ಬೆಂಗಳೂರು: ʻಮೈ ಲೈಫ್ ಇನ್ ಡಿಸೈನ್ʼ ಎಂಬ ಹೊಸ ಎಂಬ ಹೊಸ ಪುಸ್ತಕವನ್ನು ಘೋಷಿಸಿದ ಗೌರಿ ಖಾನ್ (Gauri Khan), ತಮ್ಮ ಕುಟುಂಬದೊಂದಿಗೆ ತಮ್ಮ ಇತ್ತೀಚಿನ ಫೋಟೊವನ್ನು ಇನ್‌ಸ್ಟಾದಲ್ಲಿ ಹಂಚಿಕೊಂಡಿದ್ದಾರೆ. ಈ ಪುಸ್ತಕದಲ್ಲಿ ಇಂಟೀರಿಯರ್ ಡಿಸೈನರ್ ಪ್ರಯಾಣವನ್ನು ಹೇಳುತ್ತದೆ. ಕಾಫಿ ಟೇಬಲ್ ಪುಸ್ತಕದಲ್ಲಿ ಗೌರಿ ಖಾನ್ ಪತಿ, ನಟ ಶಾರುಖ್ ಖಾನ್ ಮತ್ತು ಅವರ ಮೂವರು ಮಕ್ಕಳು ಸೇರಿದಂತೆ ಖಾನ್ ಕುಟುಂಬದ ವಿಶೇಷ ಫೋಟೊಗಳೂ ಇರಲಿವೆ. ಅವರ ಮುಂಬೈ ಮನೆ ಮನ್ನತ್‌ ಫೋಟೊಗಳು ಸಹ ಒಳಗೊಂಡಿರುತ್ತವೆ.
ಗೌರಿ ಖಾನ್ ಇದೀಗ ತಮ್ಮ ಕುಟುಂಬದ ಹೊಸ ಫೋಟೊವನ್ನು ಪೋಸ್ಟ್ ಮಾಡಿದ್ದಾರೆ. “ಕುಟುಂಬವೇ ಮನೆ ಮಾಡುತ್ತದೆʼʼ ಎಂದು ಕ್ಯಾಪ್ಷನ್‌ ನೀಡಿದ್ದಾರೆ. ವೃತ್ತಿಪರವಾಗಿ ತೆಗೆದ ಈ ಫೋಟೊದಲ್ಲಿ, ಶಾರುಖ್ ಅವರು ಆರ್ಯನ್ ಖಾನ್, ಸುಹಾನಾ ಖಾನ್ ಮತ್ತು ಅಬ್ರಾಮ್ ಖಾನ್ ಅವರೊಂದಿಗೆ ಪೋಸ್ ನೀಡಿದ್ದಾರೆ. ಎಲ್ಲರೂ ಕಪ್ಪು ಬಟ್ಟೆಯಲ್ಲಿ ಮಿಂಚಿದ್ದು ವಿಶೇಷ. ಸುಹಾನಾ ಕಪ್ಪು ಮತ್ತು ಬಿಳಿ ಉಡುಪನ್ನು ಧರಿಸಿದ್ದಾರೆ.
ಗೌರಿ ಅವರ ಸ್ನೇಹಿತೆ ನೀಲಂ ಕೊಠಾರಿ ಅವರು ಅದ್ಭುತ ಚಿತ್ರ ಎಂದು ಕಮೆಂಟ್‌ ಮಾಡಿದ್ದಾರೆ. ಇನ್ನೊಬ್ಬರು, “ಭಾರತದ ಅತ್ಯಂತ ಸ್ಟ್ರಾಂಗೆಸ್ಟ್‌ ಫ್ಯಾಮಿಲಿ” ಎಂದು ಕಮೆಂಟ್‌ ಮಾಡಿದ್ದಾರೆ. ಶಾರುಖ್ ಕೊನೆಯ ಬಾರಿಗೆ ದೀಪಿಕಾ ಪಡುಕೋಣೆ ಮತ್ತು ಜಾನ್ ಅಬ್ರಹಾಂ ಅವರೊಂದಿಗೆ ಪಠಾಣ್‌ ಸಿನಿಮಾದಲ್ಲಿ ಕಾಣಿಸಿಕೊಂಡರು.
ಇದನ್ನೂ ಓದಿ: Shahrukh Khan | ನಟ ಶಾರುಖ್ ನಿವಾಸದ ಗೇಟ್‌ಗೆ ಫ್ಯಾನ್ಸ್‌ ಫಿದಾ ಆಗಿದ್ಯಾಕೆ?
ಗೌರಿ ಖಾನ್ ಪೋಸ್ಟ್
ಸಿದ್ಧಾರ್ಥ್ ಆನಂದ್ ನಿರ್ದೇಶನದ ಯಶ್ ರಾಜ್ ಫಿಲ್ಮ್ಸ್ ನಿರ್ಮಾಣವು ಅತಿ ಹೆಚ್ಚು ಗಳಿಕೆ ಮಾಡಿದ ಹಿಂದಿ ಚಲನಚಿತ್ರ ಇದಾಗಿದೆ.