ಬೆಂಗಳೂರು: ಶೌರ್ಯುವ್ ನಿರ್ದೇಶನದ ನಾನಿ ಮತ್ತು ಮೃಣಾಲ್ ಠಾಕೂರ್ ಅಭಿನಯದ ʻಹಾಯ್ ನಾನ್ನʼ (Hi Nanna Trailer) ಚಿತ್ರ ಡಿಸೆಂಬರ್ 7 ರಂದು ತೆರೆಗೆ ಲಗ್ಗೆ ಇಟ್ಟಿತ್ತು. ʻಹಾಯ್ ನಾನ್ನ’ ಬಿಡುಗಡೆಯಾಗಿ ಮೂರನೇ ವಾರದಲ್ಲಿಯೂ ಫ್ಯಾಮಿಲಿ ಆಡಿಯನ್ಸ್ ಥಿಯೇಟರ್‌ಗಳತ್ತ ಸೆಳೆಯುತ್ತಿದೆ. ಹಾಯ್ ನಾನ್ನ ತೆಲುಗು ಸಾಲಿನ ಅರ್ಥ ‘ಹಾಯ್ ಅಪ್ಪ’ ಎಂಬುದಾಗಿದೆ. ಸೌತ್ ಭಾಷೆಯಲ್ಲಿ ಒಂದೇ ಟೈಟಲ್ ಇರಲಿ ಎಂಬ ಉದ್ದೇಶದಿಂದ ಚಿತ್ರತಂಡ ಕನ್ನಡ, ತಮಿಳು, ಮಲಯಾಳಂ ಭಾಷೆಯಲ್ಲಿಯೂ ಹಾಯ್ ನಾನ್ನ ಎಂದೇ ಶೀರ್ಷಿಕೆ ಫಿಕ್ಸ್ ಮಾಡಿದೆ. ನಾನಿ ಜೋಡಿಯಾಗಿ ‘ಸೀತಾ ರಾಮಂ’ ಖ್ಯಾತಿಯ ಮೃಣಾಲ್ ಠಾಕೂರ್ ತೆರೆ ಹಂಚಿಕೊಂಡಿದ್ದಾರೆ. ಶ್ರುತಿ ಹಾಸನ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಇದೀಗ ಈ ಚಿತ್ರದ ಒಟಿಟಿ ಅಪ್‌ಡೇಟ್‌ ಹೊರ ಬಂದಿದೆ.
ಈಗಾಗಲೇ ನೆಟ್‌ಫ್ಲಿಕ್ಸ್ ಚಿತ್ರದ ಡಿಜಿಟಲ್ ಹಕ್ಕುಗಳನ್ನು ಪಡೆದುಕೊಂಡಿದೆ. ಹಾಯ್ ನನ್ನ 2024 ರ ಜನವರಿ 4 ರಂದು ನೆಟ್‌ಫ್ಲಿಕ್ಸ್‌ನಲ್ಲಿ ಸ್ಟ್ರೀಮಿಂಗ್ ಪ್ರಾರಂಭಿಸಲಿದೆ ಎಂಬುದು ಇತ್ತೀಚಿಗೆ ವರದಿಯಾಗಿದೆ. ಜನವರಿ 4 ರಂದು ಸಿನಿಮಾ ಒಟಿಟಿ ಮೂಲಕ ಮನೆ ಮನೆಗೆ ತಲುಪಲಿದೆ. ಈ ದಿನಾಂಕವನ್ನು ಒಟಿಟಿ ಪ್ಲಾಟ್‌ಫಾರಂ ನೆಟ್‌ಫ್ಲಿಕ್ಸ್ ಅಧಿಕೃತಗೊಳಿಸಿದೆ. ಶೌರ್ಯುವ್ ನಿರ್ದೇಶನದ ಚಿತ್ರದ ಹಕ್ಕುಗಳನ್ನು ಪಡೆಯಲು ನೆಟ್‌ಫ್ಲಿಕ್ಸ್ ಭಾರಿ ಮೊತ್ತವನ್ನು ಖರ್ಚು ಮಾಡಿದೆ ಎಂದು ವರದಿಯಾಗಿದೆ.
ನಿರ್ದೇಶಕ ಶೌರ್ಯುವ್ ಚಿತ್ರದ ಕುರಿತು ಈ ಹಿಂದೆ ʻʻಚಿತ್ರವು ಪ್ರೀತಿಯ ಬಗ್ಗೆ ಇರುತ್ತದೆ. ಇದು ಪೋಷಕರು ಮತ್ತು ಮಕ್ಕಳ ನಡುವೆ ಅಥವಾ ಇನ್ನೇನಾದರೂ ಕಥೆ ಆಗಿರಬಹುದು. ಪ್ರೀತಿಯನ್ನು ಹುಡುಕುವ ಪ್ರಯತ್ನದಲ್ಲಿ ಪಾತ್ರಗಳು ಹಾದುಹೋಗುವ ತಿರುವುಗಳು ಇದೆʼʼಎಂದಿದ್ದರು.
ಇದನ್ನೂ ಓದಿ: Hi Nanna Trailer; ಅಪ್ಪ-ಮಗಳ ಬಾಂಧ್ಯವದ ಹೃದಯಸ್ಪರ್ಶಿ ಸಂದೇಶ ಹೊತ್ತು ತಂತು ʻಹಾಯ್ ನಾನ್ನʼ ಟ್ರೈಲರ್‌!
ವೈರ ಎಂಟರ್‌ಟೇನ್‌ಮೆಂಟ್ ಬ್ಯಾನರ್ ನಡಿ ಮೋಹನ್ ಚೆರುಕುರಿ, ಡಾ.ವಿಜೇಂದ್ರ ರೆಡ್ಡಿ ಹಾಗೂ ಮೂರ್ತಿ ಕಲಗಾರ ಚಿತ್ರಕ್ಕೆ ಬಂಡವಾಳ ಹೂಡುತ್ತಿದ್ದಾರೆ. ಸಾನು ಜಾನ್ ವರ್ಗೀಸ್ ISC ಕ್ಯಾಮೆರಾ ವರ್ಕ್ ಚಿತ್ರಕ್ಕಿರಲಿದ್ದು, ‘ಹೃದಯಂ’ ಸಿನಿಮಾ ಖ್ಯಾತಿಯ ಹೇಶಮ್ ಅಬ್ದುಲ್ ವಹಾಬ್ ಸಂಗೀತ ನಿರ್ದೇಶನ, ಪ್ರವೀಣ್ ಆಂಥೋನಿ ಸಂಕಲನ ಚಿತ್ರಕ್ಕಿರಲಿದೆ.
ದಸರಾʼದಲ್ಲಿ ನಾನಿ ಕೊನೆಯದಾಗಿ ಕಾಣಿಸಿಕೊಂಡಿದ್ದರು. ಹಾಯ್ ನಾನ್ನ ನಂತರ, ಅವರು ಸೈಲೇಶ್ ಕೋಲನು ನಿರ್ದೇಶನದ ʻಹಿಟ್‌ʼ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.