ʻಗೇಮ್ ಆಫ್ ಥ್ರೋನ್ಸ್ʼ ಸಿನಿಮಾ ಖ್ಯಾತಿಯ ಡ್ಯಾರೆನ್ ಕೆಂಟ್ (Darren Kent ) ಆಗಸ್ಟ್ 11ರಂದು ನಿಧನರಾದರು. ‘ಗೇಮ್ ಆಫ್ ಥ್ರೋನ್ಸ್’, ‘ಡಂಜಿಯನ್ಸ್ ಆ್ಯಂಡ್ ಡ್ರಾಗನ್ಸ್: ಹಾನರ್ ಅಮಾಂಗ್ ಥೀವ್ಸ್ (Dungeons and Dragons: Honor Among Thieves’)’, ‘ಈಸ್ಟ್‌ಎಂಡರ್ಸ್'(EastEnder) ಹೀಗೆ ಹಲವಾರು ಸಿನಿಮಾಗಳಲ್ಲಿ ಕಾಣಿಸಿಕೊಂಡಿದ್ದರು. ಅವರಿಗೆ ಕೇವಲ 36 ವರ್ಷ ವಯಸ್ಸಾಗಿತ್ತು.
ಟ್ಯಾಲೆಂಟ್ ಏಜೆನ್ಸಿ ಕ್ಯಾರಿ ಡಾಡ್ ಅಸೋಸಿಯೇಟ್ಸ್ ಆಗಸ್ಟ್ 15ರಂದು ಟ್ವೀಟ್‌ನಲ್ಲಿ ಪೋಸ್ಟ್‌ ಮಾಡಿ ಅಧಿಕೃತ ಮಾಹಿತಿಯನ್ನು ಹಂಚಿಕೊಂಡಿದೆ. ʻʻನಮ್ಮ ಆತ್ಮೀಯ ಸ್ನೇಹಿತ ಡ್ಯಾರೆನ್ ಕೆಂಟ್ ಅವರು ಆಗಸ್ಟ್ 11 ರಂದು ನಿಧನರಾದರುʼʼ ಎಂದು ಏಜೆನ್ಸಿ ಬರೆದಿದೆ.
ಬ್ರಿಟನ್‌ ಮೂಲದ ಕೆಂಟ್ ಅವರು ವಿಚಿತ್ರ ಕಾಯಿಲೆಯಿಂದ ಬಳಲುತ್ತಿದ್ದರು. ಕಾಯಿಲೆಯ ಹೆಸರು ಬಹಿರಂಗವಾಗಿರಲಿಲ್ಲ. “ಗೇಮ್ ಆಫ್ ಥ್ರೋನ್‌’ ನಲ್ಲಿ ಅವರ ಕುರಿಗಾಹಿ ಪಾತ್ರ ಜನಪ್ರಿಯವಾಗಿತ್ತು. 2008ರಲ್ಲಿ ಬಿಡುಗಡೆಯಾಗಿದ್ದ ಹಾಲಿವುಡ್‌ನ ಹಾರರ್‌ ಚಿತ್ರ ʻಮಿರರ್ಸ್‌ʼನಲ್ಲಿ ಅವರ ಪಾತ್ರ ಗಮನ ಸೆಳೆದಿತ್ತು. ಇತ್ತೀಚೆಗೆ 2023ರ ಚಲನಚಿತ್ರ ‘ಡಂಜಿಯನ್ಸ್ ಆ್ಯಂಡ್ ಡ್ರಾಗನ್ಸ್ʼ (Dungeons and Dragons: Honor Among Thieves) ಸಿನಿಮಾದಲ್ಲಿ ಕೊನೆಯದಾಗಿ ಕಾಣಿಸಿಕೊಂಡರು.
ಇದನ್ನೂ ಓದಿ: Lance Reddick: ʻದಿ ವೈರ್ʼ ಖ್ಯಾತಿಯ ಹಾಲಿವುಡ್‌ ಆ್ಯಕ್ಷನ್‌ ನಟ ಲ್ಯಾನ್ಸ್ ರೆಡ್ಡಿಕ್ ನಿಧನ
ಡ್ಯಾರೆನ್ ಕೆಂಟ್ ನಟಿಸಿರುವ ಸಿನಿಮಾಗಳು!
‘ಸ್ನೋ ವೈಟ್ ಆ್ಯಂಡ್ ದಿ ಹಂಟ್ಸ್‌ಮ್ಯಾನ್ (Snow White and the Huntsman)’, ‘ಮಾರ್ಷಲ್ಸ್ ಲಾ (Marshal’s Law)’, ‘ಬ್ಲಡಿ ಕಟ್ಸ್ (Bloody Cuts’)’, ‘ದಿ ಫ್ರಾಂಕೆನ್‌ಸ್ಟೈನ್ ಕ್ರಾನಿಕಲ್ಸ್(The Frankenstein Chronicles), ‘ಬ್ಲಡ್ ಡ್ರೈವ್ (‘Blood Drive)’, ‘ಲೆಸ್ ಮಿಸರೇಬಲ್ಸ್ (Les Misérables)’, ‘ಗ್ರೀನ್ ಫಿಂಗರ್ಸ್ (Green Fingers)’, ‘ಈಸ್ಟ್‌ ಎಂಡರ್ಸ್ (‘EastEnders)’, ‘ ಹ್ಯಾಪಿ ಅವರ್ಸ್ (Happy Hours)’, ‘ಲವ್ ವಿದೌಟ್ ವಾಲ್ (‘Love Without Walls)’ ಮತ್ತು ‘ಬರ್ಡ್ಸ್ ಸಾರೋ’ (Birds Sorrow).