ಬೆಂಗಳೂರು: ಮಾಸ್ಟರ್ ಆನಂದ್ ಪತ್ರಿ ವಂಶಿಕಾ ಹೆಸರಲ್ಲಿ ಹಲವು ಪೋಷಕರಿಗೆ ಮೋಸ ಮಾಡಿದ್ದಾರೆ ಎಂಬ ಆರೋಪ ಹೊತ್ತಿದ್ದ ಪ್ರೊಡಕ್ಷನ್ ಕಂಪನಿಯೊಂದರ ಓನರ್ ನಿಶಾ ನರಸಪ್ಪ (Nisha Narasappa) ಜುಲೈ 29ರಂದು ಪತ್ರಿಕಾಗೋಷ್ಠಿ ಕರೆದು ಪ್ರಕರಣದ ಕುರಿತು ಮಾತನಾಡಿದ್ದರು. ವಂಶಿಕಾಳ ತಾಯಿ ಯಶಸ್ವಿನಿ ಹಾಗೂ ಎರಡು ವರ್ಷ ತನ್ನ ಜತೆಯಲ್ಲೇ ಇದ್ದ ಹರ್ಷಿತಾ ಹುಡುಗಿ ವಿರುದ್ಧ ಹಲವು ಆರೋಪಗಳನ್ನು ಮಾಡಿದ್ದರು. ಇದರ ಬೆನ್ನಲ್ಲೇ ಇದೀಗ ನಿಶಾ ಆರೋಪಗಳಿಗೆ ಹರ್ಷಿತಾ ವಿಸ್ತಾರ ನ್ಯೂಸ್ ಜತೆ ಮಾತನಾಡಿದ್ದಾರೆ.
ಈ ಬಗ್ಗೆ ಹರ್ಷಿತಾ ಮಾತನಾಡಿ ʻʻನಿಶಾ ಅವರ ಇನ್‌ಸ್ಟಾಗ್ರಾಮ್‌ನಲ್ಲಿ ನಾನು ನಾನು ಲಾಗ್ ಇನ್ ಆಗಿಲ್ಲ. ಲಾಗ್ ಇನ್ ಆದರೂ ಮೂರನೇ ವ್ಯಕ್ತಿಗೆ ಗೊತ್ತಾಗುತ್ತದೆ. ನನ್ನ ಸ್ಯಾಮ್ ಸಂಗ್ ಫೋನ್ ಅವರ ಅಣ್ಣನಿಗೆ ಇಷ್ಟ ಆಗಿತ್ತು. ಹಾಗಾಗಿ ಅವರಿಗೆ ಕೊಟ್ಟೆ. ಆಗ ನಿಶಾ ಐಫೋನ್ ನನಗೆ ಕೊಟ್ಟಿದ್ದು. ಅವರ ಐಫೋನ್ ಕೊಡುವಾಗ ಎಲ್ಲಾ ಫ್ಲಾಶ್ ಮಾಡಿ ಕೊಟ್ಟಿದ್ದರು. ನಿಶಾ ದೊಡ್ಡ ಫ್ರಾಡ್. ಕಂಟೆಸ್ಟ್ ಮಾಡುತಿದ್ದ ಪೋಷಕರಿಗೆ ನನ್ನ ಕಾಂಟ್ಯಾಕ್ಟ್‌ ಇರಲಿಲ್ಲ. 4-5 ತಿಂಗಳು ಮಾತ್ರ ನಿಶಾ ಕಂಪನಿನಲ್ಲಿ ಕೆಲಸ ಮಾಡಿದ್ದು. ನಿಶಾ ಅವರಿಗೆ ಬರಬರುತ್ತಾ ದುಡ್ಡಿನ ಆಸೆ ಹೆಚ್ಚಾಯ್ತು. ನನ್ನ ಇನ್‌ಸ್ಟಾಗ್ರಾಮ್‌ ಹ್ಯಾಕ್ ಮಾಡಿದ್ದರು. ನನ್ನ ಮೇಲಿನ ಆರೋಪಗಳಿಗೆ ದಾಖಲೆ ಕೊಡಲಿ. ಅವರ ಬ್ಯುಸಿನೆಸ್ ನಾನು ನೋಡಿಕೊಳ್ಳುತ್ತಿರಲಿಲ್ಲ. ಯಶಸ್ವಿನಿ ಅವರಿಗೆ ನಾನು ಪರಿಚಯವಿಲ್ಲ. ಆಕೆಗೆ ಎನು ದ್ವೇಷ ಇದೆ ನನ್ನ ಮೇಲೆ ಗೊತ್ತಿಲ್ಲʼʼಎಂದು ಹೇಳಿಕೆ ನೀಡಿದರು.
ಇದನ್ನೂ ಓದಿ: Nisha Narasappa : ಮಾಸ್ಟರ್ ಆನಂದ್ ಪತ್ನಿಯ ವಿರುದ್ಧ ಹಲವು ಆರೋಪಗಳನ್ನು ಮಾಡಿದ ನಿಶಾ ನರಸಪ್ಪ
ನಿಶಾ ಆರೋಪವೇನು?
ಪ್ರೊಡಕ್ಷನ್ ಕಂಪನಿಯೊಂದ ಓನರ್ ಆಗಿರುವ ನಿಶಾ ನರಸಪ್ಪ (Nisha Narasappa) ಜುಲೈ 29ರಂದು ಪತ್ರಿಕಾಗೋಷ್ಠಿ ಕರೆದು ಪ್ರಕರಣದ ಕುರಿತು ಮಾತನಾಡಿದ್ದರು. ಈ ವೇಳೆ ಅವರು ವಂಶಿಕಾಳ ತಾಯಿ ಯಶಸ್ವಿನಿ ವಿರುದ್ಧ ಹಲವು ಆರೋಪಗಳನ್ನು ಮಾಡಿದ್ದಾರೆ. ʻʻನನ್ನ ವಿರುದ್ಧ ಷಡ್ಯಂತ್ರ ರೂಪಿಸಿ ದೂರು ದಾಖಲಿಸಿದ್ದಾರೆ. ಇದರಲ್ಲಿ ಮಾಸ್ಟರ್ ಆನಂದ್ ಪತ್ನಿ ಯಶಸ್ವಿನಿ ಅವರ ಕೈವಾಡವೂ ಇದೆ. ಕಂಪನಿಗೆ ಹರ್ಷಿತಾ ಅಂತ ಒಂದು ಹುಡುಗಿಯನ್ನು ಕೆಲಸಕ್ಕೆ ತಗೊಂಡೆ. ಆಕೆಯ ಫ್ಯಾಮಿಲಿ ನನಗೆ ಪರಿಚಯವಿತ್ತು. ಆಕೆ ಎರಡು ವರ್ಷ ನನ್ನ ಜತೆಯೇ ಇದ್ದಳು. ನನ್ನ ಎಲ್ಲ ಬ್ಯಾಂಕ್ ಡಿಟೇಲ್ಸ್ ಆಕೆಗೆ ಗೊತ್ತಿತ್ತು. ಬಳಿಕ ಆಕೆ ನನ್ನ ಕಂಪನಿಯಲ್ಲಿ ಶೇರ್ ಕೇಳಿದ್ರು, ನಾನು ಒಪ್ಪಲಿಲ್ಲ. ಆಗ ಅವರ ಐಫೋನ್ನಲ್ಲಿ ನನ್ನ ಇನ್ಸ್ಟಾಗ್ರಾಂ ಖಾತೆ ಓಪನ್ ಮಾಡಿದ್ರು. ಕೇಳಿದ್ದಕ್ಕೆ ಕೆಲಸವೇ ಬಿಟ್ಟಳುʼʼ ಎಂದು ನಿಶಾ ಹೇಳಿದ್ದರು.
ಇದನ್ನೂ ಓದಿ: Nisha Narasapa: ಬಾಲನಟಿ ವಂಶಿಕಾ ಹೆಸರು ಬಳಸಿ ಫೈನಾನ್ಶಿಯರುಗಳಿಗೂ ಧೋಖಾ ಮಾಡಿದ ನಿಶಾ!
ʻʻಹರ್ಷಿತಾ ಕೆಲಸ ಬಿಟ್ಟ ಬಳಿಕ ಆಕೆ ತೊಂದರೆ ಮಾಡಲು ಶುರು ಮಾಡಿದಳು. ಅದಕ್ಕೆ ಯಶಸ್ವಿನಿಯ ನೆರವೂ ಇದೆ. ನನ್ನ ಕ್ಲೈಂಟ್ಗಳು ಮನೆ ಹತ್ತಿರ ಬಂದು ಗಲಾಟೆ ಮಾಡಲು ಶುರು ಮಾಡಿದರು. ಅವರನ್ನು ಹರ್ಷಿತಾ ಕಳಿಸುತ್ತಿದ್ದಳು. ಎನ್ ಎನ್ ಪ್ರೊಡಕ್ಷನ್ ಯಾರ ದುಡ್ಡು ಉಳಿಸಿಕೊಂಡಿಲ್ಲ. ಎಲ್ಲಾ ದುಡ್ಡು ಸೆಟಲ್ಮೆಂಟ್ ಮಾಡಿದ್ದೀವಿ. ನಾವು ಕ್ಯಾಶ್ ವ್ಯವಹಾರ ಮಾಡಲ್ಲ. ಆದರೂ ನನ್ನ ಮೇಲೆ ಆರೋಪಗಳನ್ನು ಹೊರಿಸಿದರುʼʼ ಎಂದು ನಿಶಾ ಹೇಳಿದ್ದರು.