ಬೆಂಗಳೂರು: ಇದೇ ಅಕ್ಟೋಬರ್ 15ರಂದು ಬೆಳಗಾವಿ ನಗರದಲ್ಲಿ (Kannada New Movie) ಇನಾಮ್ದಾರ ( Inamdar Movie) ಚಿತ್ರದ ಚೆಂದಾನೆ.. ಚೆಂದಾನೇ ಹಾಡು ಬಿಡುಗಡೆಯಾಗಲಿದೆ. ಬೆಳಗಾವಿ ನಗರದ ಸರ್ದಾರ ಮೈದಾನದಲ್ಲಿ ಕಾರ್ಯಕ್ರಮ ನೆರವೇರಲಿದೆ. ಒಂದು ವಿಶೇಷ ಕಥೆಯನ್ನು ಆಧರಿಸಿ ಜನಾಂಗೀಯ ಹೋರಾಟದ ಕಲ್ಪನೆಯೊಂದಿಗೆ ಎರಡು ವರ್ಣಗಳ ನಡುವಿನ ಸಂದೇಶವನ್ನು ಹೊತ್ತು ತರುತ್ತಿದೆ ಇನಾಮ್ದಾರ.
ಈಗಾಗಲೇ ಸಿನಿಮಾದ ಸಿಲ್ಕು.. ಸಿಲ್ಕು, ಮಿಲ್ಕು ಪಡ್ಡೆ ಹುಡುಗರ ನಿದ್ದೆಗೆಡೆಸಿದೆ. ಅಕ್ಟೋಬರ್ 27ಕ್ಕೆ ಚಿತ್ರತಂಡ ಬಿಡುಗಡೆಗೆ ಸಿದ್ಧತೆ ನಡೆಸಿದ್ದು, ಅ.15ರಂದು ಇದೇ ಚಿತ್ರದ ಇನ್ನೊಂದು ಸಾಂಗ್ ಚೆಂದಾನೆ.. ಚೆಂದಾನೇ ಧ್ವನಿ ಸುರುಳಿ ಬಿಡುಗಡೆಯಾಗಲಿದೆ. ಈ ಹಾಡಿಗೆ ನಕುಲ್ ಅಭಯಂಕರ್ ಅವರ ಸಂಗೀತ ನಿರ್ದೇಶನವಿದ್ದು, ಪ್ರಮೋದ್ ಮರವಂತೆ ಅವರ ಸಾಹಿತ್ಯ ಇದೆ.
ನಕುಲ್ ಅಭಯಂಕರ ಮತ್ತು ರಮ್ಯಾ ಭಟ್ ಧ್ವನಿ ಇದೆ. ಚಿತ್ರದ ನಾಯಕ ನಟ ರಂಜನ್ ಛತ್ರಪತಿ ಈ ಸಿನಿಮಾ ಮೂಲಕ ಸ್ಯಾಂಡಲ್‌ವುಡ್‌ಗೆ ಎಂಟ್ರಿ ಕೊಟ್ಟಿದ್ದಾರೆ. ಸಂದೇಶ್ ಶೆಟ್ಟಿ ಆಜ್ರಿ ಅವರ ನಿರ್ದೇಶನ ಸಿನಿಮಾಕ್ಕಿದೆ. ಈ ಸಿನಿಮಾದಲ್ಲಿ ಒಟ್ಟೂ ನಾಲ್ಕು ಹಾಡುಗಳಿವೆ. ಈಗಾಗಲೇ ಬೆಳಗಾವಿಯಲ್ಲಿ ಬಿಡುಗಡೆಗೊಳ್ಳಲಿರುವ ಚೆಂದಾನೆ.. ಚೆಂದಾನೇ ಸಾಂಗ್ ಝಲಕ್ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಹವಾ ಸೃಷ್ಟಿಸಿದೆ. ಇತ್ತೀಚೆಗಷ್ಟೇ ಪಂಚಭಾಷೆಯಲ್ಲಿ ಇನಾಮ್ದಾರ ಚಿತ್ರದ ಟ್ರೈಲರ್‌ ಲಾಂಚ್ ಮಾಡಿದ್ದು, ಸೋಶಿಯಲ್ ಮಿಡಿಯಾದಲ್ಲಿ ಟ್ರೆಂಡ್ ಆಗಿದೆ.
ಇದನ್ನೂ ಓದಿ: Kannada New Movie: ರಿಲೀಸ್‌ಗೆ ರೆಡಿಯಾಗಿದೆ ಕಪ್ಪು- ಬಿಳುಪಿನ ಕಥೆಯ ವರ್ಣರಂಜಿತ ಸಿನಿಮಾ!
ಈ ಚಿತ್ರವನ್ನು ಪ್ರಮೋದ್ ಶೆಟ್ಟಿ ನಿರ್ಮಿಸಿದ್ದಾರೆ. ಚಿತ್ರದ ನಾಯಕಿಯಾಗಿ ಕುಡ್ಲದ ಬೆಡಗಿ, ನಗುಮೊಗದ ಸುಂದರಿ, ಈಗಾಗಲೇ ಕನ್ನಡ, ತುಳು, ತಮಿಳು ಸಿನಿಮಾದಲ್ಲಿ ನಾಯಕಿಯಾಗಿ ಗುರುತಿಸಿಕೊಂಡಿರುವ ಚಿರಶ್ರೀ ಅಂಚನ್ ನಾಯಕಿ. ಮುರುಳಿ ಛಾಯಾಗ್ರಹಣ ಇದೆ. ಪ್ರಮೋದ್ ಶೆಟ್ಟಿ, ಥ್ರಿಲ್ಲರ್ ಮಂಜು, ಶರತ್ ಲೋಹಿತಾಶ್ವ, ಅವಿನಾಶ, ಎಂ.ಕೆ. ಮಠ, ಕಾಂತಾರ ಖ್ಯಾತಿಯ ನಾಗರಾಜ್ ಬೈಂದೂರು, ಪ್ರಶಾಂತ ಸಿದ್ಧಿ, ರಗೂ ಪಾಂಡೇಶ್ವರ, ಕರಣ್ ಕುಂದರ್, ಯಶ್ ಆಚಾರ್ಯ, ಹಾಲಂಬಿ ಸೇರಿದಂತೆ ಹಲವರಿದ್ದಾರೆ. ಚಿತ್ರಕ್ಕೆ ಆರ್.ಕೆ. ಮಂಗಳೂರ, ಸನತ್ ಉಪ್ಪುಂದ, ಅನೀಶ್ ಡಿಸೋಜಾ, ನಾಗೇಶ್ ಸೇರಿ ಹಲವರ ಸಹಕಾರವಿದೆ.