ಬೆಂಗಳೂರು: ಏಪ್ರಿಲ್‌ 27ರಂದು 68ನೇ ಫಿಲ್ಮ್ಫೇರ್ ಅವಾರ್ಡ್ಸ್‌ (Filmfare Awards 2023) ಕಾರ್ಯಕ್ರಮ ಅದ್ಧೂರಿಯಾಗಿ ನಡೆದಿದೆ. ಸಂಜಯ್ ಲೀಲಾ ಬನ್ಸಾಲಿಯವರ ‘ಗಂಗೂಬಾಯಿ ಕಾಠಿಯಾವಾಡಿ’ (Gangubai Kathiawadi) ಮತ್ತು ಹರ್ಷವರ್ಧನ್ ಕುಲಕರ್ಣಿ ಅವರ ಬಧಾಯಿ ದೋ (Badhaai Do) ಹಲವು ಪ್ರಶಸ್ತಿಗಳನ್ನು ಬಾಚಿಕೊಂಡಿದೆ. ಅತ್ಯುತ್ತಮ ಸಿನಿಮಾ ಪ್ರಶಸ್ತಿ ‘ಗಂಗೂಬಾಯಿ ಕಾಠಿಯಾವಾಡಿ’ಗೆ ಸಿಕ್ಕಿದೆ. ಈ ಚಿತ್ರದಲ್ಲಿ ಆಲಿಯಾ ಭಟ್ ನಟನೆಗೆ ಅತ್ಯುತ್ತಮ ನಟಿ ಅವಾರ್ಡ್ ದೊರೆತಿದೆ. ಅತ್ಯುತ್ತಮ ನಿರ್ದೇಶಕ ಪ್ರಶಸ್ತಿ ಸಂಜಯ್ ಲೀಲಾ ಬನ್ಸಾಲಿ ಪಾಲಾಗಿದೆ. ಬಧಾಯಿ ದೋ ಚಿತ್ರದ ಅಭಿನಯಕ್ಕಾಗಿ ರಾಜ್ಕುಮಾರ್ ರಾವ್ ಅವರು ಅತ್ಯುತ್ತಮ ನಟ ಪ್ರಶಸ್ತಿ ಪಡೆದರು.
ಟಬು ಮತ್ತು ಭೂಮಿ ಪೆಡ್ನೇಕರ್ ಅವರು ಭೂಲ್ ಭುಲೈಯಾ 2 ಮತ್ತು ಬಧಾಯಿ ದೋಗಾಗಿ ಅತ್ಯುತ್ತಮ ನಟಿ ಕ್ರಿಟಕ್ಸ್‌ ಅವಾರ್ಡ್ ಪಡೆದರು. ಸಂಜಯ್ ಮಿಶ್ರಾ ಅವರು ʻವಧ್ʼ ಚಿತ್ರದ ಅಭಿನಯಕ್ಕಾಗಿ ಅತ್ಯುತ್ತಮ ನಟ ಕ್ರಿಟಿಕ್ಸ್‌ ಅವಾರ್ಡ್ ಗೆದ್ದರು. ಹಿರಿಯ ನಟ ಪ್ರೇಮ್ ಚೋಪ್ರಾ ಅವರಿಗೆ ಜೀವಮಾನ ಸಾಧನೆ ಪ್ರಶಸ್ತಿ ನೀಡಲಾಯಿತು.
‘ಗಂಗೂಬಾಯಿ ಕಾಠಿಯಾವಾಡಿ’ ಸಿನಿಮಾಗೆ 10 ಪ್ರಶಸ್ತಿಗಳು
ಫೆಬ್ರವರಿ 25ರಂದು ‘ಗಂಗೂಬಾಯಿ ಕಾಠಿಯಾವಾಡಿ’ ಸಿನಿಮಾ ರಿಲೀಸ್ ಆಯಿತು. ಈ ಚಿತ್ರಕ್ಕೆ 10 ಪ್ರಶಸ್ತಿಗಳು ಸಿಕ್ಕಿವೆ. ‘ಗಂಗೂಬಾಯಿ ಕಾಠಿಯಾವಾಡಿ’ ಚಿತ್ರಕ್ಕೆ ಹಿನ್ನೆಲೆ ಸಂಗೀತ ಸಂಯೋಜನೆ ಮಾಡಿದ ಸಂಚಿತ್ ಬಲ್ಹಾರಾ, ಅಂಕಿತ್ ಬಲ್ಹಾರಾಗೆ ‘ಅತ್ಯುತ್ತಮ ಹಿನ್ನೆಲೆ ಸಂಗೀತ’ ಪ್ರಶಸ್ತಿ ಸಿಕ್ಕಿದೆ. ಬೆಸ್ಟ್ ಪ್ರೊಡಕ್ಷನ್ ಡಿಸೈನ್(ಸುಬ್ರತಾ, ಅಮಿತ್), ಅತ್ಯುತ್ತಮ ವಸ್ತ್ರವಿನ್ಯಾಸ (ಶೀಥಲ್ ಇಕ್ಬಾಲ್ ಶರ್ಮಾ), ಅತ್ಯುತ್ತಮ ಕೊರಿಯೋಗ್ರಫಿ (ಕೃತಿ ಮಹೇಶ್), ಅತ್ಯುತ್ತಮ ಸಿನಿಮಾಟೊಗ್ರಫಿ (ಸುದೀಪ್ ಚಟರ್ಜಿ), ಅಪ್ಕಮಿಂಗ್ ಮ್ಯೂಸಿಕ್ ಟ್ಯಾಲೆಂಟ್ (ಗಾಯಕಿ ಶ್ರೀಮಂಕರ್) ಅವಾರ್ಡ್ ಕೂಡ ‘ಗಂಗೂಬಾಯಿ ಕಾಠಿಯಾವಾಡಿ’ ಚಿತ್ರಕ್ಕೆ ಸಿಕ್ಕಿದೆ.
ಇದನ್ನೂ ಓದಿ: Filmfare Awards 2022 | ಈ ಬಾರಿ ಫಿಲ್ಮ್ಫೇರ್ ಅವಾರ್ಡ್ ಬೆಂಗಳೂರಿನಲ್ಲಿ: ಅಡ್ವಾನ್ಸ್‌ ಬುಕ್ಕಿಂಗ್‌ ಓಪನ್‌!
68ನೇ ಫಿಲ್ಮ್ಫೇರ್ ಪ್ರಶಸ್ತಿ ಗೆದ್ದವರ ಪಟ್ಟಿ
- ಅತ್ಯುತ್ತಮ ಸಿನಿಮಾ: ಗಂಗೂಬಾಯಿ ಕಾಠಿಯಾವಾಡಿ
- ಅತ್ಯುತ್ತಮ ನಿರ್ದೇಶಕ: ಸಂಜಯ್ ಲೀಲಾ ಬನ್ಸಾಲಿ (ಗಂಗೂಬಾಯಿ ಕಾಠಿಯಾವಾಡಿ)
- ಅತ್ಯುತ್ತಮ ನಟ: ರಾಜ್ಕುಮಾರ್ ರಾವ್ (ಬಧಾಯಿ ದೋ)
- ಅತ್ಯುತ್ತಮ ನಟಿ: ಆಲಿಯಾ ಭಟ್ (ಗಂಗೂಬಾಯಿ ಕಾಠಿಯಾವಾಡಿ)
- ಅತ್ಯುತ್ತಮ ಪೋಷಕ ನಟ: ಅನಿಲ್ ಕಪೂರ್ (ಜುಗ್ಜುಗ್ ಜಿಯೋ)
- ಅತ್ಯುತ್ತಮ ಹೊಸ ನಟ- ಅಂಕುಶ್ ಗೇಡಮ್ (ಝುಂಡ್)
- ಅತ್ಯುತ್ತಮ ಹೊಸ ನಾಯಕಿ- ಆಂಡ್ರಿಯಾ ಕೆವಿಚೂಸಾ (ಅನೇಕ್)
- ಅತ್ಯುತ್ತಮ ಹೊಸ ನಿರ್ದೇಶಕ- ಜಸ್ಪಾಲ್, ರಾಜೀವ್ (ವದ್)
- ಅತ್ಯುತ್ತಮ ಸಂಗೀತ ಆಲ್ಬಂ- ಪ್ರೀತಂ (ಬ್ರಹ್ಮಾಸ್ತ್ರ)
- ಅತ್ಯುತ್ತಮ ಗೀತ ಸಾಹಿತ್ಯ- ಅಮಿತ್ ಭಟ್ಟಾಚಾರ್ಯ (ತೇರೆ ಹವಾಲೆ-ಲಾಲ್ ಸಿಂಗ್ ಛಡ್ಡ)
- ಅತ್ಯುತ್ತಮ ಗಾಯಕ- ಅರಿಜಿತ್ ಸಿಂಗ್ (ಕೇಸರಿಯಾ-ಬ್ರಹ್ಮಾಸ್ತ್ರ)
- ಅತ್ಯುತ್ತಮ ಗಾಯಕಿ- ಕವಿತಾ ಸೇಠ್ (ರಂಗಿಸರಯ್-ಜುಗ್ಜುಗ್ ಜಿಯೊ)
- ಅತ್ಯುತ್ತಮ ಆಕ್ಷನ್- ಪರ್ವೇಜ್ ಸರೈ (ವಿಕ್ರಂ ವೇದ)
- ಅತ್ಯುತ್ತಮ ಹಿನ್ನೆಲೆ ಸಂಗೀತ- ಸಂಚಿತ್ ಬಲ್ಹಾರಾ, ಅಂಕಿತ್ ಬಲ್ಹಾರಾ (ಗಂಗೂಬಾಯಿ ಕಾಠಿಯಾವಾಡಿ)
- ಅತ್ಯುತ್ತಮ ಕೊರಿಯಾಗ್ರಫಿ- ಕೃತಿ ಮಹೇಶ್ (ಗಂಗೂಬಾಯಿ ಕಾಠಿಯಾವಾಡಿ)
- ಅತ್ಯುತ್ತಮ ಸಿನಿಮಾಟೊಗ್ರಫಿ- ಸುದೀಪ್ ಚಟರ್ಜಿ (ಗಂಗೂಬಾಯಿ ಕಾಠಿಯಾವಾಡಿ)
- ಅತ್ಯುತ್ತಮ ವಸ್ತ್ರವಿನ್ಯಾಸ- ಶೀಥಲ್ ಇಕ್ಬಾಲ್ ಶರ್ಮಾ (ಗಂಗೂಬಾಯಿ ಕಾಠಿಯಾವಾಡಿ)
- ಅತ್ಯುತ್ತಮ ಪ್ರೊಡಕ್ಷನ್ ಡಿಸೈನ್- ಸುಬ್ರತಾ, ಅಮಿತ್ (ಗಂಗೂಬಾಯಿ ಕಾಠಿಯಾವಾಡಿ)
- ಅತ್ಯುತ್ತಮ ಎಡಿಟಿಂಗ್- ನಿನದ್ ಖಾನೋಲ್ಕರ್ (ಆಕ್ಷನ್ ಹೀರೋ)
- ಅತ್ಯುತ್ತಮ ಶಬ್ದ ವಿನ್ಯಾಸ- ಬಿಶ್ವದೀಪ್ ದೀಪಕ್ (ಬ್ರಹ್ಮಾಸ್ತ್ರ)
- ಅತ್ಯುತ್ತಮ ವಿಎಫ್ಎಕ್ಸ್- ಡಿನೆಜ್, ರೆಡ್ಫೈನ್ (ಬ್ರಹ್ಮಾಸ್ತ್ರ)
- ಜೀವಮಾನ ಶ್ರೇಷ್ಠ ಸಾಧನೆ- ಪ್ರೇಮ್ ಚೋಪ್ರಾ
- ಆರ್ಡಿ ಬರ್ಮನ್, ಯುವ ಸಂಗೀತಗಾರ ಪ್ರಶಸ್ತಿ- ಜಾಹ್ನವಿ ಶ್ರೀಮಂಕರ್ (ಗಂಗೂಬಾಯಿ ಕಾಠಿಯಾವಾಡಿ)