ಬೆಂಗಳೂರು: ಹಾಲಿವುಡ್ನ ಅತ್ಯಂತ ಜನಪ್ರಿಯ ಗಾಯಕಿ, ಸಂಗೀತಜ್ಞೆ ಜೆನ್ನಿಫರ್ ಲೊಪೇಜ್ರ (Jennifer Lopez) ಹೊಸ ಮ್ಯೂಸಿಕ್ ಆಲ್ಬಂ ‘ದಿಸ್ ಈಸ್ ಮಿ ನೌ: ಎ ಲವ್ ಸ್ಟೋರಿ’ (This is me… Now)ಯಲ್ಲಿ ಸದ್ಗುರು ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಜೆನ್ನಿಫರ್ ಲೋಪೆಜ್ ಅವರ ಒಂಬತ್ತನೇ ಸ್ಟುಡಿಯೋ ಆಲ್ಬಮ್ ಇದು. ಇದು ಶುಕ್ರವಾರ (ಫೆ.16) ಬಿಡುಗಡೆಯಾಗಿದೆ. ಭಾರದಿಂದ ಅದೆಷ್ಟೋ ನಟ ನಟಿಯರು ಹಾಲಿವುಡ್ ಸಾಂಗ್‌ಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಇರ್ಫಾನ್ ಖಾನ್, ನಾಸಿರುದ್ದೀನ್‌ ಶಾ, ಐಶ್ವರ್ಯಾ ರೈ , ಪ್ರಿಯಾಂಕಾ ಚೋಪ್ರಾ, ದೀಪಿಕಾ ಪಡುಕೋಣೆ, ಆಲಿಯಾ ಭಟ್, ಧನುಶ್ ಇನ್ನೂ ಹಲವು ನಟರು ನಟಿಸಿದ್ದಾರೆ. ಇದೀಗ ಭಾರತದ ಜನಪ್ರಿಯ ಆಧ್ಯಾತ್ಮಿಕ ಗುರು ಜಗ್ಗಿ ವಾಸುದೇವ್ ಹಾಲಿವುಡ್ನ ಆಲ್ಬಂ ಕಾಣಿಸಿಕೊಂಡಿದ್ದಾರೆ.
ಒಬ್ಬರು ಟ್ವೀಟ್‌ ಮಾಡಿ ʻʻಓಹ್ ವಾವ್!. ಸದ್ಗುರು ಹಾಲಿವುಡ್ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಇತರ ಹಾಲಿವುಡ್ ತಾರೆಯರ ಜೊತೆಯಲ್ಲಿ ಅವರ ಪಾತ್ರವನ್ನು ನೋಡುವುದು ತುಂಬಾ ರೋಮಾಂಚನಕಾರಿಯಾಗಿದೆʼʼಎಂದು ಬರೆದುಕೊಂಡಿದ್ದಾರೆ.
ಲೋಪೆಜ್ ಈ ಆಲ್ಬಂಗಾಗಿ ಸುಮಾರು 20 ಶತಕೋಟಿ ಖರ್ಚು ಮಾಡಿದ್ದಾರೆ ಎಂದು ವರದಿಯಾಗಿದೆ. ನುಯೋರಿಕನ್ ಪ್ರೊಡಕ್ಷನ್ಸ್ (Nuyorican Productions) ಮತ್ತು BMG ರೈಟ್ಸ್ ಮ್ಯಾನೇಜ್‌ಮೆಂಟ್‌ ಸಹಕಾರವಿದೆ. ಇದಕ್ಕೂ ಮುಂಚೆ, ಫೆಬ್ರವರಿ 13 ರಂದು, ಗಾಯಕಿ ʻದಿಸ್ ಈಸ್ ಮಿʼ ಸಾಂಗ್‌ನ ಪೋಸ್ಟರ್‌ ಲುಕ್‌ ಹಂಚಿಕೊಂಡಿದ್ದರು.
ಇದನ್ನೂ ಓದಿ: Rama Mandir: ರಾಮಮಂದಿರ ಉದ್ಘಾಟನೆಗೆ ಆಹ್ವಾನ ಬಂದಿದೆ, ಆದ್ರೆ ಹೋಗಲಾಗುತ್ತಿಲ್ಲ: ಸದ್ಗುರು
Oh wow! #Sadhguru appeared in the Hollywood movie, 'This is Me… Now'. It's so exciting to see his role alongside other Hollywood stars. 🙌✨🤩
— Puru Singh (@Puru_here) February 16, 2024
"You Shall Always Be Loved" ❤️🙏
Watch the full movie here- https://t.co/y6yUHwpkT3 #ThisIsMeNow #JenniferLopez pic.twitter.com/gxIws4UJYT
ಸದ್ಗುರು ಶಾಶಲ್ಯವನ್ನು ಸುತ್ತಿಕೊಂಡು, ಪೇಟವೊಂದನ್ನು ತೊಟ್ಟುಕೊಂಡು ಕಾಣಿಸಿಕೊಂಡಿದ್ದಾರೆ. ಆದರೆ ಬೇರೆ ನಟರು ಬೇರೆ ಉಡುಪಿನಲ್ಲಿ ಕಂಡಿದ್ದಾರೆ. ಸದ್ಗುರು ಕೆಲವು ಡೈಲಾಗ್‌ಗಳನ್ನು ಹೊಡೆದಿದ್ದಾರೆ. ಖ್ಯಾತ ಬಾಹ್ಯಾಕಾಶ ವಿಜ್ಞಾನಿ ನೀಲ್ ಡಿಗ್ರೆಸ್ ಸಹ ಸದ್ಗುರು ಜತೆ ನಟಿಸಿದ್ದಾರೆ.