ಪ್ಯಾರಿಸ್‌: ಯುವ ಮನಸ್ಸುಗಳಲ್ಲಿ ಕಚಗುಳಿ ಇಡುವಂತಹ ನಗು, ಪಟಪಟ ಮಾತು, ಚೆಂದದ ನೃತ್ಯದಿಂದಲೇ ಮನೆಮಾತಾಗಿರುವ ಕೊಡಗಿನ ಕುವರಿ ಹರ್ಷಿಕಾ ಪೂಣಚ್ಚ (Harshika Poonacha) ಅವರು ಫ್ರಾನ್ಸ್ ಪ್ರವಾಸ ಕೈಗೊಂಡಿದ್ದು, ಪ್ಯಾರಿಸ್‌ನಲ್ಲಿರುವ ಐಫೆಲ್‌ ಟವರ್‌ ಎದುರು ನಿಂತು ಕ್ಯಾಮೆರಾ ಕಣ್ಣಿಗೆ ನೀಡಿರುವ ವಿವಿಧ ಭಂಗಿಯ ಫೋಟೊಗಳು ಅಭಿಮಾನಿಗಳ ಹೃದಯಕ್ಕೇ ಲಗ್ಗೆ ಇಟ್ಟಿವೆ.
ಐಫೆಲ್‌ ಎದುರು ನಿಂತು ತೆಗೆಸಿಕೊಂಡ “ಮನಮೋಹಕ” ಫೋಟೊಗಳನ್ನು ನಟಿಯು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. “ನನ್ನ ಹೃದಯ ನಿನ್ನ ಬಳಿಯೇ ಇದೆ. ನೀನು ಅತ್ಯದ್ಭುತವಾಗಿರುವುದಕ್ಕೆ ಕೃಪೆಯೂ ಇದೆ” ಎಂಬ ಒಕ್ಕಣೆಯನ್ನೂ ಹಾಕಿದ್ದಾರೆ.
ಹರ್ಷಿಕಾ ಪೂಣಚ್ಚ ಅವರು ಕನ್ನಡ, ತೆಲುಗು, ಮಲಯಾಳಂ, ಕೊಡವ ಹಾಗೂ ಕೊಂಕಣಿ ಭಾಷೆಯಲ್ಲಿ ನಟಿಸುವ ಮೂಲಕ ಬಹುಭಾಷಾ ನಟಿ ಎನಿಸಿದ್ದಾರೆ. ತಮಸ್ಸು, ಮುರಳಿ ಮೀಟ್ಸ್‌ ಮೀರಾ ಸಿನಿಮಾಗಳು ಇವರಿಗೆ ಹೆಚ್ಚಿನ ಖ್ಯಾತಿ ತಂದುಕೊಟ್ಟಿವೆ.