ಬೆಂಗಳೂರು: ಸ್ಯಾಂಡಲ್‌ವುಡ್‌ ನಟ ಶರಣ್ ಅಭಿನಯದ “ಗುರು ಶಿಷ್ಯರು” (Guru Shishyaru) ರಾಜ್ಯಾದ್ಯಂತ ಶುಕ್ರವಾರ (ಸೆ.23) ಬಿಡುಗಡೆಗೊಂಡಿದೆ. ಇದು ಕ್ರೀಡಾಧಾರಿತ ಕಥೆಯನ್ನು ಹೊಂದಿದ್ದು, 200ಕ್ಕೂ ಹೆಚ್ಚು ಥಿಯೇಟರ್‌ಗಳಲ್ಲಿ ಬಿಡುಗಡೆಗೊಂಡಿದೆ.
ಶರಣ್ ಕೃಷ್ಣ ಹಾಗೂ ತರುಣ್ ಕಿಶೋರ್ ಸುಧೀರ್ ನಿರ್ಮಿಸಿರುವ ಈ ಚಿತ್ರವನ್ನು ಜಡೇಶ್ ಕೆ. ಹಂಪಿ ನಿರ್ದೇಶಿಸಿದ್ದಾರೆ. ಶರಣ್ ಕಾಮಿಡಿ ಕಮಾಲ್ ಸಹ ಚಿತ್ರದಲ್ಲಿರಲಿದ್ದು, ಹಲವು ನಟರ ಮಕ್ಕಳು ಕೂಡ ಸಿನಿಮಾದಲ್ಲಿರುವುದು ವಿಶೇಷ. ಶರಣ್ ಪುತ್ರ ಹೃದಯ್, ಪ್ರೇಮ್ ಪುತ್ರ ಏಕಾಂತ್, ಬುಲೆಟ್ ಪ್ರಕಾಶ್ ಪುತ್ರ ರಕ್ಷಕ್, ನವೀನ್ ಕೃಷ್ಣ ಪುತ್ರ ಹರ್ಷಿತ್ ಸಿನಿಮಾದಲ್ಲಿದ್ದಾರೆ.
ಶರಣ್ ದೈಹಿಕ ಶಿಕ್ಷಣ ಶಿಕ್ಷಕರಾಗಿ ಅಭಿನಯಿಸಿದ್ದಾರೆ. ಶರಣ್ ಹಾಗೂ ನಿಶ್ವಿಕಾ ನಾಯ್ಡು ನಾಯಕ-ನಾಯಕಿಯಾಗಿದ್ದು, ದೇಸಿ ಕ್ರೀಡೆಯಾದ ಖೊಖೊ ಆಟದ ಸುತ್ತ ನಡೆಯುತ್ತದೆ.
ಇದನ್ನೂ ಓದಿ | Guru Shishyaru | ಹಿರಿಯ ನಟ ಶ್ರೀನಿವಾಸಮೂರ್ತಿ ಮೊಮ್ಮಗ ಚಂದನವನಕ್ಕೆ ಎಂಟ್ರಿ: ಗುರು ಶಿಷ್ಯರು ಚಿತ್ರದಲ್ಲಿ ಅಭಿನಯ