ಬೆಂಗಳೂರು : ʻಕಾಂತಾರʼ ಸಿನಿಮಾ ಸಕ್ಸೆಸ್‌ ಬಳಿಕ ರಿಷಬ್‌ ಶೆಟ್ಟಿ (Rishab Shetty) ಮ್ಯಾಗಜಿನ್‌ ಕವರ್‌ ಫೋಟೊಗಳಲ್ಲಿ, ಪ್ರಮುಖ ಸಂದರ್ಶನಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇದೀಗ ಮತ್ತೆ ಫೋಟೊ ಒಂದನ್ನು ಶೇರ್‌ ಮಾಡುವುದರ ಮೂಲಕ ರಿಷಬ್‌ ಶೆಟ್ಟಿ ಅವರ ಅಭಿಮಾನಿಗಳಿಗೆ ಸಿಹಿ ಸುದ್ದಿಯನ್ನು ನೀಡಿದ್ದಾರೆ. ಫಿಲ್ಮ್‌ ಕಂಪ್ಯಾನಿಯನ್‌ (Film companion) ಯುಟ್ಯೂಬ್‌ ಸಂದರ್ಶನವೊಂದರಲ್ಲಿ ರಿಷಬ್‌ ಕಾಣಿಸಿಕೊಳ್ಳುತ್ತಿದ್ದಾರೆ. ಹಲವು ಬಾಲಿವುಡ್‌, ಮಾಲಿವುಡ್‌ ಸೂಪರ್‌ ಸ್ಟಾರ್‌ಗಳ ಜತೆ ಇರುವ ಫೋಟೊ ಒಂದನ್ನು ಶೇರ್‌ ಮಾಡಿಕೊಂಡಿದ್ದಾರೆ ರಿಷಬ್‌ ಶೆಟ್ಟಿ.
ಪೋಸ್ಟ್‌ ಶೇರ್‌ ಮಾಡಿಕೊಂಡು ʻʻʻಅದ್ಭುತ ವ್ಯಕ್ತಿಗಳ ಜತೆ ಅದ್ಭುತ ಚರ್ಚೆʼʼʼಎಂದು ಕ್ಯಾಪ್ಷನ್‌ ನೀಡಿದ್ದಾರೆ. ಫೋಟೊದಲ್ಲಿ ಬಾಲಿವುಡ್‌ ನಟ ಅನಿಲ್‌ ಕಪೂರ್‌, ನಟಿ ವಿದ್ಯಾ ಬಾಲನ್‌, ನಟಿ ಶೀಬಾ ಚಡ್ಡಾ, ಮಲಯಾಳಂ ನಟ ದುಲ್ಕರ್‌ ಸಲ್ಮಾನ್‌, ಬಾಲಿವುಡ್‌ ನಟ ರಾಜಕುಮಾರ್‌ ರಾವ್‌, ನಟ ಆಯುಷ್ಮಾನ್ ಕುರಾನ್, ವರುಣ್‌ ಧವನ್‌, ಜಾಹ್ನವಿ ಕಪೂರ್‌ , ವಿಜಯ್‌ ವರ್ಮಾ, ಅನುಪಮಾ ಚೋಪ್ರಾ ಜತೆ ರಿಷಬ್‌ ಕಾಣಿಸಿಕೊಂಡಿದ್ದಾರೆ.
ಇದನ್ನೂ ಓದಿ | Kantara Movie | ಅಭಿಮಾನಿಗಳಿಗೆ ಗುಡ್‌ ನ್ಯೂಸ್‌: ಬರಲಿದೆ ಕಾಂತಾರ ಭಾಗ-2, ರಿಷಬ್‌ ಶೆಟ್ರಿಗೆ ಸಿಕ್ಕಿತು ದೈವದ ಅನುಮತಿ
ಕಳೆದ ವಾರವಷ್ಟೇ ಕಾಂತಾರ ಸಿನಿಮಾ ಹಿಂದಿ ವರ್ಷನ್‌ ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆಯಾಗಿದ್ದು, ಒಟಿಟಿಯಲ್ಲಿಯೂ ಸೈ ಎನಿಸಿಕೊಂಡಿದೆ. ಬಾಕ್ಸ್‌ ಆಫೀಸ್‌ನಲ್ಲಿ ಹಲವಾರು ದಾಖಲೆಗಳನ್ನು ಧೂಳಿಪಟ ಮಾಡಿರುವ ಈ ಚಿತ್ರ, ಈವರೆಗೆ ೪೫೦ ಕೋಟಿ ರೂ.ಗಳ ಮೈಲುಗಲ್ಲು ದಾಟಿ ಮುನ್ನಡೆದಿದೆ.
ಇದನ್ನೂ ಓದಿ | Kantara Movie | ಕಾಂತಾರ ಸಿನಿಮಾ ಟೀಕಿಸಿದ ʻತುಂಬಾಡ್‌ʼ ಸಹ ನಿರ್ಮಾಪಕ ಹೇಳಿದ್ದೇನು?