ಬೆಂಗಳೂರು: ಬಾಲಿವುಡ್ ಬೋಲ್ಡ್ ನಟಿ ಕಂಗನಾ ರಣಾವತ್ (Kangana Ranaut) ನಟಿಸಿ ನಿರ್ದೇಶಿಸುತ್ತಿರುವ ʻಎಮರ್ಜೆನ್ಸಿʼ(emergency) ಸಿನಿಮಾದ ಫಸ್ಟ್ ಲುಕ್ ಬಿಡುಗಡೆಯಾಗಿ ಮೆಚ್ಚುಗೆಗೆ ಪಾತ್ರವಾಗಿದೆ. ನೆಟ್ಟಿಗರು ಕಂಗನಾ ರಿಯಲ್‌ ಇಂದಿರಾ ಗಾಂಧಿ ತರ ಕಾಣುತ್ತಿದ್ದಾರೆ ಎಂದು ಕಮೆಂಟ್‌ ಮಾಡುತ್ತಿದ್ದಾರೆ.
ಇದೀಗ ಖ್ಯಾತ ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ಅವರು ಕಂಗನಾ ಕುರಿತು ಟ್ವೀಟ್‌ ಮಾಡಿ ಗಮನ ಸೆಳೆದಿದ್ದಾರೆ. ಈ ಟ್ವೀಟ್‌ ಈಗ ಸಖತ್‌ ಟ್ರೆಂಡಿಂಗ್‌ನಲ್ಲಿದೆ. ಕಂಗನಾ ಫ್ಯಾನ್ಸ್‌ ಖುಷ್‌ ಆಗಿದ್ದಾರೆ.
ಕಂಗನಾ ಹಾಗೂ ಇಂದಿರಾ ಗಾಂಧಿ ನಡುವೆ ಸಾಮ್ಯತೆ ಇದೆ ಎಂದು ರಾಮ್ ಗೋಪಾಲ್ ವರ್ಮಾ ಟ್ವೀಟ್‌ ಮೂಲಕ ತಿಳಿಸಿದ್ದಾರೆ. 1984ರಲ್ಲಿ ನಡೆದ ಇಂದಿರಾ ಗಾಂಧಿ ಅವರ ಸಂದರ್ಶನದ ವಿಡಿಯೊವನ್ನು ತಮ್ಮ ಟ್ವಿಟರ್‌ ಖಾತೆಯಲ್ಲಿ ಕಂಗನಾಗೆ ಟ್ಯಾಗ್ ಮಾಡಿದ್ದಾರೆ. ಕಂಗನಾ ಅವರು ರಾಮ್ ಗೋಪಾಲ್ ವರ್ಮಾರ ಈ ಮೆಚ್ಚುಗೆಯ ಮಾತಿಗೆ ಕೃತಜ್ಞತೆ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ | Dhaakad | ಸಿನಿಮಾ ಸೋತಿದೆ ಎಂದು ಚುಚ್ಚು ಮಾತನಾಡಿದವರು ಪೆಚ್ಚಾಗುವಂತೆ ಪ್ರತ್ಯುತ್ತರ ಕೊಟ್ಟ ಕಂಗನಾ!
ಈ ಹಿಂದೆ ಚಿತ್ರತಂಡ ಅನುಪಮ್‌ ಖೇರ್‌ ಅವರ ಲುಕ್ ಅನ್ನು ಬಿಡುಗಡೆಗೊಳಿಸಿತ್ತು. ʻದಿ ಕಾಶ್ಮೀರ್‌ ಫೈಲ್ಸ್‌ʼ ಸಿನಿಮಾದಲ್ಲಿ ಅನುಪಮ್‌ ಅವರು ಕಾಶ್ಮೀರಿ ಪಂಡಿತನ ಪಾತ್ರ ನಿಭಾಯಿಸಿ ಸುದ್ದಿಯಲ್ಲಿದ್ದರು. ಇದೀಗ ಎಮರ್ಜೆನ್ಸಿ ಸಿನಿಮಾದಲ್ಲಿ ಕೂಡ ವಿಭಿನ್ನ ಪಾತ್ರಗಳ ಮೂಲಕ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರದಲ್ಲಿ ಜಯಪ್ರಕಾಶ್‌ ನಾರಾಯಣ್‌ ಪಾತ್ರವನ್ನು ಅವರು ಮಾಡುತ್ತಿದ್ದಾರೆ. ಈ ಚಿತ್ರ ಅನುಪಮ್‌ ಖೇರ್‌ ಅವರ 527ನೇ ಸಿನಿಮಾ ಎನ್ನುವುದು ಮತ್ತೊಂದು ವಿಶೇಷ.
ಈಗಾಗಲೇ ಈ ಸಿನಿಮಾದ ಚಿತ್ರೀಕರಣ ಶುರುವಾಗಿದೆ. ಈ ಚಿತ್ರದಲ್ಲಿ ಕಂಗನಾ ನಟನೆ ಮಾತ್ರವಲ್ಲ, ನಿರ್ದೇಶಕಿಯ ಹೊಣೆಯನ್ನೂ ಹೊತ್ತಿದ್ದಾರೆ. ಕಂಗನಾ ರಣಾವತ್ ಅವರಿಗೆ ಇತ್ತೀಚಿನ ದಿನಗಳಲ್ಲಿ ಹೇಳುವಷ್ಟು ಗೆಲುವು ಸಿಕ್ಕಿರಲಿಲ್ಲ. ಸಿನಿಮಾಗಿಂತಲೂ ವಿವಾದದ ಸುದ್ದಿಯಲ್ಲಿಯೇ ಹೆಚ್ಚಾಗಿ ಸದ್ದು ಮಾಡುತ್ತಿದ್ದರು ಕಂಗನಾ. ʻಮೆಂಟಲ್‌ ಹೈ ಕ್ಯಾʼ, ʻಪಂಗಾʼ, ʻತಲೈವಿʼ ಮತ್ತು ʻಧಾಕಡ್‌ʼ ಸಿನಿಮಾಗಳಲ್ಲಿ ಕಂಗನಾ ಸೋತಿದ್ದಾರೆ. ಆದರೆ, ಇಲ್ಲಿ ಗೆಲ್ಲಲೇಬೇಕು ಎನ್ನುವ ಛಲ ಅವರದಾಗಿದೆ.
ಇದನ್ನೂ ಓದಿ | Emergency Teaser | ಇಂದಿರಾ ಗಾಂಧಿ ಲುಕ್‌ನಲ್ಲಿ ಖಡಕ್‌ ಆಗಿ ಮಿಂಚಿದ ಕಂಗನಾ, ಅವರೇ ನಾಯಕಿ, ಅವರೇ ನಿರ್ದೇಶಕಿ