ಬೆಂಗಳೂರು: ಟಾಲಿವುಡ್‌ನಲ್ಲಿ ನಟ ವಿಶಾಲ್ (Actor Vishal) ಹಾಗೂ ವಿಶೇಷ ಚೇತನ ನಟಿ ಅಭಿನಯ ಅವರ ಮಧ್ಯೆ ಪ್ರೇಮಾಂಕುರವಾಗಿದೆ ಎಂಬ ಗಾಸಿಪ್‌ಗಳು ಸೋಷಿಯಲ್‌ ಮೀಡಿಯಾದಲ್ಲಿ ಹರಿದಾಡುತ್ತಿವೆ. ʻಮಾರ್ಕ್‌ ಆಂಟನಿʼ ಚಿತ್ರದಲ್ಲಿ ವಿಶಾಲ್ ಮಡದಿ ಆಗಿ ಅಭಿನಯ ಬಣ್ಣ ಹಚ್ಚಿದ್ದರು. ಇದೀಗ ಇಬ್ಬರೂ ಡೇಟಿಂಗ್‌ ಮಾಡುತ್ತಿದ್ದಾರೆ ಎನ್ನಲಾಗುತ್ತಿದೆ. ಈ ಬಗ್ಗೆ ನಟಿ ಅಭಿನಯ ಸ್ಪಷ್ಟನೆ ನೀಡಿದ್ದಾರೆ.
ʻಮಾರ್ಕ್‌ ಆಂಟನಿʼ ಸಿನಿಮಾ ಶೀರ್ಷಿಕೆಯಿಂದಲೇ ಟಾಲಿವುಡ್‌ನಲ್ಲಿ ಸಖತ್‌ ಸದ್ದು ಮಾಡಿತ್ತು. ಕೆಲದ ದಿನಗಳ ಹಿಂದೆ ಚಿತ್ರೀಕರಣ ವೇಳೆ ವಿಶಾಲ್ ಗಾಯಗೊಂಡು ಚಿಕಿತ್ಸೆ ಪಡೆಯುತ್ತಿದ್ದರು. ಈ ಚಿತ್ರಕ್ಕೆ ರಿತು ವರ್ಮಾ ಕೂಡ ಮತ್ತೋರ್ವ ನಾಯಕಿ ಇದ್ದು, ನಿರ್ದೇಶಕ ಎಸ್‌ ಜೆ ಸೂರ್ಯ ಅವರು ಈ ಚಿತ್ರದಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿದ್ದರು. ವಿಶಾಲ್ ಜತೆ ನಟಿ ವರಲಕ್ಷ್ಮೀ ಶರತ್‌ ಕುಮಾರ್‌ ಡೇಟಿಂಗ್‌ ಮಾಡುತ್ತಿದ್ದಾರೆ ಎಂದು ಈ ಹಿಂದೆ ವರದಿಯಾಗಿತ್ತು. ನಂತರ ಇಬ್ಬರೂ ದೂರವಾಗಿದ್ದಾರೆ ಎನ್ನಲಾಯಿತು. ಇದೀಗ ಅಭಿನಯ ಹೆಸರು ತಳುಕು ಹಾಕಿಕೊಂಡಿದ್ದು ಈ ಬಗ್ಗೆ ಮಾತನಾಡಿ ʻʻನನ್ನ ಮತ್ತು ವಿಶಾಲ್ ನಡುವೆ ಯಾವುದೇ ರಿಲೇಷನ್‌ಶಿಪ್‌ ಇಲ್ಲ. ಚಿತ್ರದಲ್ಲಿ ನಾವಿಬ್ಬರೂ ಗಂಡ ಹೆಂಡತಿ ಪಾತ್ರ ನಿರ್ವಹಿಸಿದ್ದಕ್ಕೆ ರಿಯಲ್‌ ಲೈಫ್‌ನಲ್ಲಿ ಗಂಡ ಹೆಂಡತಿ ಆಗಿ ಬಿಡುತ್ತೀವಾʼʼ ಎಂದು ಪ್ರಶ್ನಿಸಿದ್ದಾರೆ.
ಇದನ್ನೂ ಓದಿ | Mahesh Babu | ಟಾಲಿವುಡ್‌ ಸೂಪರ್‌ ಸ್ಟಾರ್‌ ಮಹೇಶ್‌ ಬಾಬುಗೆ ಮಾತೃ ವಿಯೋಗ
ಅಭಿನಯ ಅವರು ವಿಶೇಷ ಚೇತನ ನಟಿಯಾಗಿದ್ದು, ತಮಿಳಿನ ʻʻನಾಡೋಡಿಗಳ್‌ʼ ಚಿತ್ರದಲ್ಲಿ ದೊಡ್ಡ ಬ್ರೇಕ್‌ ಸಿಕ್ಕಿತ್ತು. 3 ವರ್ಷಗಳ ಹಿಂದೆ ಹೈದರಾಬಾದ್ ಮೂಲದ ಅನಿಷಾ ಅಲ್ಲಾ ರೆಡ್ಡಿ ಜತೆಗೆ ನಟ ವಿಶಾಲ್ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಆದರೆ ನಿಶ್ಚಿತಾರ್ಥ ಮುರಿದುಬಿತ್ತು ಎನ್ನಲಾಗಿದೆ.
ಇದನ್ನೂ ಓದಿ | Pavitra Lokesh | ಪವಿತ್ರಾ ಲೋಕೇಶ್‌-ನರೇಶ್‌ ನಡುವೆ ಬ್ರೇಕಪ್‌ ಆಗಿದೆ ಅಂತಿದೆ ಟಾಲಿವುಡ್‌!