ಆಗಸ್ಟ್‌ 11ರಂದು ಆಸ್ಟ್ರೇಲಿಯಾದ ಮೆಲ್ಬೋರ್ನ್‌ನಲ್ಲಿ 14 ನೇ (IFFM Awards 2023) ಇಂಡಿಯನ್‌ ಫಿಲ್ಮ್‌ ಫೆಸ್ಟಿವಲ್‌ ಆಫ್‌ ಮೆಲ್ಬೋರ್ನ್‌ (IFFM 2023) (Indian Film Festival of Melbourne) ಪ್ರಶಸ್ತಿ ಸಮಾರಂಭ ಆಯೋಜಿಸಲಾಗಿತ್ತು. ಶಾರುಖ್ ಖಾನ್ ಅವರ ಪಠಾಣ್ ( Pathaan), ಮಿಸೆಸ್‌ ಚಟರ್ಜಿ Vs ನಾರ್ವೆಗಾಗಿ ರಾಣಿ ಮುಖರ್ಜಿ (Mrs Chatterjee Vs Norway), ಮತ್ತು ದುಲ್ಕರ್ ಸಲ್ಮಾನ್ ಮತ್ತು ಮೃಣಾಲ್ ಠಾಕೂರ್ ಅವರ ಸೀತಾ ರಾಮಂ (Sita Ramam ) ಸಿನಿಮಾ ಈ ವರ್ಷದ IFFMನಲ್ಲಿ ಪ್ರಶಸ್ತಿಗಳನ್ನು ಮುಡಿಗೇರಿಸಿಕೊಂಡಿವೆ.
ಮೃಣಾಲ್ ಠಾಕೂರ್ ಮತ್ತು ದುಲ್ಕರ್ ಸಲ್ಮಾನ್ ಅಭಿನಯದ ತೆಲುಗು ಚಿತ್ರ ‘ಸೀತಾ ರಾಮಂ’ ಅತ್ಯುತ್ತಮ ಚಿತ್ರ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿದೆ. ಶಾರುಖ್ ಖಾನ್ ಅವರ ‘ಪಠಾಣ್’ ಪೀಪಲ್ಸ್ ಚಾಯ್ಸ್ ಪ್ರಶಸ್ತಿ ಗೆದ್ದುಕೊಂಡಿದೆ. ಮಿಸೆಸ್‌ ಚಟರ್ಜಿ Vs ನಾರ್ವೆಗಾಗಿ ರಾಣಿ ಮುಖರ್ಜಿ ಅತ್ಯುತ್ತಮ ನಟಿ ಪ್ರಶಸ್ತಿ ಪಡೆದುಕೊಂಡಿದ್ದಾರೆ
ಪ್ರಶಸ್ತಿಗಳ ಪಟ್ಟಿ ಇಲ್ಲಿವೆ
- ಅತ್ಯುತ್ತಮ ಸಾಕ್ಷ್ಯಚಿತ್ರ – ಟು ಕಿಲ್ ಎ ಟೈಗರ್ (To Kill A Tiger)
- ಅತ್ಯುತ್ತಮ ಇಂಡಿ ಚಿತ್ರ – ಆಗ್ರಾ(Agra)
- ಅತ್ಯುತ್ತಮ ನಟ (MALE) – ʻಆಗ್ರಾʼಕ್ಕಾಗಿ ಮೋಹಿತ್ ಅಗರ್ವಾಲ್ (Mohit Agarwal for Agra)
- ಅತ್ಯುತ್ತಮ ನಟಿ (FEMALE) – ಮಿಸೆಸ್‌ ಚಟರ್ಜಿ Vs ನಾರ್ವೆ ಸಿನಿಮಾಗಾಗಿ ರಾಣಿ ಮುಖರ್ಜಿ (Rani Mukerji for Mrs Chatterjee Vs Norway)
- ಅತ್ಯುತ್ತಮ ನಿರ್ದೇಶಕ – ಪೃಥ್ವಿ ಕೊಣನೂರು – ಹದಿನೇಳೆಂಟು (ಸೆವೆಂಟೀನರ್ಸ್) Hadinelentu (Seventeeners)
- ಅತ್ಯುತ್ತಮ ಚಿತ್ರ – ಸೀತಾ ರಾಮಂ (Sita Ramam)
- ಸಿರೀಸ್‌ ಅತ್ಯುತ್ತಮ ಪ್ರದರ್ಶನ (MALE) – ʻದಹಾದ್‌ʼ ಸಿನಿಮಾಗಾಗಿ ವಿಜಯ್ ವರ್ಮಾ ( Vijay Varma for Dahaad)
- ಸಿರೀಸ್‌ ಅತ್ಯುತ್ತಮ ಪ್ರದರ್ಶನ (FEMALE)- ʻಟ್ರಯಲ್ ಬೈ ಫೈರ್‌ʼಗಾಗಿ ರಾಜಶ್ರೀ ದೇಶಪಾಂಡೆ ( Rajshri Deshpande for Trial By Fire)
- ಅತ್ಯುತ್ತಮ ಸಿರೀಸ್‌ – ಜುಬಿಲಿ (Jubilee)
- ಅತ್ಯುತ್ತಮ ಕಿರುಚಿತ್ರ – ಪೀಪಲ್ಸ್ ಚಾಯ್ಸ್ – ನೀಲೇಶ್ ನಾಯ್ಕ್ ಅವರ ಕನೆಕ್ಷನ್ ಕ್ಯಾ ಹೈ (Connection Kya Hain by Nilesh Naik)
- ಅತ್ಯುತ್ತಮ ಕಿರುಚಿತ್ರ – ಆಸ್ಟ್ರೇಲಿಯಾ – ಹೋಮ್‌ ಬೈ ಮಾರ್ಕ್‌ ( Home by Mark Russel Bernard)
ಇದನ್ನೂ ಓದಿ: Sita Ramam Film | ಅರಬ್‌ ರಾಷ್ಟ್ರಗಳಲ್ಲಿ ಬ್ಯಾನ್‌ ಆಗಲಿದೆಯಾ ಸೀತಾ ರಾಮಂ?
ಗೌರವ ಪ್ರಶಸ್ತಿಗಳು
- ಪೀಪಲ್ಸ್ ಚಾಯ್ಸ್ ಅವಾರ್ಡ್ – ಪಠಾಣ್ (pathaan)
- ಆರ್ಯನ್‌ ಅವರಿಗೆ ‘ದಿ ರೈಸಿಂಗ್‌ ಗ್ಲೋಬಲ್‌ ಸೂಪರ್‌ಸ್ಟಾರ್‌ ಆಫ್‌ ಇಂಡಿಯನ್‌ ಸಿನಿಮಾ’ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.
- ಚಲನಚಿತ್ರ ನಿರ್ಮಾಪಕ ಕರಣ್‌ ಜೋಹರ್‌ ಅವರು ಭಾರತೀಯ ಚಲನಚಿತ್ರೋದ್ಯಮದಲ್ಲಿ 25 ವರ್ಷಗಳನ್ನು ಪೂರೈಸಿದ ಹಿನ್ನೆಲೆ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.
- ಸಿನಿಮಾ ಪ್ರಶಸ್ತಿಯಲ್ಲಿ ವೈವಿಧ್ಯತೆ – ಮೃಣಾಲ್ ಠಾಕೂರ್
- ಡಿಸ್ಟ್ರಪ್ಟರ್ ಪ್ರಶಸ್ತಿ – ಭೂಮಿ ಪೆಡ್ನೇಕರ್
ಪಠಾಣ್ ಸಿನಿಮಾ
ಸಿದ್ಧಾರ್ಥ್‌ ಆನಂದ್‌ ನಿರ್ದೇಶನದ ಪಠಾಣ್ ಸಿನಿಮಾ ಜನವರಿ 25ರಂದು ಬಿಡುಗಡೆ ಆಗಿ ಭಾರತೀಯ ಚಿತ್ರಮಂದಿರಗಳಲ್ಲಿ ಧೂಳೆಬ್ಬಿಸಿತ್ತು. ಜಾನ್‌ ಅಬ್ರಹಾಂ, ದೀಪಿಕಾ ಪಡುಕೋಣೆ, ಡಿಂಪಲ್‌ ಕಪ್ಪಾಡಿಯಾ ಮತ್ತು ಅಶುತೋಷ್‌ ರಾಣಾ ಸೇರಿದಂತೆ ಇತರರು ಸಿನಿಮಾದಲ್ಲಿ ನಟಿಸಿದ್ದಾರೆ. ಜಾಗತಿಕ ಗಲ್ಲಾಪೆಟ್ಟಿಗೆಯಲ್ಲಿ 1050 ಕೋಟಿಗೂ ಹೆಚ್ಚು ಗಳಿಕೆ ಮಾಡುವ ಮೂಲಕ ಹಲವಾರು ಬಾಕ್ಸ್‌ ಆಫೀಸ್‌ ದಾಖಲೆಗಳನ್ನು ಮುರಿದಿದೆ. ಜತೆಗೆ, ಹಿಂದಿ ಚಿತ್ರರಂಗದ ಇತಿಹಾಸದಲ್ಲೇ ಇದು ವಿಶ್ವಾದ್ಯಂತ ಅತಿ ಹೆಚ್ಚು ಗಳಿಕೆ ಮಾಡಿದ ಚಲನಚಿತ್ರವಾಗಿದೆ. ಶ್ರೀಧರ್‌ ರಾಘವನ್‌ ಚಿತ್ರಕಥೆ ಬರೆದಿರುವ ಸಿನಿಮಾವನ್ನು ಯಶ್‌ ರಾಜ್‌ ಫಿಲ್ಮ್ಸ್‌ ನಿರ್ಮಿಸಿದೆ.
ಇದನ್ನೂ ಓದಿ; Mrs Chatterjee Vs Norway: ರಾಣಿ ಮುಖರ್ಜಿ ಅಭಿನಯದ ಮಿಸೆಸ್‌ ಚಟರ್ಜಿ Vs ನಾರ್ವೆ ಟ್ರೈಲರ್‌ ಔಟ್‌!
ಮಿಸೆಸ್‌ ಚಟರ್ಜಿ Vs ನಾರ್ವೆ (Mrs Chatterjee Vs Norway)
ಮಿಸೆಸ್‌ ಚಟರ್ಜಿ Vs ನಾರ್ವೆ ಸಿನಿಮಾವನ್ನು ನಿಖಿಲ್ ಆಡ್ವಾಣಿ ನಿರ್ಮಿಸಿದ್ದಾರೆ. ನಾರ್ವೆ ದೇಶದಲ್ಲಿ ಭಾರತೀಯ ದಂಪತಿಯ ಮಕ್ಕಳನ್ನು ಸರ್ಕಾರ ವಶಕ್ಕೆ ಪಡೆಯುತ್ತದೆ. ಬಳಿಕ ಭಾರತೀಯ ದಂಪತಿ ಮಕ್ಕಳನ್ನು ವಾಪಸ್ ಪಡೆಯಲು ಹೇಗೆಲ್ಲ ಕಾನೂನು ಹೋರಾಟ ಮಾಡುತ್ತಾರೆ ಎಂಬುದೇ ಚಿತ್ರದ ಒನ್‌ಲೈನ್‌ ಸ್ಟೋರಿ.ರಾಣಿ ಮುಖರ್ಜಿ ಪಾತ್ರಕ್ಕೆ ಜೀವ ತುಂಬಿದ್ದರು.