ಬೆಂಗಳೂರು : ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುವ ಜೊತೆಜೊತೆಯಲಿ ಧಾರಾವಾಹಿ ಟೈಟಲ್‌ ಟ್ರ್ಯಾಕ್‌ ನೋಡುಗರ ಮನ ಗೆದ್ದಿತ್ತು. ಮಿಲಿಯನ್‌ ವೀಕ್ಷಣೆ ಕಂಡ ಈ ಹಾಡಿಗೆ ಭಾರಿ ಮೆಚ್ಚುಗೆ ವ್ಯಕ್ತವಾಗಿತ್ತು. ಈ ಹಾಡನ್ನು ಬರೆದ ಹರ್ಷಪ್ರಿಯಾ ಸಿನಿಮಾ ಡೈರೆಕ್ಟ್ ಮಾಡಲು (Kannada New Film) ಮುಂದಾಗಿದ್ದಾರೆ. ಇವರ ಮೂಲ ಹೆಸರು ರಾಜು.
ಪುಟ್ಟಕ್ಕನ ಮಕ್ಕಳು, ಮಹಾನಾಯಕ, ಕಿನ್ನರಿ ಹೀಗೆ 25ಕ್ಕೂ ಹೆಚ್ಚು ಧಾರಾವಾಹಿಗಳಿಗೆ ಟೈಟಲ್‌ ಟ್ರ್ಯಾಕ್‌ ಬರೆದಿದ್ದಾರೆ. ಧಾರಾವಾಹಿ ಜತೆ ಸಿನಿಮಾಗಳಲ್ಲಿಯೂ ಕೆಲಸ ಮಾಡಿದ್ದು, ಕಿಚ್ಚ ಸುದೀಪ್‌ ಅಭಿನಯದ ಹೆಬ್ಬುಲಿ ಚಿತ್ರದ ದೇವರೆ ಹಾಡನ್ನು ಹರ್ಷಪ್ರಿಯಾ ಬರೆದಿದ್ದಾರೆ. ಈ ಹಿಂದೆ ನವೀನ್ ಕೃಷ್ಣ ಅಭಿನಯದ ಧಿಮಾಕು ಚಿತ್ರಕ್ಕೂ ಹರ್ಷಪ್ರಿಯಾ ಹಾಡು ಬರೆದಿದ್ದರು.
ಇದನ್ನೂ ಓದಿ | Kannada New Film | ಪ್ರಮೋದ್‌ ನಟನೆಯ ಬಾಂಡ್‌ ರವಿ ಟೀಸರ್‌ ರಿಲೀಸ್‌!
ಹರ್ಷಪ್ರಿಯಾ ಸಿನಿ ರಂಗಕ್ಕೆ ಮೊದಲ ಹೆಜ್ಜೆ ಇಟ್ಟಿದ್ದು ʻʻಹೆಜ್ಜಾರುʼʼ ಎನ್ನುವ ವಿಶೇಷ ಶೀರ್ಷಿಕೆ ಇಟ್ಟಿದ್ದಾರೆ. 1965, 1995, 2020 ಹೀಗೆ ಮೂರು ಕಾಲಘಟ್ಟದ ಕಥಾ ಹಂದರ ಹೊಂದಿದೆ ಎಂದು ಚಿತ್ರತಂಡ ಹೇಳಿಕೊಂಡಿದೆ. ಅಭಿ ಆಳ್ವಾ ಇದೇ ಮೊದಲ ಬಾರಿಗೆ ನಾಯಕರಾಗಿ ನಟಿಸುತ್ತಿದ್ದು, ಲಿಯೋನಿಲ್ಲ ಶ್ವೇತಾ ಡಿಸೋಜಾ ಈ ಚಿತ್ರದ ನಾಯಕಿಯಾಗಿ ಆಯ್ಕೆ ಆಗಿದ್ದಾರೆ. ಚಿತ್ರದ ಚಿತ್ರೀಕರಣ ಪೂರ್ಣಗೊಂಡಿದ್ದು, ಹಾಡಿನ ಚಿತ್ರೀಕರಣ ಬಾಕಿ ಇದೆ ಎಂದು ಚಿತ್ರತಂಡ ಹೇಳಿಕೊಂಡಿದೆ. ರಾಮ್‌ ಜಿ ಈ ಸಿನಿಮಾ ನಿರ್ಮನ ಮಾಡುತ್ತಿದ್ದು, ನೆಗೆಟಿವ್‌ ಪಾತ್ರದಲ್ಲಿ ನಟ, ನಿರ್ದೇಶಕ ನವೀನ್ ಕೃಷ್ಣ ಕಾಣಿಸಿಕೊಳ್ಳುತ್ತಿದ್ದಾರೆ.
ಇದನ್ನೂ ಓದಿ | Kannada New Film | ʻಕಂಬ್ಳಿಹುಳʼ ಟ್ರೈಲರ್‌ ರಿಲೀಸ್‌ ಮಾಡಿದ ಗೃಹ ಸಚಿವ ಆರಗ ಜ್ಞಾನೇಂದ್ರ!