ಬೆಂಗಳೂರು: ಕನ್ನಡದ ರಾಮಚಾರಿ 2.0 (Ramachari 2.0) ಸಿನಿಮಾ ಬಿಡುಗಡೆಯಾಗಿ ಒಂದು ವಾರ ಯಶಸ್ವಿ ಪ್ರದರ್ಶನ ಕಂಡಿದೆ. ಆ ಹಿನ್ನೆಲೆಯಲ್ಲಿ ಸಿನಿಮಾ ತಂಡ ಶುಕ್ರವಾರದಂದು ಸಿನಿಮಾದ ಸಕ್ಸೆಸ್ ಪಾರ್ಟಿ ಮಾಡಿದೆ. ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಸಿನಿಮಾದ ನಟ, ನಿರ್ದೇಶಕ ಹಾಗೂ ಕಥೆಗಾರ ತೇಜ್‌ ಅವರು, “20 ವರ್ಷಗಳ ಕಾಲದಿಂದ ಪರಿಶ್ರಮ ಪಟ್ಟಿದ್ದರ ಪ್ರತಿಫಲ ಈ ರಾಮಚಾರಿ 2.0 ಸಿನಿಮಾ. ನಮ್ಮ ಇಂಡಸ್ಟ್ರಿಯಲ್ಲಿ ಎಲ್ಲರೂ ಒಳ್ಳೆಯವರೇ ಇರುವುದರಿಂದಾಗಿ ಸಿನಿಮಾ ಯಶಸ್ಸು ಸಾಧ್ಯವಾಗಿದೆ” ಎಂದು ಹೇಳಿದ್ದಾರೆ.
ಸಿನಿಮಾಕ್ಕೆ ಬಂಡವಾಳ ಸುರಿದಿರುವ ಶಶಿಧರ್‌ ಅವರು ಮಾತನಾಡಿದ್ದು, “ನಾನು ಈ ಸಿನಿಮಾದಲ್ಲಿ ಬಂಡವಾಳ ಹೂಡುವುದರ ಜತೆ ನಟನೆಯನ್ನೂ ಮಾಡಿದ್ದೇನೆ. ಇದರ ಜತೆಯಲ್ಲಿ ವೀರಂ ಸಿನಿಮಾಕ್ಕೂ ಬಂಡವಾಳ ಹೂಡಿದ್ದು, ಅದೂ ಕೂಡ ಬಿಡುಗಡೆಯಾಗಿದೆ. ಆದರೆ ಹೆಚ್ಚು ಜನರು ನನಗೆ ಕರೆ ಮಾಡಿ ರಾಮಚಾರಿ 2.0 ಸಿನಿಮಾದ ಬಗ್ಗೆಯೇ ಪ್ರಶಂಶಿಸುತ್ತಿದ್ದಾರೆ” ಎಂದು ಹೇಳಿದ್ದಾರೆ. ಹಾಗೆಯೇ ನಿರ್ದೇಶನ ಮತ್ತು ನಟನೆ ಎರಡೂ ವಿಚಾರದಲ್ಲಿ ತೇಜ್‌ ಅವರು ತಮ್ಮ ಅತ್ಯದ್ಭುತ ಪ್ರತಿಭೆಯನ್ನು ತೋರಿಸಿದ್ದಾರೆ ಎಂದು ಹೇಳಿದ್ದಾರೆ.
ಇದನ್ನೂ ಓದಿ: KGF 3 Movie : ಕೆಜಿಎಫ್ 2ಗೆ ಒಂದು ವರ್ಷ, ಕೆಜಿಎಫ್ 3 ಸಿನಿಮಾ ಪಕ್ಕಾ! ಸುಳಿವು ಬಿಟ್ಟು ಕೊಟ್ಟ ಹೊಂಬಾಳೆ ಫಿಲಂಸ್
ಈ ಸಿನಿಮಾಕ್ಕೆ ಪೆಂಟಗನ್‌ ಚಿತ್ರದ ಡಿಸ್ಟ್ರಿಬ್ಯೂಟರ್‌ ಬೆಂಬಲ ನೀಡಿದ್ದಾರೆ. ರಾಮಚಾರಿ 2.9 ಸಕ್ಸಸ್‌ ಬೆನ್ನಲ್ಲೇ ತೇಜ್‌ ಅವರು ಮೂರು ಹೊಸ ಸಿನಿಮಾಗಳನ್ನು ಘೋಷಿಸಿದ್ದಾರೆ. ಗಾಡ್‌, ಆಟೋ ರಾಜ ರಿಟರ್ನ್ಸ್‌ ಹಾಗೂ ಮತ್ತೊಂದು ಸಿನಿಮಾ ಶೀಘ್ರವೇ ಸೆಟ್ಟೇರಲಿದೆ ಎಂದು ಅವರು ಮಾಹಿತಿ ಕೊಟ್ಟಿದ್ದಾರೆ.