ಬೆಂಗಳೂರು : ಟೈಗರ್ ಶ್ರಾಫ್ (tiger shroff) ಮತ್ತು ದಿಶಾ ಪಟಾನಿ (Disha Patani) ಇದೀಗ ಬ್ರೇಕಪ್‌ ಆಗಿದ್ದಾರೆ ಎನ್ನುವ ವಿಚಾರ ಹರಿದಾಡುತ್ತಿದೆ. ಸುಮಾರು ಆರು ವರ್ಷಗಳ ಡೇಟಿಂಗ್ ನಂತರ ಬೇರೆಯಾಗಲು ನಿರ್ಧರಿಸಿದ್ದಾರೆ ಎನ್ನಲಾಗುತ್ತಿದೆ.
ಟೈಗರ್ ಮತ್ತು ದಿಶಾ ತಮ್ಮ ಸಂಬಂಧವನ್ನು ಸಾರ್ವಜನಿಕವಾಗಿ ತಿಳಿಸದಿದ್ದರೂ ಸಹ, ಇಬ್ಬರೂ ಡೇಟ್‌ಗಳಲ್ಲಿ, ವಿದೇಶಕ್ಕೆ ಪ್ರವಾಸ ಹೋಗುತ್ತಿದ್ದರು. ಪರಸ್ಪರರ ಕುಟುಂಬದೊಂದಿಗೆ ಸುತ್ತಾಡುತ್ತಿದ್ದರು. ಲಾಕ್‌ಡೌನ್ ಸಮಯದಲ್ಲಿ, ದಿಶಾ ಟೈಗರ್‌ನ ಕುಟುಂಬದೊಂದಿಗೆ ಕೆಲವು ತಿಂಗಳುಗಳ ಕಾಲ ಇದ್ದರು. ಈವರೆಗೆ ಜೋಡಿ ಈ ವಿಚಾರವನ್ನು ಎಲ್ಲಿಯೂ ಹೇಳಿಕೊಂಡಿಲ್ಲ.
ಟೈಗರ್ ಮತ್ತು ದಿಶಾ ‘ಬಾಘಿ 2’ ಚಿತ್ರದಲ್ಲಿ ಮತ್ತು ‘ಬೇಫಿಕ್ರಾ’ ಸಿಂಗಲ್‌ನಲ್ಲಿ ಒಟ್ಟಿಗೆ ಕೆಲಸ ಮಾಡಿದ್ದಾರೆ. ಟೈಗರ್‌ನ ‘ಬಾಘಿ 3’ ಚಿತ್ರದಲ್ಲಿ ದಿಶಾ ವಿಶೇಷ ಹಾಡಿನಲ್ಲಿ ಕಾಣಿಸಿಕೊಂಡಿದ್ದಾರೆ. ʼಬಾಘಿ ೨ʼ ಚಿತ್ರದ ಮುಂಚೆಯೇ ಇವರಿಬ್ಬರ ಮಧ್ಯೆ ಪ್ರೇಮಾಂಕುರವಾಗಿತ್ತು ಎನ್ನಲಾಗಿದೆ.
ಇದನ್ನೂ ಓದಿ | Shamita Shetty | ಬೈ ಬೈ ಹೇಳಿದ ಶಮಿತಾ ಶೆಟ್ಟಿ ಹಾಗೂ ರಾಕೇಶ್‌ ಬಾಪಟ್‌
ಟೈಗರ್ ಕೂಡ ತನ್ನ ಕೆಲಸದಲ್ಲಿ ಕೇಂದ್ರೀಕರಿಸಿದ್ದು, ಚಿತ್ರೀಕರಣದಲ್ಲಿ ತೊಡಗಿಸಿಕೊಂಡಿದ್ದಾರೆ. ಬ್ರೇಕಪ್‌ ನಂತರವೂ ಇಬ್ಬರೂ ಸೌಹಾರ್ದಯುತ ಮತ್ತು ಉತ್ತಮ ಸ್ನೇಹಿತರಾಗಿ ಇದ್ದಾರೆ. ಮತ್ತು ಯಾವುದೇ ಭಾವನೆಗಳನ್ನು ಒಳಗೊಂಡಿಲ್ಲ ಎಂದು ಸುದ್ದಿ ಆಗುತ್ತಿದೆ.
ಇದೀಗ ಅಭಿಮಾನಿಗಳು ಸೋಷಿಯಲ್‌ ಮೀಡಿಯಾದಲ್ಲಿ ಚರ್ಚೆಗಳನ್ನು ಮಾಡುತ್ತಿದ್ದಾರೆ. ಮುಂದಿನ ದಿನಗಳಲ್ಲಿ ದಿಶಾ ಹಾಗೂ ಟೈಗರ್ ಉತ್ತರ ನೀಡಬೇಕಿದೆ. ಈ ಹಿಂದೆ ಮಗನ ಕುರಿತಾಗಿ ಜಾಕಿ ಶ್ರಾಫ್, “ನನ್ನ ಮಗ 25ನೇ ವರ್ಷಕ್ಕೆ ಕಾಲಿಟ್ಟಾಗಿನಿಂದಲೂ ಡೇಟಿಂಗ್ ಮಾಡುತ್ತಿದ್ದಾನೆ. ದಿಶಾ ಪಟಾನಿ ಜತೆಗೆ ಟೈಗರ್ ಶ್ರಾಫ್ ಆತ್ಮೀಯವಾಗಿದ್ದಾನೆ. ಆದರೆ, ಭವಿಷ್ಯದ ಬಗ್ಗೆ ಅವರಿಬ್ಬರು ತೆಗೆದುಕೊಂಡಿರುವ ನಿರ್ಣಯದ ಬಗ್ಗೆ ನನಗಿನ್ನೂ ಗೊತ್ತಿಲ್ಲ. ಅವನಿಗೆ ಕೆಲಸ ಮೊದಲು, ಫ್ಯಾಮಿಲಿ, ಗರ್ಲ್‌ಫ್ರೆಂಡ್ ಎಲ್ಲಾ ನಂತರ” ಎಂದು ಹೇಳಿದ್ದರು.
ಸಲ್ಮಾನ್ ಖಾನ್ ಅವರ ‘ರಾಧೆ’ ಚಿತ್ರದಲ್ಲಿ ದಿಶಾ ಕಾಣಿಸಿಕೊಂಡಿದ್ದರು. ಪ್ರಸ್ತುತ, ನಟಿ ‘ಏಕ್ ವಿಲನ್ ರಿಟರ್ನ್ಸ್’ ಸಿನಿಮಾ ಬಿಡುಗಡೆಗೆ ಸಜ್ಜಾಗಿದ್ದಾರೆ. ಇದರಲ್ಲಿ ಅರ್ಜುನ್ ಕಪೂರ್, ಜಾನ್ ಅಬ್ರಹಾಂ ಮತ್ತು ತಾರಾ ಸುತಾರಿಯಾ ಸಹ ನಟಿಸಿದ್ದಾರೆ. ಮತ್ತೊಂದೆಡೆ, ಟೈಗರ್ ಅವರ ‘ಗಣಪತ್’ ಮತ್ತು ‘ಸ್ಕ್ರೂ ಧೀಲಾ’ ಸಿನಿಮಾಗಳು ಸೆಟ್ಟೆರಲು ಸಜ್ಜಾಗಿವೆ.
ಇದನ್ನೂ ಓದಿ | Beauty secret: ಬಾಲಿವುಡ್‌ ತಾರೆಯರ ಕಿಚನ್‌ನಲ್ಲೇ ಇದೆಯಂತೆ ಇವರ ಚೆಲುವಿನ ಗುಟ್ಟು!