ಯೋಗರಾಜ್ ಭಟ್ ಹಾಗೂ ಗೋಲ್ಡನ್ ಸ್ಟಾರ್ ಗಣೇಶ್ ಜೋಡಿ ಮತ್ತೆ ಕಮಾಲ್ ಮಾಡಲು ಗಾಳಿಪಟ 2 ಚಿತ್ರದ ಮೂಲಕ ತೆರೆ ಮೇಲೆ ಬರಲು ಸಜ್ಜಾಗಿದ್ದಾರೆ. ಈಗಾಗಲೇ ಸಿನಿಮಾದ ಹಾಡು ಹಾಗೂ ಪೋಸ್ಟರ್ಗಳು ಸಿನಿ ಪ್ರೇಕ್ಷಕರನ್ನು ಗೆಲ್ಲುವಲ್ಲಿ ಯಶಸ್ವಿಯಾಗಿದೆ. ಈಗ ಇದೇ ಸಿನಿಮಾದ ಮತ್ತೊಂದು ಹಾಡು ‘ನೀನು ಬಗೆಹರಿಯದ ಹಾಡು’ ಯ್ಯೂಟೂಬ್ನಲ್ಲಿ ಟ್ರೆಂಡ್ ಆಗುತ್ತಿದೆ.
ಯೋಗರಾಜ್ ಭಟ್ ನಿರ್ದೇಶನದ ಗಾಳಿಪಟ 2 ಸೆಟ್ಟೇರಿದಾಗಿನಿಂದ ಒಂದಿಲ್ಲೊಂದು ವಿಷಯದಲ್ಲಿ ಸದ್ದು ಮಾಡುತ್ತಲೇ ಇದೆ. ಈ ಹಿಂದೆ ಇದೇ ಸಿನಿಮಾದ ಎಕ್ಸಾಂ ಸಾಂಗ್ ಭಾರೀ ಕ್ರೇಜ್ ಹುಟ್ಟು ಹಾಕಿತ್ತು. ಇದಾದ ಬಳಿಕ ನಂತರ ಬಂದ “ನಾನಾಡದ ಮಾತೆಲ್ಲವಾʼ ಹಾಡು ಕೂಡ ಸಿನಿ ಪ್ರೇಕ್ಷಕರ ಫೇವರಿಟ್ ಆಗಿತ್ತು. ನಂತರ ದೇವ್ಲೇ ದೇವ್ಲೇ ಸಾಂಗ್ ಕೂಡ ವಿಭಿನ್ನ ಸಾಹಿತ್ಯದ ಮೂಲಕ ಮೂಡಿ ಬಂದಿತ್ತು. ಈಗ ಜಯಂತ್ ಕಾಯ್ಕಿಣಿ ಅವರ ಸಾಹಿತ್ಯ ಅರ್ಜುನ್ ಜನ್ಯ ಮ್ಯೂಸಿಕ್ನಲ್ಲಿ ಮೂಡಿ ಬಂದಿರುವ “ನೀನು ಬಗೆಹರಿಯದ ಹಾಡುʼ ಹಾಡು ಸಖತ್ ರೋಮ್ಯಾಂಟಿಕ್ ಆಗಿ ಮೂಡಿ ಬಂದಿದೆ. ಹಾಡಿನಲ್ಲಿ ಪವನ್ ಮತ್ತು ಶರ್ಮಿಳಾ ಮಾಂಡ್ರೆ ಸಖತ್ ಬೋಲ್ಡ್ ಆಗಿ ಕಾಣಿಸಿಕೊಂಡಿದ್ದಾರೆ.
ಇದನ್ನು ಓದಿ| Golden Star Ganesh Birthday| ನಾವಾಡದ ಮಾತೆಲ್ಲವ ಮಳೆಯಾಗಿ ಸುರಿಸಿದ ಹುಡುಗ!
ಚಿತ್ರದ ನಿರ್ದೇಶಕ ಯೋಗರಾಜ್ ಭಟ್ ಹಾಡು ಬಿಡುಗಡೆಯಾಗಿರುವ ಕುರಿತು ಟ್ವೀಟ್ ಮಾಡಿದ್ದು ‘ಶ್ರೀಯುತ ಜಯಂತ್ ಕಾಯ್ಕಿಣಿ ಸಾಹಿತ್ಯ ರಚಿಸಿ, ಯುವ ಗಾಯಕ ನಿಹಾಲ್ ತಾವ್ರೂ ಕಂಠಸಿರಿಯಲ್ಲಿ ಮೂಡಿ ಬಂದಿರುವ ನಮ್ಮ ಗಾಳಿಪಟ 2 ಚಿತ್ರದ “ನೀನು ಬಗೆಹರಿಯದʼ ಹಾಡು ಈಗ ತಾನೇ ಬಿಡುಗಡೆಯಾಗಿದೆ. ನೋಡಿ ಕೇಳಿ ಹಂಚಿ ಹರಸಿ ಹಾರೈಸಿ’ ಎಂದು ಬರೆದುಕೊಂಡಿದ್ದಾರೆ.
ರೋಮ್ಯಾಂಟಿಕ್ ಹಾಡುಗಳಿಂದ ಫೇಮಸ್ ಆಗಿರುವ ಇಂಡಿಯಾ ಐಡಿಯಲ್ ಸೀಸನ್ 12ರಲ್ಲಿ ಭಾಗಿಯಾಗಿದ್ದ ಯುವ ಗಾಯಕ ನಿಹಾಲ್ ತಾವ್ರೂ ತಮ್ಮ ಕಂಠ ಸಿರಿಯ ಮೂಲಕ ಸಂಗೀತಪ್ರಿಯರ ಮನಗೆದ್ದಿದ್ದಾರೆ. ಇದು ಯ್ಯೂಟೂಬ್ನಲ್ಲಿ ರಿಲೀಸ್ ಆದ ಕೆಲವೇ ಗಂಟೆಗಳಲ್ಲೇ 50 ಸಾವಿರಕ್ಕೂ ಹೆಚ್ಚು ವೀಕ್ಷಣೆ ಪಡೆದುಕೊಂಡಿದೆ. 10 ಸಾವಿರಕ್ಕೂ ಹೆಚ್ಚು ಮಂದಿ ಲೈಕ್ ಮಾಡಿದ್ದಾರೆ. ಹಲವರು ಈ ಹಾಡಿನ ಮ್ಯೂಸಿಕ್ಗೆ ಮನ ಸೋತಿದ್ದು, ಬಗೆಬಗೆಯ ರೀತಿಯಲ್ಲಿ ಕಮೆಂಟ್ ಮಾಡುತ್ತಿದ್ದಾರೆ. ಆಗಸ್ಟ್ 12ರಂದು ಈ ಚಿತ್ರ ಬೆಳ್ಳಿತೆರೆಗೆ ಬರಲಿದೆ.
ಇದನ್ನು ಓದಿ | ಆಗಸ್ಟ್ 15ಕ್ಕೆ 3 ದಿನ ಮೊದಲು ಹಾರಲಿದೆ ʼಗಾಳಿಪಟ -2ʼ: ಗೋಲ್ಡನ್ ಸ್ಟಾರ್ ಯೋಗರಾಜ ಭಟ್ ಜೋಡಿ