ಬೆಂಗಳೂರು: 13 ವರ್ಷಗಳ ಬಳಿಕ ಅವತಾರ್- 2 ಸಿನಿಮಾ (Avatar: The Way of Water) ತೆರೆ ಕಾಣುತ್ತಿದೆ. ‘ಅವತಾರ್’ ಟೈಟಲ್ ಮೂಲಕವೇ ಇಡೀ ಜಗತ್ತಿನ ಗಮನ ಸೆಳೆದಿತ್ತು ಈ ಸಿನಿಮಾ. ಅದರಲ್ಲೂ ಕೋಟಿ ಕೋಟಿ ಭಾರತೀಯರಿಗೆ ‘ಅವತಾರ್’ ಎಂಬ ಹೆಸರು ಸಾಕಷ್ಟು ಹತ್ತಿರವಾಗಿತ್ತು. ಅವತಾರ್-2 ಟ್ರೈಲರ್‌ ಬಿಡುಗಡೆಗೊಂಡಿದೆ. ಪ್ರೇಕ್ಷಕರು ಟ್ರೈಲರ್‌ ನೋಡಿ ಥ್ರಿಲ್‌ ಆಗಿದ್ದಾರೆ. ಕನ್ನಡಿಗರು ಮಾತ್ರ ಅವತಾರ್ ಚಾಪ್ಟರ್‌-2 ಬಗ್ಗೆ ಸೋಷಿಯಲ್‌ ಮೀಡಿಯಾ ಮೂಲಕ ಆಕ್ರೋಶ ಹೊರ ಹಾಕಿದ್ದಾರೆ. ಡಿಸೆಂಬರ್ 16ರಂದು ಅವತಾರ್-2 ತೆರೆ ಕಾಣಲಿದೆ.
ಅವತಾರ್ 2 ಟ್ರೈಲರ್‌ ಬಿಡುಗಡೆಗೊಂಡಿದ್ದು, ಜೇಮ್ಸ್‌ ಕ್ಯಾಮೆರಾನ್‌ ಕಲ್ಪನೆಯನ್ನು ನೋಡುಗರು ಮೆಚ್ಚಿಕೊಂಡಿದ್ದಾರೆ. ಟ್ರೈಲರ್‌ ತೆಲುಗು, ತಮಿಳು ಹಾಗೂ ಮಲಯಾಳಂನಲ್ಲಿ ಬಿಡುಗಡೆಗೊಂಡಿದ್ದು, ಕನ್ನಡದಲ್ಲಿ ಮಾತ್ರ ರಿಲೀಸ್‌ ಆಗಿಲ್ಲ ಎಂದು ನೆಟ್ಟಿಗರು ಆಕ್ರೋಶ ಹೊರ ಹಾಕಿದ್ದಾರೆ. ʻʻಕನ್ನಡಿಗರು ಅಂದರೆ ಅಸಡ್ಡೆ ಯಾಕೆ?ʼʼಎಂದು ಟ್ವೀಟ್‌ ಮೂಲಕ ಅವತಾರ್-2 ಸಿನಿಮಾ ಬಗ್ಗೆ ಕಿಡಿ ಕಾರಿದ್ದಾರೆ.
ಇದನ್ನೂ ಓದಿ | Avatar 2 | ಗಲ್ಲಾಪೆಟ್ಟಿಗೆ ನಡುಗಿಸಲು ಬರಲಿದ್ದಾನೆ ಹಾಲಿವುಡ್ ಬಾಕ್ಸ್‌ಆಫೀಸ್ ಡಾನ್ ‘ಅವತಾರ್’
ಈಗಾಗಲೇ ಕನ್ನಡ ಸಿನಿಮಾಗಳಾದ ಕೆಜಿಎಫ್‌, 777 ಚಾರ್ಲಿ, ಕಾಂತಾರ, ವಿಕ್ರಾಂತ್‌ ರೋಣ, ವಿಶ್ವ ಮಟ್ಟದಲ್ಲಿ ಸದ್ದು ಮಾಡಿದೆ. ಹೀಗಿದ್ದರೂ ಅವತಾರ-2 ಟ್ರೈಲರ್‌ ರಿಲೀಸ್‌ ಮಾಡುವಾಗ ಕನ್ನಡ ನೆನಪಾಗಲಿಲ್ಲವೇ? ಎಂದು ಪ್ರಶ್ನೆ ಮಾಡಿದ್ದಾರೆ.
ಸೋಷಿಯಲ್‌ ಮೀಡಿಯಾದಲ್ಲಿ ಕನ್ನಡಿಗರು ಅವತಾರ್-2 ಬಗ್ಗೆ ಕಿಡಿಕಾರಿದ್ದು ʻʻಒಂದು ವೇಳೆ ಕನ್ನಡದಲ್ಲಿ ಅವತಾರ್-2 ರಿಲೀಸ್‌ ಆಗಿಲ್ಲ ಎಂದರೆ ಸಿನಿಮಾ ನೋಡುವುದಿಲ್ಲ. ಕನ್ನಡದಲ್ಲಿ ಡಬ್‌ ಮಾಡಬೇಕೆಂದು ಮನವಿ ಮಾಡುತ್ತಿದ್ದೇವೆ. ನೋ ಕನ್ನಡ, ನೋ ಬ್ಯುಸಿನೆಸ್‌ ಎಂಬ ಪಾಠವನ್ನು ಕಲಿಸಬೇಕಾದಿತುʼʼಎಂದು ಟ್ವೀಟ್‌ ಮೂಲಕ ಬರೆದುಕೊಂಡಿದ್ದಾರೆ.
ನಮ್ಮ ನೆಲದ ಹೆಸರಿನ ಸಿನಿಮಾ ಹಾಲಿವುಡ್ ಅಂಗಳದಲ್ಲಿ ಅಬ್ಬರಿಸುತ್ತಿದೆ ಎಂಬುದೇ ಖುಷಿಯ ಸಮಾಚಾರ. ಹೀಗಿರುವಾಗ ‘ಅವತಾರ್-1’ ಬಾಕ್ಸ್ ಆಫೀಸ್ನಲ್ಲಿ ಹೊಸ ದಾಖಲೆ ಸೃಷ್ಟಿಸಿತ್ತು. ಆಗಿನ ಕಾಲಕ್ಕೆ ₹20 ಸಾವಿರ ಕೋಟಿಗೂ ಹೆಚ್ಚು ಹಣ ಬಾಚಿತ್ತು. ಈ ಪೈಕಿ ಅವತಾರ್-3, 2024ರ ಡಿಸೆಂಬರ್ 20ರಂದು ರಿಲೀಸ್‌ ಆದರೆ, 2026ರ ಡಿಸೆಂಬರ್ 18ಕ್ಕೆ ಅವತಾರ್-4 ಹಾಗೂ 2028ರ ಡಿಸೆಂಬರ್ 22ರಂದು ಅವತಾರ್ ಪಾರ್ಟ್ 5 ರಿಲೀಸ್‌ ಆಗಲಿದೆ.
ಇದನ್ನೂ ಓದಿ | Avatar Box Office | ಬಾಕ್ಸ್ ಆಫೀಸ್ ಅಖಾಡದಲ್ಲಿ ಮತ್ತೆ ಗುಡುಗಿದ ಅವತಾರ್-1