ಕ್ಯಾಲಿಫೋರ್ನಿಯಾ: ಇತ್ತೀಚೆಗೆ ತಾನೆ ಬಾಲಿವುಡ್‌ ನಟಿ ಊರ್ವಶಿ ರೌಟೇಲಾ ಅವರು 190 ಕೋಟಿ ರೂ. ಬೆಲೆಯ ಮನೆ ಕೊಂಡಿದ್ದಾರೆ ಎನ್ನುವ ವಿಚಾರ ಸುದ್ದಿಯಾಗಿತ್ತು. ಇದೀಗ ಹಾಲಿವುಡ್‌ನ (Hollywood) ಜೋಡಿಯೊಂದು ಇದೇ ರೀತಿಯಲ್ಲಿ ಐಷಾರಾಮಿ ಮನೆ ಖರೀದಿಸಿದೆ. ಬರೋಬ್ಬರಿ 494 ಕೋಟಿ ರೂ. ಬೆಲೆಯ ಆ ಮನೆಯ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗುತ್ತಿವೆ.
ನಟಿ ಜೆನ್ನಿಫರ್‌ ಲೋಪೆಜ್‌ ಮತ್ತು ನಟ ಬೆನ್‌ ಅಫ್ಲೆಕ್‌ ಈ ದುಬಾರಿ ಮನೆಯನ್ನು ಖರೀದಿಸಿರುವ ಜೋಡಿ. ಅಮೆರಿಕದ ಲಾಸ್‌ ಏಂಜಲೀಸ್‌ನ ಬೆವರ್ಲಿ ಹಿಲ್ಸ್‌ನ ಹೃದಯಭಾಗದಲ್ಲಿ ಈ ಹೊಸ ಮನೆಯಿದೆ. ಈ ಜೋಡಿ ಎರಡು ವರ್ಷಗಳ ಕಾಲ ಮನೆಗಾಗಿ ಹುಡುಕಾಡಿದ್ದು, ಇದೀಗ ಈ ಮನೆಯನ್ನು ಖರೀದಿ ಮಾಡಿದೆ. ಮನೆಗೆ 61 ಮಿಲಿಯನ್‌ ಡಾಲರ್‌ (494 ಕೋಟಿ ರೂ.) ಪಾವತಿ ಮಾಡಿದ್ದಾರೆ.
ಇದನ್ನೂ ಓದಿ: Viral Video : ಇದು ರಿಯಲ್‌ ಕೆಜಿಎಫ್‌ ಕತೆ; ಸಮುದ್ರಕ್ಕೆ ಜಿಗಿದು 20 ಕೋಟಿ ರೂ. ಮೌಲ್ಯದ ಚಿನ್ನ ತೆಗೆದ ವಿಡಿಯೊ ಇಲ್ಲಿದೆ ನೋಡಿ!
ಈ ಮನೆಯ ಒಟ್ಟು ವ್ಯಾಪ್ತಿ 5.2 ಎಕರೆಯಷ್ಟಿದೆ. ಒಳಾಂಗಣ ಪಿಕಲ್‌ಬಾಲ್‌ ಕೋರ್ಟ್‌, ಜಿಮ್‌, ಬಾಕ್ಸಿಂಗ್‌ ರಿಂಗ್‌, ಲಾಂಜ್‌ ಹಾಗೂ ದೊಡ್ಡದೊಂದು ಕ್ರೀಡಾ ಸಂಕೀರ್ಣವಿದೆ. ಹೊರಾಂಗಣದಲ್ಲಿ ದೊಡ್ಡದಾದ ಔಟ್‌ಡೋರ್‌ ಕಿಚನ್‌, ದೊಡ್ಡ ಸ್ವಿಮ್ಮಿಂಗ್‌ ಪೂಲ್‌, ಹತ್ತು ಕಾರುಗಳನ್ನು ನಿಲ್ಲಿಸುವ ಪಾರ್ಕಿಂಗ್‌ ಸೌಲಭ್ಯವಿದೆ. ಅದಲ್ಲದೆ 80 ಕಾರುಗಳನ್ನು ಆಫ್‌ ಸ್ಟ್ರೀಟ್‌ ಪಾರ್ಕ್‌ ಮಾಡಬಹುದಾಗಿದೆ.
ಈ ಮನೆಗೆ ಮೊದಲಿಗೆ 135 ಮಿಲಿಯನ್‌ ಡಾಲರ್‌ (11 ಶತಕೋಟಿ ರೂ.) ದರ ನಿಗದಿ ಮಾಡಲಾಗಿತ್ತು. ಆದರೆ ಜೋಡಿ ಅದರಲ್ಲಿ ಚೌಕಾಸಿ ಮಾಡಿ 494 ಕೋಟಿ ರೂ.ಗೆ ಇಳಿಸಿದ್ದಾರೆ. ಪೂರ್ತಿಯಾಗಿ ಹಣ ಪಾವತಿಸಿ ಮನೆ ಖರೀದಿಸಲಾಗಿದೆ. ಈ ಮನೆಯನ್ನು ಈ ಹಿಂದೆ ಎಂಜಿಎಂ ಸ್ಟುಡಿಯೋಸ್‌ನ ಮಾಜಿ ಸಿಇಒ ಅಲೆಕ್ಸ್‌ ಯೆಮೆ ನಿಡ್ಜಿಯಾನ್‌ ತಮ್ಮದಾಗಿಸಿಕೊಂಡಿದ್ದರು. ಹಾಗೆಯೇ ಪೊಂಜಿ ಸ್ಕೀಮರ್‌ ಕರ್ಟಿಸ್‌ ಸೊಮೊಜಾ ಅವರು ಕೂಡ ಈ ಬಂಗಲೆಯ ಮಾಲೀಕತ್ವ ಹೊಂದಿದ್ದರು.
ಇದನ್ನೂ ಓದಿ: Urvashi Rautela: ತಿಂಗಳುಗಟ್ಟಲೆ ಹುಡುಕಿದ್ದ ಊರ್ವಶಿಗೆ ಅಂತೂ ಮನೆ ಸಿಕ್ತು, ಬಂಗಲೆಯ ಬೆಲೆ ಕೇಳಿದರೇ ತಲೆ ತಿರುಗತ್ತೆ!
ಅಂದ ಹಾಗೆ ಈ ಮನೆ ಖರೀದಿಸುವುದಕ್ಕೂ ಮೊದಲು ಈ ತಾರಾ ಜೋಡಿ ತಮಗೆ ಸೇರಿದ್ದ ಆಸ್ತಿಗಳನ್ನು ಮಾರಾಟ ಮಾಡಿದ್ದಾರೆ. ಬೆನ್‌ ಅಫ್ಲೆಕ್ಸ್‌ ಅವರು ಫೆಸಿಫಿಕ್‌ ಪಾಲಿಸೇಡ್ಸ್‌ನಲ್ಲಿ ಆಸ್ತಿಯನ್ನು 230 ಕೋಟಿ ರೂ.ಗೆ ಮಾರಾಟ ಮಾಡಿದ್ದಾರೆ. ಹಾಗೆಯೇ ಜೆನ್ನೀಫರ್‌ ಲೋಪೆಜ್‌ ಅವರು ಬೆಲ್‌ ಏರ್‌ ಎಸ್ಟೇಟ್‌ ಅನ್ನು 345 ಕೋಟಿ ರೂ.ಗೆ ಮಾರಾಟಕ್ಕೆ ಇಟ್ಟಿದ್ದಾರೆ.