ಬೆಂಗಳೂರು: ‘ಗಾಳಿಪಟ’ ಅಂದ ತಕ್ಷಣ ಕನ್ನಡಿಗರಿಗೆ ನೆನಪಾಗುವುದು ಎರಡು ಸಂಗತಿ. ಅದರಲ್ಲಿ ಒಂದು ಆಕಾಶದಲ್ಲಿ ಹಾರುವ ‘ಗಾಳಿಪಟ’ (Gaalipata 2), ಮತ್ತೊಂದು ಯೋಗರಾಜ್ ಭಟ್ಟರ ನೆನಪು. ಇದೀಗ ಅಂತಹದ್ದೇ ಸವಿ ನೆನಪು ಹೊತ್ತು ತಂದಿದ್ದಾರೆ ಯೋಗರಾಜ್ ಭಟ್. ಸ್ಯಾಂಡಲ್ವುಡ್ ಆಗಸದಲ್ಲಿ 14 ವರ್ಷದ ಬಳಿಕ ಮತ್ತೆ ಕಮಾಲ್‌ ಮಾಡಲಿದ್ದಾರೆ ಯೋಗರಾಜ್ ಭಟ್ ಹಾಗೂ ಗೋಲ್ಡನ್‌ ಸ್ಟಾರ್‌ ಗಣಿ.
14 ವರ್ಷಗಳ ಹಿಂದೆ ‘ಗಾಳಿಪಟ’ ಮೂಲಕ ಕನ್ನಡಿಗರಿಗೆ ಎಂದೂ ಮರೆಯಲಾಗದ ಸಿನಿಮಾ ಕೊಟ್ಟಿದ್ದ ಡೈರೆಕ್ಟರ್‌ ಯೋಗರಾಜ್ ಭಟ್ & ಗೋಲ್ಡನ್‌ ಸ್ಟಾರ್‌ ಗಣೇಶ್ ಮತ್ತೆ ಗ್ರ್ಯಾಂಡ್‌ ಎಂಟ್ರಿ ಕೊಟ್ಟಿದ್ದಾರೆ. ‘ಗಾಳಿಪಟ’ ಬಳಿಕ ಇದೀಗ ‘ಗಾಳಿಪಟ’ ಸೀಕ್ವೇಲ್‌ ಅಂದರೆ, ‘ಗಾಳಿಪಟ-2’ ಮೂಲಕ ಬೆಳ್ಳಿತೆರೆಗೆ ಅಪ್ಪಳಿಸುತ್ತಿದ್ದಾರೆ ಗಣೇಶ್ ಹಾಗೂ ಯೋಗರಾಜ್ ಭಟ್. ‘ಗಾಳಿಪಟ’ ಸಾಂಗ್ಸ್‌ ಈಗಲೂ ಹಾಟ್‌ ಕೇಕ್‌ನಂತೆ ಎಲ್ಲರನ್ನೂ ಸೆಳೆಯುತ್ತಿರುವಾಗ, ಗಾಳಿಪಟ ೨ ಮೂಲಕ ಕನ್ನಡಿಗರಿಗೆ ಮತ್ತೊಂದು ಉಡುಗೊರೆ ಕೊಡುತ್ತಿದ್ದಾರೆ ಈ ಗೋಲ್ಡನ್‌ ಜೋಡಿ.
ಇದನ್ನೂ ಓದಿ | Gaalipata 2 | ವಿದ್ಯಾರ್ಥಿಗಳಿಗೆ ಶುರುವಾಯ್ತು ಗಾಳಿಪಟ-2 ಕ್ರೇಜ್!
ರಿಲೀಸ್‌ಗೆ ಕ್ಷಣಗಣನೆ
‘ಗಾಳಿಪಟ-2’ ರಿಲೀಸ್‌ಗೆ ಕೌಂಟ್‌ಡೌನ್‌ ಶುರುವಾಗಿದೆ. ನಾಳೆ ಶುಭ ಶುಕ್ರವಾರ (ಆ.12) ‘ಗಾಳಿಪಟ-2’ ಸಿನಿಮಾ ದೇಶಾದ್ಯಂತ ರಿಲೀಸ್‌ ಆಗಲಿದೆ. ಹೀಗಾಗಿ ಗೋಲ್ಡನ್‌ ಸ್ಟಾರ್‌ ಗಣೇಶ್ ಹಾಗೂ ಯೋಗರಾಜ್ ಭಟ್ ಅಭಿಮಾನಿಗಳು ಸಿನಿಮಾ ಕಣ್ತುಂಬಿಕೊಳ್ಳಲು ಕಾತರದಿಂದ ಕಾಯುತ್ತಿದ್ದಾರೆ. ಈಗಾಗಲೇ ಸಾಂಗ್ಸ್‌, ಟ್ರೈಲರ್‌ ಹಾಗೂ ಟೀಸರ್‌ ಮೂಲಕ ಯೋಗರಾಜ್ ಭಟ್ಟರ ‘ಗಾಳಿಪಟ-2’ ಸದ್ದು ಮಾಡುತ್ತಿದೆ.
ಸ್ಯಾಂಡಲ್ವುಡ್ ಮಟ್ಟಿಗೆ ಮತ್ತೊಂದು ಬ್ಲಾಕ್‌ ಬಸ್ಟರ್‌ ಸಿನಿಮಾ ಆಗಿ ‘ಗಾಳಿಪಟ-2’ ಹೊರಹೊಮ್ಮುವ ನಿರೀಕ್ಷೆ ಇದೆ. ಈಗಾಗಲೇ ಗಣೇಶ್ ಅಭಿಮಾನಿಗಳು ಥಿಯೇಟರ್‌ ಎದುರು ಸಂಭ್ರಮಾಚರಣೆಗೆ ಸಜ್ಜಾಗುತ್ತಿದ್ದಾರೆ. ಬೆಂಗಳೂರಿನ ಥಿಯೇಟರ್‌ಗಳಲ್ಲಿ ‘ಗಾಳಿಪಟ-2’ ಟಿಕೆಟ್‌ ಬಿಸಿ ದೋಸೆಯಂತೆ ಖರ್ಚಾಗುತ್ತಿದೆ!
ಅದೇ ರೀತಿ ರಾಜ್ಯದ ಜಿಲ್ಲಾ ಕೇಂದ್ರಗಳಲ್ಲೂ ‘ಗಾಳಿಪಟ-2’ ಟಿಕೆಟ್‌ಗೆ ಭರ್ಜರಿ ಬೇಡಿಕೆ ಸೃಷ್ಟಿಯಾಗಿದೆ. ‘ಮುಂಗಾರು ಮಳೆ’ ಮೂಲಕ ಗಣಿ ಹಾಗೂ ಯೋಗರಾಜ್ ಭಟ್ ಒಂದಾಗಿದ್ದರು. ಅಂದಿನಿಂದ ಇಂದಿನವರೆಗೂ ಸಾಲುಸಾಲು ಸಿನಿಮಾ ಮಾಡುತ್ತಿರುವ ಈ ಜೋಡಿ ಬೆಳ್ಳಿತೆರೆ ಮೇಲೆ ಕಮಾಲ್‌ ಮಾಡುತ್ತಿದೆ.
ಇದನ್ನೂ ಓದಿ | Gaalipata 2 | ಪ್ರೀಮಿಯರ್ ಶೋ ಟಿಕೆಟ್‌ ಸೋಲ್ಡ್‌ ಔಟ್; ಬಿಡುಗಡೆಗೆ ಮುನ್ನವೇ ಸಖತ್‌ ರೆಸ್ಪಾನ್ಸ್!