ಆಮಿರ್ ಖಾನ್ ಮಗಳು ಇರಾ ಖಾನ್ ಹಾಗೂ ನೂಪುರ್ ಶಿಖಾರೆ (Ira Khan-Nupur Shikhare Wedding) ಅವರ ಮದುವೆ ಬುಧವಾರ (ಜನವರಿ 3) ಅದ್ಧೂರಿಯಾಗಿ ನೆರವೇರಿದೆ. ಮುಂಬೈನ ಖಾಸಗಿ ಹೋಟೆಲ್ನಲ್ಲಿ ಮದುವೆ ಆಯೋಜನೆ ಮಾಡಲಾಗಿತ್ತು.
ಸಮಾರಂಭಕ್ಕೆ ಉದ್ಯಮಿಗಳಾದ ಮುಕೇಶ್ ಅಂಬಾನಿ (Mukesh Ambani), ನೀತಾ ಅಂಬಾನಿ ಹಾಗೂ ಬಾಲಿವುಡ್ನ ಅನೇಕ ಸೆಲೆಬ್ರಿಟಿಗಳು ಬಂದು ನವಜೋಡಿಗೆ ಶುಭ ಹಾರೈಸಿದ್ದಾರೆ.
ವರ ನೂಪುರ್ ಕಪ್ಪು ಬಣ್ಣದ ವೆಸ್ಟ್‌ನೊಂದಿಗೆ ಬಿಳಿ ಬಣ್ಣದ ಶಾರ್ಟ್ಸ್‌ನ ಜಾಗಿಂಗ್ ಉಡಿಗೆಯಲ್ಲೇ (jogging clothes) ವೇದಿಕೆಯ ಮೇಲೆ ಕಾಣಿಸಿಕೊಂಡಿದ್ದಾರೆ. ಇರಾ ಸುಂದರವಾದ ಸಾಂಪ್ರದಾಯಿಕ ಲೆಹೆಂಗಾದಲ್ಲಿ ಮಿಂಚಿದ್ದರು.
ಇರಾ ಖಾನ್ ಮತ್ತು ನೂಪರ್‌ ಅವರ ವಿವಾಹ ನಿಶ್ಚಿತಾರ್ಥ ಕಳೆದ ವರ್ಷ ನೆರವೇರಿತ್ತು. ಖಾಸಗಿಯಾಗಿ ನಡೆದ ಈ ಸಮಾರಂಭದ ಬಳಿಕ ಇಬ್ಬರೂ ಮುಂಬೈಯಲ್ಲಿ ಪಾರ್ಟಿ ಆಯೋಜಿಸಿದ್ದರು.
ಇದನ್ನೂ ಓದಿ: Ira Khan: ಜಾಗಿಂಗ್ ಉಡುಗೆಯಲ್ಲೇ ಆಮೀರ್ ಪುತ್ರಿ ಇರಾಳನ್ನು ವರಿಸಿದ ನೂಪುರ್!
ಇರಾ ಮತ್ತು ನೂಪುರ್ ಮುಂಬೈನಲ್ಲಿ ಅದ್ಧೂರಿಯಾಗಿ ಆರತಕ್ಷತೆಯನ್ನು ಆಯೋಜಿಸಲಿದ್ದಾರೆ. ಈ ರಿಸಪ್ಷನ್‌ಗೆ ಬಾಲಿವುಡ್ನ ಅನೇಕ ಸ್ಟಾರ್‌ ನಟರು, ಗಣ್ಯರು ಭಾಗವಹಿಸುವ ನಿರೀಕ್ಷೆಯಿದೆ. ಜನವರಿ 10ರ ನಂತರ ಆರತಕ್ಷತೆ ನಡೆಯುವ ಸಾಧ್ಯತೆಯಿದೆ ಎನ್ನಲಾಗಿದೆ.