ಶಾರುಖ್ ಖಾನ್ ಅಭಿನಯದ (Jawan First Reviews) ʼಜವಾನ್ʼ ಚಿತ್ರ ಸೆಪ್ಟೆಂಬರ್‌ 7ರಂದು ವಿಶ್ವಾದ್ಯಂತ ತೆರೆ ಕಂಡಿದೆ. ಮುಂಜಾನೆ 5 ಗಂಟೆಗೆ ಪ್ರಥಮ ಪ್ರದರ್ಶನಗೊಂಡಿದೆ. ಬಿಡುಗಡೆಗೂ ಮುನ್ನವೇ ದಾಖಲೆಗಳನ್ನು ಉಡೀಸ್‌ ಮಾಡಿದ್ದ ಜವಾನ್ ಇದೀಗ ಪ್ರೇಕ್ಷಕರಿಂದ ಭಾರಿ ಮೆಚ್ಚುಗೆಗೆ ವ್ಯಕ್ತವಾಗಿದೆ. ಸಿನಿಮಾ ಬಿಡುಗಡೆ ಆದ ಕೂಡಲೇ ಶಾರುಖ್ ಅಭಿಮಾನಿಗಳು ಚಿತ್ರಮಂದಿರದ ಮುಂದೆ ಹುಚ್ಚೆದ್ದು ಕುಣಿದಿದ್ದಾರೆ. “ಜವಾನ್ ಒಂದು ಭಾವನಾತ್ಮಕ ರೋಲರ್ ಕೋಸ್ಟರ್ʼʼ ಎಂದು ಅಭಿಮಾನಿಯೊಬ್ಬರು ಹೊಗಳಿದ್ದಾರೆ.
ಕೆಲವು ಅಭಿಮಾನಿಗಳು ಮುಂಜಾನೆ ಹೌಸ್‌ಫುಲ್ ಶೋಗಳನ್ನು ತೋರಿಸುವ ವಿಡಿಯೊ ತುಣುಕುಗಳನ್ನು ಹಂಚಿಕೊಂಡಿದ್ದಾರೆ. ತುಂಬಿದ ಚಿತ್ರಮಂದಿರಗಳ ಮುಂದೆ ಅಭಿಮಾನಿಗಳು ಕುಣಿದು ಕುಪ್ಪಳಿಸಿ ಸಂಭ್ರಮಿಸುತ್ತಿದ್ದರು.
ಟ್ವಿಟರ್‌ನಲ್ಲಿ ಅಭಿಮಾನಿಯೊಬ್ಬರು ʻʻಜವಾನ್ ಒಂದು ಭಾವನಾತ್ಮಕ ಪ್ಯಾಕೇಜ್‌ ಹೊಂದಿದೆ. ನಾನು ನೋಡಿದ ಅತ್ಯುತ್ತಮ ಬಾಲಿವುಡ್ ಮತ್ತು ಪ್ಯಾನ್ ಇಂಡಿಯಾ ಚಲನಚಿತ್ರಗಳಲ್ಲಿ ಇದು ಒಂದಾಗಿದೆ. ಯಾವುದೇ ಬಾಲಿವುಡ್ ಸ್ಟಾರ್ ಕ್ರೇಜ್ ಈ ರೀತಿ ಇದುವರೆಗೆ ನೋಡಿಲ್ಲ. ಜವಾನ್ ಬಾಕ್ಸ್ ಆಫೀಸ್ ನಲ್ಲಿ ಇತಿಹಾಸ ಸೃಷ್ಟಿಸುವುದು ಪಕ್ಕಾʼʼ ಎಂದು ಬರೆದುಕೊಂಡಿದ್ದಾರೆ.
ಮತ್ತೊಬ್ಬರು ʻ ಇಲ್ಲಿಯವರೆಗೆ ಜವಾನ್ ಚಿತ್ರವು ಕ್ಲಾಸ್ ಮತ್ತು ಮಾಸ್ ಪ್ರೇಕ್ಷಕರಿಗಾಗಿ ಎಂದಾಗಿತ್ತು. ದಕ್ಷಿಣ ಭಾರತದ ಮಾಸ್ಸಿ ಫ್ಲೇವರ್ ಮತ್ತು ನಾರ್ತ್ ಇಂಡಿಯನ್ ಕ್ಲಾಸಿ ಫ್ಲೇವರ್ ಇದರಲ್ಲಿದೆʼʼ ಎಂದು ಬಣ್ಣಿಸಿದ್ದಾರೆ.
ʻʻಚಿತ್ರಕಥೆ ಅತ್ಯುತ್ತಮವಾಗಿದೆ. ಭಾವನೆಗಳು ಮತ್ತು ಪಾತ್ರಗಳನ್ನು ಕಟ್ಟಿಕೊಟ್ಟಿರುವುದು ಅದ್ಭುತ. ಇದು ನಿರ್ದೇಶಕ ಅಟ್ಲೀ ಮಾಸ್ಟರ್ ಪೀಸ್ʼʼ ಎಂದು ಇನ್ನೊಬ್ಬರು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: Jawan Movie: ‘ಜವಾನ್’ಗೆ ಉದಯನಿಧಿ ಹೇಳಿಕೆ ಎಫೆಕ್ಟ್! ಶಾರುಖ್ ಸಿನಿಮಾ ಬಾಯ್ಕಾಟ್ ಟ್ರೆಂಡ್ ಅಬ್ಬರ
ಇದು ಮೆಗಾ ಬ್ಲಾಕ್ ಬಸ್ಟರ್‌ ಸಿನಿಮಾ. ಉತ್ತಮ ಆ್ಯಕ್ಷನ್ ಸೀಕ್ವೆನ್ಸ್, ಅದ್ಭುತ ದೃಶ್ಯಗಳು, ಆ್ಯಕ್ಷನ್ ಅವತಾರದಲ್ಲಿ ಶಾರುಖ್ ಅವರನ್ನು ನೀವು ನೋಡಲೇ ಬೇಕು. ನಯನತಾರಾ ಪೋಲೀಸ್ ಪಾತ್ರ ಅದ್ಭುತʼʼ ಎಂದು ಸಿನಿ ಪ್ರೇಮಿಯೊಬ್ಬರು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: AK-47 Rifle: ಮೊದಲ ಮ್ಯಾರೇಜ್ ಆ್ಯನಿವರ್ಸರಿ, ಹೆಂಡತಿಗೆ ಎಕೆ-47 ರೈಫಲ್ ಗಿಫ್ಟ್ ನೀಡಿದ ಟಿಎಂಸಿ ಮಾಜಿ ನಾಯಕ!
ಬೆಂಗಳೂರೊಂದರಲ್ಲೇ ಈ ಚಿತ್ರ 900+ ಶೋ ಪಡೆದುಕೊಂಡಿದೆ. ʼಜವಾನ್’ ಸಿನಿಮಾ ಹಿಂದಿ ವರ್ಷನ್ಗೆ ಬೆಂಗಳೂರಿನಲ್ಲಿ ಸುಮಾರು 750 ಶೋಗಳು ಸಿಕ್ಕಿವೆ! ತೆಲುಗಿನಲ್ಲಿ 41 ಶೋಗಳು ಹಾಗೂ ತಮಿಳು ವರ್ಷನ್ನ 100ಕ್ಕೂ ಅಧಿಕ ಶೋಗಳಿವೆ. ಮುಂಜಾನೆ 6.30ರಿಂದಲೇ ಸಿನಿಮಾ ಪ್ರದರ್ಶನ ಆರಂಭಗೊಂಡಿದೆ. ಮುಂಜಾನೆ ಶೋಗಳ ಟಿಕೆಟ್ಗಳು ಸೋಲ್ಡ್ಔಟ್ ಆಗಿತ್ತು.