಯಾದಾಗ, ಸಿನಿಮಾ ಬಗ್ಗೆ ತಿಳಿದಾಗ, ತುಂಬಾ ಹೆಮ್ಮೆಪಟ್ಟರು. ತದನಂತರ ಲವ್ ಸೋನಿಯಾ ಸಿನಿಮಾಗೆ ಎಂಟ್ರಿ ಕೊಟ್ಟೆ. ಚಿತ್ರ ಬಿಡುಗಡೆಗೂ ಮುನ್ನ ‘ಮೃಣಾಲ್, ಮುಂದಿನ ಸ್ಮಿತಾ ಪಾಟೀಲ್ ನೀವೇ ಎಂಬ ಸುದ್ದಿ ಹರಿದಾಡಿತು. ನನಗೆ ಸ್ಮಿತಾ ಪಾಟೀಲ್ ದೇವತೆ. ನಾನು ಅವರನ್ನು ಆರಾಧಿಸುತ್ತೇನೆ, ನಾನು ಅವರ ಎಲ್ಲಾ ಸಿನಿಮಾಗಳ ಅಧ್ಯಯನ ಮಾಡಿದ್ದೇನೆ. ಹಾಗಾಗಿ ಮರಾಠಿ ಹುಡುಗಿಗೆ ಇದು ತುಂಬಾ ದೊಡ್ಡ ಮೆಚ್ಚುಗೆಯಾಗಿದೆ. ಈಗ ನನ್ನ ಮನೆಯವರು ಹೇಳುತ್ತಾರೆ, ‘ಮೃಣಾಲ್, ನಾವು ನಿನ್ನ ಬಗ್ಗೆ ಹೆಮ್ಮೆಪಡುತ್ತೇವೆ. ನೀನು ಯಾವುದೇ ಸಿನಿಮಾದ ಭಾಗವಾಗಲು ಆರಿಸಿಕೊಂಡರೂ, ಪ್ರೇಕ್ಷಕರು ಅದರಿಂದ ಏನನ್ನಾದರೂ ಕಲಿಯುತ್ತಾರೆ ಎಂಬುದನ್ನು ತಿಳಿದುಕೊಳ್ಳಬೇಕು ಎಂದಿದ್ದರು. ಒಬ್ಬ ನಟಿಯಾಗಿ ಈ ಸಮಾಜವನ್ನು ಉತ್ತಮ ಸ್ಥಳವನ್ನಾಗಿ ಮಾಡಲು ಇದು ನನ್ನ ಸಣ್ಣ ಪ್ರಯತ್ನʼʼಎಂದರು.
ಇದನ್ನೂ ಓದಿ: Actress Mrunal Thakur : ಮದುವೆಗೆ ಸಿದ್ಧವೆಂದ ಅಭಿಮಾನಿಗೆ ಕ್ಯೂಟ್‌ ಆಗಿ ಉತ್ತರಿಸಿದ ಮೃಣಾಲ್
ಕೆಲಸದ ಮುಂಭಾಗದಲ್ಲಿ, ವರ್ಧನ್ ಕೇತ್ಕರ್ ಅವರ ಮರ್ಡರ್‌-ಮಿಸ್ಟರಿ ಗುಮ್ರಾದಲ್ಲಿ ಮೃಣಾಲ್ ಠಾಕೂರ್ ಕಾಣಿಸಿಕೊಳ್ಳುತ್ತಿದ್ದಾರೆ. ಎಪ್ರಿಲ್ 7ರಂದು ಈ ಸಿನಿಮಾ ಬಿಡುಗಡೆಯಾಗುತ್ತಿದೆ. ಆದಿತ್ಯ ರಾಯ್ ಕಪೂರ್, ರೋನಿತ್ ರಾಯ್, ವೇದಿಕಾ ಪಿಂಟೋ, ದೀಪಕ್ ಕಲ್ರಾ ಮತ್ತು ಮೋಹಿತ್ ಆನಂದ್ ರಾಜಿ ಬಹು ತಾರಾಗಣ ಹೊಂದಿದೆ.