ಬೆಂಗಳೂರು : ಶಾರುಖ್ ಖಾನ್ ಫ್ಯಾನ್ಸ್‌ಗೆ ಇದೀಗ ಹೊಸ ಸುದ್ದಿಯೊಂದನ್ನು ನೀಡಿದ್ದಾರೆ. ಹಲವು ದಿನಗಳಿಂದ ಶಾರುಖ್ ಅವರ ಜವಾನ್ ಸಿನಿಮಾದ ಬಗ್ಗೆ ಹಲವು ಊಹಾಪೋಹಗಳಿದ್ದವು. ನಯನತಾರಾ ಅವರೊಂದಿಗೆ ಶಾರುಖ್ ನಟಿಸುತ್ತಿದ್ದಾರಾ? ದ್ವಿಪಾತ್ರದಲ್ಲಿ ಶಾರುಖ್ ಮಿಂಚಲಿದ್ದಾರಾ? ಇದೀಗ ಟೀಸರ್ ಬಿಡುಗಡೆ ಮೂಲಕ ಕುತೂಲಹದ ಕೋಟೆಗೆ ಮತ್ತೊಂದಷ್ಟು ಸೇರಿಸಿದ್ದಾರೆ ಶಾರುಖ್.
ಹೌದು, ಜವಾನ್ ಟೀಸರ್ ಔಟ್‌ ಆಗಿದೆ. ತಮ್ಮ ಹೊಸ ಮುಖದ ಮೂಲಕ ಫ್ಯಾನ್ಸ್ ಮುಂದೆ ಅಚ್ಚರಿ ನೀಡಿದ್ದಾರೆ. ಫುಲ್‌ ಖಡಕ್‌ ಲುಕ್‌ ರಿವೀಲ್‌ ಮಾಡಿದ್ದಾರೆ ಶಾರುಖ್.
ಇದನ್ನೂ ಓದಿ | Jawan: ಡಬಲ್‌ ರೋಲ್‌ನಲ್ಲಿ ಶಾರುಖ್, ನಾಯಕಿಯಾಗಿ ನಯನ ತಾರಾ?
SRK ಮೊದಲ ಪ್ಯಾನ್ ಇಂಡಿಯಾ ಸಿನಿಮಾ
ಶಾರುಖ್ ಖಾನ್ ಅಭಿನಯದ ಮೊದಲ ಪ್ಯಾನ್ ಇಂಡಿಯಾ ಸಿನಿಮಾ ‘ಜವಾನ್’ ಟೀಸರ್ ಬಿಡುಗಡೆಯಾಗಿದ್ದು, ಕನ್ನಡ ಭಾಷೆಗೂ ಸ್ಥಾನ ನೀಡಲಾಗಿದೆ. ಇದರಿಂದ ಕನ್ನಡಿಗರು ಫಿದಾ ಆಗಿದ್ದಾರೆ. ಅಟ್ಲೀ ನಿರ್ದೇಶನದ, ಗೌರಿ ಖಾನ್ ನಿರ್ಮಿಸಿರುವ ಈ ಚಿತ್ರದ ಟೀಸರ್ ಅನ್ನು ಶಾರುಖ್ ಖಾನ್ ಟ್ವೀಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ತಮಿಳು, ತೆಲುಗು, ಹಿಂದಿ, ಮಲಯಾಳಂ ಭಾಷೆಗಳಲ್ಲಿ ರಿಲೀಸ್‌ ಆಗುತ್ತಿದೆ.
ಶಾರುಖ್ ಈ ಮುಂಚೆ ಪ್ಯಾನ್ ಇಂಡಿಯಾ ಸಿನಿಮಾಗೆ ಪ್ರಾಧಾನ್ಯತೆ ನೀಡಿರಲಿಲ್ಲ. ಕೆಜಿಎಫ್‌-2 ಪ್ಯಾನ್ ಇಂಡಿಯಾ ಲೆವೆಲ್‌ನಲ್ಲಿ ಬ್ಲಾಕ್‌ಬಸ್ಟರ್‌ ಆದ ಕಾರಣ ಎಲ್ಲಾ ಚಿತ್ರರಂಗಗಳೂ ಎಚ್ಚೆತ್ತು ಕೊಂಡು ಆ ಕಡೆ ಗಮನ ಹರಿಸುತ್ತಿದ್ದಾರೆ.
ಕಾಪಿ ಮಾಡಿದ್ರಾ SRK?
ಇದರ ಮಧ್ಯೆ ಜವಾನ್ ಸಿನಿಮಾ ಟೀಸರ್ ರಿಲೀಸ್‌ ಆದ ಕೂಡಲೇ, ಶಾರುಖ್ ಅವರ ಲುಕ್‌ ಬಗ್ಗೆ ಸಕತ್‌ ಟ್ರೋಲ್‌ ಆಗುತ್ತಿದೆ. ಅದರಲ್ಲಿಯೂ ಲಿಯಾಮ್ ನೀಸನ್ ಅವರ 1990ರ ಸೂಪರ್‌ ಹೀರೋ ಚಿತ್ರ ಡಾರ್ಕ್ಮ್ಯಾನ್ ಲುಕ್‌ ಕಾಪಿ ಮಾಡಿದ್ದಾರಾ? ಎಂದು ಟ್ವೀಟ್‌ ಮೂಲಕ ಜನರು ಮಾತನಾಡುತ್ತಿದ್ದಾರೆ.
ಜವಾನ್ ಟೀಸರ್ ಹವಾ
ಜೂನ್‌ 3ರಂದು ಟೀಸರ್ ಬಿಡುಗಡೆ ಮಾಡಿದ್ದು, ಶಾರುಖ್ ಇದರಲ್ಲಿ ರಕ್ತ ಸಿಕ್ತವಾದ ದೇಹದೊಂದಿಗೆ, ಬ್ಯಾಂಡೇಜ್ ಮೂಲಕ ಮುಖವನ್ನು ಕವರ್ ಮಾಡಿ, ಭಯಂಕರವಾದ ಲುಕ್‌ನೊಂದಿಗೆ ರಿವೀಲ್‌ ಆಗಿದ್ದಾರೆ. ರೆಡ್‌ ಚಿಲ್ಲೀಸ್‌ ಎಂಟರ್‌ಟೇನ್‌ಮೆಂಟ್‌ ಅನೌನ್ಸ್ ಮಾಡಿದೆ.
ಇದನ್ನೂ ಓದಿ | ಕ್ರೂಸ್‌ನಲ್ಲಿ ಡ್ರಗ್ಸ್‌ ಕೇಸ್‌, ಶಾರುಖ್ ಪುತ್ರ ಆರ್ಯನ್‌ ಖಾನ್‌ಗೆ ಕ್ಲೀನ್‌ ಚಿಟ್‌
ಚಿತ್ರದ ಬಗ್ಗೆ ಮಾತನಾಡಿದ ಶಾರುಖ್ ಖಾನ್’ ʼʼಜವಾನ್ ಒಂದು ಯುನಿವರ್ಸಲ್ ಸ್ಟೋರಿಯಾಗಿದ್ದು, ಎಲ್ಲ ಭಾಗದ ಜನರಿಗೆ ಇಷ್ಟವಾಗುವಂತಹ ಸಿನಿಮಾ. ಸಿನಿಮಾ ಯುನಿಕ್‌ ಆಗಿದ್ದು, ಇಂತಹ ವಿಶೇಷ ಚಿತ್ರದ ಕ್ರೆಡಿಟ್‌ ನಿರ್ದೇಶಕ ಅಟ್ಲಿಗೆ ಸಲ್ಲುತ್ತದೆ. ಸಾಹಸಮಯವಾದ ಸಿನಿಮಾಗಳನ್ನು ಇಷ್ಟಪಡುವ ನನಗೆ ಇದು ಒಂದು ಅದ್ಭುತವಾದ ಸಿನಿಮಾʼʼ ಎಂದು ಹೇಳಿಕೊಂಡಿದ್ದಾರೆ.
ಈ ಕುರಿತಂತೆ ನಿರ್ದೇಶಕ ಅಟ್ಲಿ, ʼʼಜವಾನ್ ಸಿನಿಮಾ ಎಮೋಷನ್, ಡ್ರಾಮಾ, ಎಲ್ಲದರ ಸಮ್ಮಿಶ್ರಣವಾಗಿದೆ. ಪ್ರೇಕ್ಷಕರಿಗೆ ಅಸಾಧಾರಣ ಅನುಭವ ನೀಡಬೇಕೆಂಬುದು ಅಷ್ಟೇ ಮುಖ್ಯʼʼ ಎಂದಿದ್ದಾರೆ.
ಜವಾನ್ ಗೌರಿ ಖಾನ್ ನಿರ್ಮಾಣ ಮಾಡಿರುವುದು ಇನ್ನೂ ವಿಶೇಷ. ತಮ್ಮ ಟ್ವೀಟ್‌ ಮೂಲಕ ಅವರು ಸಂತಸವನ್ನು ವ್ಯಕ್ತಪಡಿಸಿದ್ದಾರೆ.
ಯೋಗಿ ಬಾಬು ಶಾರುಖ್ ಜೊತೆಗೆ ʼಚೆನ್ನೈ ಎಕ್ಸ್‌ಪ್ರೆಸ್‌ʼನಲ್ಲಿ ಸಣ್ಣ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಬಹುನಿರೀಕ್ಷಿತ ಈ ಚಿತ್ರದಲ್ಲಿ ನಟರಾದ ಸನ್ಯಾ ಮಲ್ಹೋತ್ರಾ ಮತ್ತು ಸುನಿಲ್ ಗ್ರೋವರ್ ಕೂಡ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಸಿನಿಮಾ 2 ಜೂನ್‌ 2023ರಲ್ಲಿ ರಿಲೀಸ್‌ ಆಗಲಿದೆ.
ಇದನ್ನೂ ಓದಿ | ಅಕ್ಷಯ್‌, ಅಜಯ್‌ ನಂತರ ಸರ್ಕಾರದತ್ತಲೇ ತಿರುಗಿದ ʼವಿಮಲ್‌ʼ ಬಾಣ