ಬೆಂಗಳೂರು: ಫೆ.14ರಂದು ನಿಧನರಾದ ಹಿರಿಯ ನಟ ಜಾವೇದ್ ಖಾನ್ ಅಮ್ರೋಹಿ (Javed Khan Amrohi) ಚಿತ್ರರಂಗದ ಗಣ್ಯರು ಟ್ವೀಟ್‌ಗಳ ಮೂಲಕ ಸಂತಾಪ ಸೂಚಿಸಿದ್ದಾರೆ. ಅವರಿಗೆ 60 ವಯಸ್ಸಾಗಿತ್ತು. ‘ಒನ್ಸ್ ಅಪಾನ್ ಎ ಟೈಮ್ ಇನ್ ಮುಂಬೈ’, ಚಕ್ ದೇ ಇಂಡಿಯಾ’, ‘ಲಗಾನ್’ ಮುಂತಾದ ಚಲನಚಿತ್ರಗಳಲ್ಲಿ ಹೆಸರುವಾಸಿಯಾಗಿದ್ದರು. ಶ್ವಾಸಕೋಶದ ವೈಫಲ್ಯದಿಂದ ಅಮ್ರೋಹಿ ವಿಧಿವಶರಾಗಿದ್ದಾರೆ.
ಜಾವೇದ್ ಖಾನ್ ಅಮ್ರೋಹಿ ನಿಧನಕ್ಕೆ ಬಾಲಿವುಡ್‌ ಸೆಲೆಬ್ರಿಟಿಗಳು ಹಾಗೂ ಅನೇಕ ಗಣ್ಯರು ಸಂತಾಪ ಸೂಚಿಸಿದ್ದಾರೆ. ಶಬಾನಾ ಅಜ್ಮಿ ಅವರು ಹಿರಿಯ ನಟರೊಂದಿಗೆ ಇರುವ ಫೋಟೊವನ್ನು ಹಂಚಿಕೊಂಡಿದ್ದಾರೆ. ”ಜಾವೇದ್ ಖಾನ್ ಅಮ್ರೋಹಿ ಅವರು ಇಂಡಿಯನ್ ಪೀಪಲ್ಸ್ ಥಿಯೇಟರ್ ಅಸೋಸಿಯೇಷನ್‌ನ ಅತ್ಯುತ್ತಮ ನಟರಲ್ಲಿ ಒಬ್ಬರು. ಅವರ ಕುಟುಂಬ ಮತ್ತು ಸ್ನೇಹಿತರಿಗೆ ನನ್ನ ಹೃತ್ಪೂರ್ವಕ ಸಂತಾಪʼʼಎಂದು ಟ್ವೀಟ್‌ ಮಾಡಿದ್ದಾರೆ.
ಇದನ್ನೂ ಓದಿ: Javed Khan Amrohi: ‘ಲಗಾನ್’, ‘ಚಕ್ ದೇ ಇಂಡಿಯಾ’ ಖ್ಯಾತಿಯ ನಟ ಜಾವೇದ್ ಖಾನ್ ಅಮ್ರೋಹಿ ಇನ್ನಿಲ್ಲ
ʻʻಸಿನಿಮಾ ಜಗತ್ತಿಗೆ ಇದು ತುಂಬಲಾರದ ನಷ್ಟ. ಜಾವೇದ್ ಖಾನ್ ಅಮ್ರೋಹಿ ನಮ್ಮ ಹೃದಯದಲ್ಲಿ ಶಾಶ್ವತವಾಗಿ ಉಳಿಯುತ್ತಾರೆ. ಕುಟುಂಬಕ್ಕೆ ಹೃತ್ಪೂರ್ವಕ ಸಂತಾಪʼʼ ಎಂದು ಸುನೀಲ್‌ ಶೆಟ್ಟಿ ಟ್ವೀಟ್‌ ಮಾಡಿದ್ದಾರೆ.
ನಟ ಡ್ಯಾನಿಶ್ ಹುಸೇನ್ ಅವರು ಜಾವೇದ್ ಅವರ ನಿಧನಕ್ಕೆ ಸಂತಾಪ ಸೂಚಿಸಿದ್ದಾರೆ. ʻʻಜಾವೇದ್ ಖಾನ್ ಆಮ್ರೋಹಿ ಭಾಯ್ ಅವರ ನಿಧನದ ಬಗ್ಗೆ ಕೇಳಲು ಬೇಸರವಾಯಿತು. ಇದು ವಿದಾಯದ ಸಮಯ ಎಂದು ತೋರುತ್ತದೆʼʼ ಎಂದು ಟ್ವೀಟ್‌ ಮಾಡಿದ್ದಾರೆ.
ಕೆಲ ದಿನಗಳಿಂದ ಅವರು ಅನಾರೋಗ್ಯದಿಂದ ಬಳಲುತ್ತಿದ್ದರು. ಶ್ವಾಸಕೋಶದ ವೈಫಲ್ಯದಿಂದಾಗಿ ಅವರು ನಿಧನರಾದರು. ಅವರ ಅಂತ್ಯಕ್ರಿಯೆ ಫೆಬ್ರವರಿ 14 ರಂದು ನಡೆಯಲಿದೆ.