ಬೆಂಗಳೂರು: ಈ ವರ್ಷದ ಹೋಳಿ ಹಬ್ಬ (Holi 2023) ಬಂದೇ ಬಿಟ್ಟಿತು. ಬಣ್ಣಗಳನ್ನು ಎರಚಿಕೊಂಡು ಮೈ ಮರೆತು ಕುಣಿದು, ರುಚಿ ರುಚಿಯಾದ ತಿಂಡಿ ತಿನಿಸು ತಿನ್ನುವ ಈ ಹಬ್ಬದ ಸಂಭ್ರಮಕ್ಕೆ ಸಂಗೀತವೂ ಸೇರಿಬಿಟ್ಟರೆ ಅದರ ಮಜವೇ ಬೇರೆ. ಅದರಲ್ಲೂ ನಮ್ಮ ಬಾಲಿವುಡ್‌ನಲ್ಲಂತೂ ಈ ಹೋಳಿಗೆಂದೇ ಹಲವಾರು ವಿಶೇಷವಾದ ಹಾಡುಗಳಿವೆ. ಈ ಹೋಳಿಗೆಂದೇ ವಿಶೇಷ ಪ್ಲೇ ಲಿಸ್ಟ್ ಅನ್ನು ನಾವಿಲ್ಲಿ ರೆಡಿ ಮಾಡಿಕೊಟ್ಟಿದ್ದೇವೆ ನೋಡಿ.
ಇದನ್ನೂ ಓದಿ: ಹೋಳಿ ಹಬ್ಬದ ಹಿನ್ನೆಲೆ, ಮುನ್ನಾದಿನವೇ ಅಲಿಗಢ್ನ ಅಬ್ದುಲ್ ಕರೀಂ ಮಸೀದಿಗೆ ಟಾರ್ಪಾಲಿನ್ ಹೊದೆಸಿಟ್ಟ ಮುಸ್ಲಿಂ ಮುಖಂಡರು
ಹೋಲಿ ಕೇ ದಿನ್‌ (ಶೋಲೆ)
ಶೋಲೆ ಸಿನಿಮಾದ ಈ ಹೋಲಿ ಹಾಡಲ್ಲಿ ಹೇಮಾ ಮಾಲಿನಿ ಅವರ ನೃತ್ಯ ನೋಡುವುದೇ ಚಂದ. ಈ ಎವರ್‌ಗ್ರೀನ್‌ ಹಾಡು ನಿಮ್ಮ ಹೋಳಿ ಸಂಭ್ರಮವನ್ನು ಇನ್ನಷ್ಟು ಹೆಚ್ಚಿಸುವಲ್ಲಿ ಅನುಮಾನವಿಲ್ಲ.
ರಂಗ್‌ ಬರ್ಸೆ(ಸಿಲ್ಸಿಲಾ)
ಈ ಹಾಡು ಒಂದು ರೀತಿಯಲ್ಲಿ ಹೋಲಿ ಆಂಥೆಮ್‌ ಎಂದೇ ಹೇಳಬಹುದು. ಅಮಿತಾಭ್‌ ಅವರ ಅದ್ಭುತವಾದ ಈ ಹಾಡಿಗೆ ಕುಣಿದು ಕುಪ್ಪಳಿಸದವರಿಲ್ಲ.
ಜೋಗಿ ಜೀ ಧೀರೇ ಧೀರೇ(ನದಿಯಾ ಕೆ ಪಾರ್)
ನದಿಯಾ ಕೆ ಪಾರ್ ಸಿನಿಮಾದ ಈ ಹಾಡನ್ನು ಜಸ್ಪಾಲ್‌ ಸಿಂಗ್‌, ಹೇಮಲತಾ, ಚಂದ್ರಾಣಿ ಮುಖರ್ಜಿ ಮತ್ತು ಸುಶೀಲ್‌ ಕುಮಾರ್‌ ಅವರು ಹಾಡಿದ್ದಾರೆ. ಸಚಿನ್‌ ಪಿಲ್ಗಾಂವ್ಕರ್‌ ಮತ್ತು ಸಾಧನಾ ಸಿಂಗ್‌ ನಟಿಸಿದ್ದಾರೆ.
ಹೋಲಿ ಖೇಲೆ ರಘುವೀರ್‌ (ಭಾಘ್‌ಬನ್)
ಅಮಿತಾಭ್‌ ಬಚ್ಚನ್‌ ಮತ್ತು ಹೇಮಾ ಮಾಲಿನಿ ಅವರ ಈ ಹಾಡಿನಲ್ಲಿ ಜೋಡಿಯ ನೃತ್ಯ ಸುಂದರವಾಗಿ ಮೂಡಿ ಬಂದಿದೆ. ಈ ಹಾಡು ನಿಮ್ಮ ಹೃದಯ ಗೆಲ್ಲುವಂತಹ ಹಾಡುಗಳಲ್ಲಿ ಒಂದು.
ಬಲಮ್‌ ಪಿಚ್ಕಾರಿ (ಯೇ ಜವಾನಿ ಹೆ ದಿವಾನಿ)
ಈಗಿನ ಜನರೇಷನ್‌ ಅವರಿಗೆ ಇದು ಹೋಳಿ ಆಂಥೆಮ್‌ ಎಂದರೆ ತಪ್ಪಾಗದು. ರಣಬೀರ್‌ ಕಪೂರ್‌ ಜತೆ ದೀಪಿಕಾ ಪಡುಕೋಣೆ ನಟನೆಯ ಈ ಹಾಡಿನ ನೃತ್ಯವೂ ಅಷ್ಟೇ ಅದ್ಭುತ.
ಬದ್ರಿ ಕಿ ದುಲ್ಹನಿಯಾ (ಬದ್ರಿನಾಥ್‌ ಕಿ ದುಲ್ಹನಿಯ)
ವರುಣ್‌ ಧವನ್‌ ಮತ್ತು ಅಲಿಯಾ ಭಟ್‌ ನಟನೆಯ ಈ ಹಾಡಿನಲ್ಲಿ ಅದ್ಭುತವಾದ ನೃತ್ಯ ಸಂಯೋಜನೆಯನ್ನು ಕಾಣಬಹುದು. ಹೋಲಿ ಸಂಭ್ರಮದ ಮೆರುಗು ಹೆಚ್ಚಿಸುವಂತಹ ಹಾಡಿದು.
ಜೈ ಜೈ ಶಿವಶಂಕರ್‌ (ವಾರ್‌)
ವಾರ್‌ ಸಿನಿಮಾದಲ್ಲಿ ಹೃತಿಕ್‌ ರೋಷನ್‌ ಮತ್ತು ಟೈಗರ್‌ ಶಾರ್ಫ್‌ ಜತೆಯಾಗಿ ಹೆಜ್ಜೆ ಹಾಕುವ ಹಾಡಿದು. ಬಾಲಿವುಡ್‌ನ ಸಕತ್‌ ಎನರ್ಜಿಟಿಕ್‌ ಹಾಡುಗಳಲ್ಲಿ ಇದೂ ಒಂದು.