ಬೆಂಗಳೂರು: ಆರ್ಆರ್ಆರ್ ಸಿನಿಮಾ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಇತಿಹಾಸವನ್ನು ಸೃಷ್ಟಿಸಿದೆ. ಇದು ಪ್ರತಿಯೊಬ್ಬ ಭಾರತೀಯನಿಗೂ ಹೆಮ್ಮೆಯ ಕ್ಷಣವಾಗಿದೆ. ಈ ಪ್ರಯಾಣವನ್ನು ಒಟ್ಟಿಗೆ ಪ್ರಾರಂಭಿಸಿದ ರಾಮ್ ಚರಣ್ ಮತ್ತು ಜ್ಯೂನಿಯರ್‌ ಎನ್ಟಿಆರ್ (Junior NTR) ಪರಸ್ಪರ ದೂರವಾಗುತ್ತಿದ್ದಾರೆ ಎನ್ನಲಾಗುತ್ತಿದೆ. ಮಾರ್ಚ್ 27 ರಂದು 38ನೇ ವರ್ಷಕ್ಕೆ ಕಾಲಿಟ್ಟ ರಾಮ್ ಚರಣ್ ತಮ್ಮ ಪತ್ನಿ ಉಪಾಸನಾ ಅವರೊಂದಿಗೆ ಹೈದರಾಬಾದ್‌ನಲ್ಲಿ ಅದ್ಧೂರಿಯಾಗಿ ಹುಟ್ಟುಹಬ್ಬವನ್ನು ಆಯೋಜಿಸಿದ್ದರು. ಎನ್ಟಿಆರ್ ಹೊರತುಪಡಿಸಿ ತೆಲುಗು ಇಂಡಸ್ಟ್ರಿಯ ಪ್ರತಿಯೊಬ್ಬ ಗಣ್ಯರು ಉಪಸ್ಥಿತರಿದ್ದರು. ಆದರೆ ಜ್ಯೂನಿಯರ್‌ ಎನ್ಟಿಆರ್ ಅನುಪಸ್ಥಿತಿಯು ಟಾಲಿವುಡ್‌ ಚಿತ್ರರಂಗದಲ್ಲಿ ಸಖತ್‌ ಸುದ್ದಿಯಾಗುತ್ತಿದೆ. ಅವರ ಸ್ನೇಹವು ಅಂದುಕೊಂಡಷ್ಟು ಬಲವಾಗಿಲ್ಲ ಎಂದು ವದಂತಿಗಳು ಹಬ್ಬಿವೆ.
ಮಾಧ್ಯಮವೊಂದು ಈ ಬಗ್ಗೆ ವರದಿ ಮಾಡಿದೆ. “ಇಬ್ಬರ ನಡುವಿನ ಬಿರುಕು ಗಂಭೀರವಾಗಿದೆ. ಆರ್ಆರ್ಆರ್ ಅನುಭವ, ವಿಶೇಷವಾಗಿ ಆಸ್ಕರ್‌ಗೆ ಮುನ್ನ ಅಮೆರಿಕಾದಲ್ಲಿ ಚಿತ್ರದ ಪ್ರಚಾರದ ಕಾರಣದಿಂದಲೇ ಎನ್ಟಿಆರ್ ಮತ್ತು ರಾಮ್ ಚರಣ್‌ರಣ್‌ ನಡುವೆ ಬಿರುಕು ಮೂಡಿದೆ. ರಾಮ್ ಚರಣ್ ಮಾತ್ರ ಎಲ್ಲರ ಗಮನ ಸೆಳೆಯುತ್ತಿದ್ದಾರೆ ಎಂದು ಎನ್ಟಿಆರ್ ಭಾವಿಸಿದ್ದರು. ಈ ಕಾರಣದಿಂದಾಗಿಯೇ ರಾಮ್ ಚರಣ್ ಅವರ ಹುಟ್ಟುಹಬ್ಬದ ಸಂಭ್ರಮದಲ್ಲಿ ಎನ್ಟಿಆರ್ ಭಾಗಿಯಾಗಿಲ್ಲʼʼಎಂದು ವರದಿ ಮಾಡಿದೆ.
ಪತ್ನಿ ಲಕ್ಷ್ಮಿ ಪ್ರಣತಿ ಹುಟ್ಟುಹಬ್ಬದ ಸೆಲೆಬ್ರೆಷನ್‌ನಲ್ಲಿ ಜ್ಯೂನಿಯರ್‌ ಎನ್ಟಿಆರ್
ಇನ್ನೊಂದು ಮೂಲಗಳ ಪ್ರಕಾರ ಜ್ಯೂನಿಯರ್‌ ಎನ್ಟಿಆರ್ ತಮ್ಮ ಪತ್ನಿ ಲಕ್ಷ್ಮಿ ಪ್ರಣತಿ ಅವರ ಹುಟ್ಟುಹಬ್ಬದ ಸಂದರ್ಭದಲ್ಲಿ ಮಾರ್ಚ್ 26ರಂದು ಪಾರ್ಟಿಯನ್ನು ಆಯೋಜಿಸಿದ್ದರು. ಸೆಲೆಬ್ರೆಷನ್‌ ಫೋಟೊಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್‌ ಆಗಿದೆ. ರಾಮ್ ಚರಣ್ ಮತ್ತು ಜ್ಯೂನಿಯರ್‌ ಎನ್ಟಿಆರ್ ಅವರ ಪತ್ನಿಯ ಜನ್ಮದಿನಗಳು ಒಂದು ದಿನದ ಅಂತರದಲ್ಲಿವೆ. ಹೀಗಾಗಿ ನಟ ಭಾಗಿಯಾಗಿಲ್ಲ ಎಂತಲೂ ಹೇಳಲಾಗುತ್ತಿದೆ.
ರಾಮ್ ಚರಣ್ ಹಾಗೂ ಜ್ಯೂನಿಯರ್‌ ಎನ್ಟಿಆರ್ ನಡುವೆ ಅವರ ಭಿನ್ನಾಭಿಪ್ರಾಯ ಮೂಡಿದೆಯೇ ಎನ್ನುವ ಅಧಿಕೃತ ಮಾಹಿತಿ ಇಲ್ಲ. ಜ್ಯೂನಿಯರ್‌ ಎನ್ಟಿಆರ್ ಯಾಕೆ ಭಾಗಿಯಾಗಿಲ್ಲ ಎಂಬದು ನಟ ಸ್ಪಷ್ಟನೆ ನೀಡಬೇಕಿದೆ.
ಇದನ್ನೂ ಓದಿ: Junior NTR: ಪತ್ನಿ ಲಕ್ಷ್ಮಿ ಪ್ರಣತಿ ಜನುಮದಿನಕ್ಕೆ ಸ್ಪೆಷಲ್‌ ಫೋಟೊ ಮೂಲಕ ವಿಶ್‌ ಮಾಡಿದ ಜ್ಯೂ. ಎನ್ಟಿಆರ್
ಹೇಗಿತ್ತು ರಾಮ್‌ಚರಣ್‌ ಬರ್ತ್‌ಡೇ ಪಾರ್ಟಿ?
ರಾಮ್‌ಚರಣ್‌ ಮತ್ತು ಉಪಾಸನಾ ತಮ್ಮ ಮೊದಲನೇ ಮಗುವಿನ ಆಗಮನದ ನಿರೀಕ್ಷೆಯಲ್ಲಿದ್ದಾರೆ. ಗರ್ಭಿಣಿಯಾಗಿರುವ ಉಪಾಸನಾ ಪಾರ್ಟಿಗೆ ನೀಲಿ ಬಣ್ಣದ ಡ್ರೆಸ್‌ ಹಾಗೂ ಅದಕ್ಕೆ ಸರಿಹೊಂದುವಂತಹ ಫ್ಲಾಟ್‌ ಸ್ಲಿಪ್ಪರ್‌ ಧರಿಸಿ ಬಂದಿದ್ದರು. ರಾಮ್‌ಚರಣ್‌ ಕಪ್ಪು ಪ್ಯಾಂಟ್‌, ಶರ್ಟ್‌ ಮತ್ತು ಶೂನಲ್ಲಿ ಮಿಂಚುತ್ತಿದ್ದರು. ಈ ಜೋಡಿಯ ವಿಡಿಯೊವನ್ನು ಬಾಲಿವುಡ್‌ನ ಮಾಧ್ಯಮಗಳು ಹಂಚಿಕೊಂಡಿವೆ. ಅದಕ್ಕೆ ಆರ್ಆರ್ಆರ್ ಅಭಿಮಾನಿಗಳು, ರಾಮ್‌ಚರಣ್‌ ಅಭಿಮಾನಿಗಳು ಕಾಮೆಂಟ್‌ಗಳ ಸುರಿಮಳೆ ಸುರಿಸಿದ್ದಾರೆ. “ಜೂ.ರಾಮ್‌ಚರಣ್‌ ಬರುತ್ತಿದ್ದಾರೆ”, “ಮುದ್ದಾದ ಜೋಡಿ”, “ಮೇಡ್‌ ಫಾರ್‌ ಈಚ್‌ ಅದರ್‌” ಎನ್ನುವಂತಹ ಹಲವಾರು ಕಮೆಂಟ್‌ಗಳು ಬಂದಿವೆ.
ರಾಮ್‌ಚರಣ್‌ ಬರ್ತ್‌ಡೇ ಪಾರ್ಟಿಗೆ ಆರ್ಆರ್ಆರ್ ನಿರ್ದೇಶಕ ಎಸ್‌.ಎಸ್‌.ರಾಜಮೌಳಿ, ಸಿನಿಮಾದ ಸಂಗೀತ ನಿರ್ದೇಶಕ ಎಂ.ಎಂ.ಕೀರವಾಣಿ, ನಟ ವಿಜಯದೇವರಕೊಂಡ, ನಾಗಾರ್ಜುನ, ನಾಗಚೈತನ್ಯ, ಅಖಿಲ್‌ ಅಕ್ಕಿನೇನಿ, ನಾಗ ಬಾಬು ಸೇರಿದಂತೆ ಅನೇಕ ಪ್ರಮುಖರು ಆಗಮಿಸಿದ್ದರು.
ಈ ಹಿಂದೆ ಪತಿಯ ಬರ್ತ್‌ಡೇ ಪ್ರಯುಕ್ತ ಉಪಾಸನಾ ಅವರು ವಿಶೇಷ ಫೋಟೊ ಹಂಚಿಕೊಂಡು ವಿಶ್‌ ಮಾಡಿದ್ದರು. ತನ್ನ ತೊಡೆ ಮೇಲೆ ರಾಮ್‌ಚರಣ್‌ ಕುಳಿತಿರುವ ಹಾಗೂ ರಾಮ್‌ಚರಣ್‌ ಹೆಗಲಿಗೆ ತಾವು ಒರಗಿರುವ ಎರಡು ಫೋಟೊಗಳನ್ನು ಹಂಚಿಕೊಂಡಿದ್ದ ಅವರು, “ಹ್ಯಾಪಿ ಬರ್ತ್‌ಡೇ ಬೆಸ್ಟೀ” ಎಂದು ಬರೆದುಕೊಂಡಿದ್ದರು. ಹಾಗೆಯೇ ರಾಮ್‌ಚರಣ್‌ ಅವರ ತಂದೆ ಚಿರಂಜೀವಿ ಕೂಡ ಮಗನ ಫೋಟೊ ಹಂಚಿಕೊಂಡು ಶುಭ ಹಾರೈಸಿದ್ದರು.