ನವದೆಹಲಿ: ನಟಿ ಕರೀನಾ ಕಪೂರ್ ಅವರಂತೆ (Kareena Kapoor) ಕಾಣುವ ಹುಡುಗಿಯೊಬ್ಬಳ ರೀಲ್ಸ್‌ ಇದೀಗ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗುತ್ತಿದೆ. ಬಜರಂಗಿ ಭಾಯಿಜಾನ್ ಚಿತ್ರದ ಚಿಕನ್ ಕುಕ್ ಡು ಕು ಹಾಡಿಗೆ ನೃತ್ಯ ಮಾಡುವ ವಿಡಿಯೊವನ್ನು ಕರೀನಾರಂತೆ ಕಾಣುವ ಅಸ್ಮಿತಾ ಶೇರ್‌ ಮಾಡಿಕೊಂಡಿದ್ದಾರೆ. ಇಷ್ಟೂ ದಿನ ಅಸ್ಮಿತಾ ಅಷ್ಟಾಗಿ ಖ್ಯಾತಿ ಗಳಿಸರಲಿಲ್ಲ. ಇದೀಗ ಕರೀನಾ ರೀತಿ ಕಾಣಿಸುತ್ತಾರೆ ಎಂಬ ಕಾರಣಕ್ಕೆ ನಟಿಯನ್ನು ಸಖತ್‌ ಟ್ರೋಲ್‌ ಮಾಡುತ್ತಿದ್ದಾರೆ ನೆಟ್ಟಿಗರು. ಕರೀನಾ ಪತಿ ಸೈಫ್ ಅವರೂ ಟ್ರೋಲ್‌ಗೆ ಗುರಿಯಾಗಿದ್ದಾರೆ.
ಯುವತಿಯು ಕರೀನಾ ಅವರ ರೀತಿಯೇ ಕಾಣಿಸಿಕೊಂಡಿದ್ದಾರೆ. ಡಾರ್ಕ್ ಐ ಮೇಕಪ್‌ನಲ್ಲಿ ಕೂದಲನ್ನು ಹಿಂದಕ್ಕೆ ಕಟ್ಟಿಕೊಂಡು, ಮೋಹಿತ್ ಚೌಹಾಣ್ ಮತ್ತು ಪಾಲಕ್ ಮುಚ್ಚಲ್ ಅವರು ಹಾಡಿದ ಚಿಕನ್ ಕುಕ್-ಡೂ-ಕೂ ಹಾಡಿಗೆ ಲಿಪ್ ಸಿಂಕ್ ಮಾಡಿದ್ದಾರೆ. ಒಬ್ಬ ಅಭಿಮಾನಿ, “ಸೈಫ್ ಕೂಡ ಈಗ ಗೊಂದಲಕ್ಕೊಳಗಾಗುತ್ತಾರೆ” ಎಂದು ಬರೆದಿದ್ದಾರೆ. ಇನ್ನೊಬ್ಬರು, ನೀವು ನಿಜವಾಗಿಯೂ ಕರೀನಾ ಅವರಂತೆ ಕಾಣುತ್ತೀರಿ” ಎಂದು ಮತ್ತೊಬ್ಬ ಅಭಿಮಾನಿ ಹಂಚಿಕೊಂಡಿದ್ದಾರೆ. ಅಸ್ಮಿತಾ ಅವರನ್ನೇನಾದರೂ ಸೈಫ್ ಅಲಿ ಎದುರಿಗೆ ನೋಡಿದರೆ ಅಸ್ಮಿತಾ ಕಥೆ ಅಷ್ಟೇ ಎಂದು ಕಾಲೆಳೆಯುತ್ತಿದ್ದಾರೆ. ಕರೀನಾ ಪತಿ ಸೈಫ್ ಅಲಿ ಖಾನ್ ಕೂಡ ಗೊಂದಲಕ್ಕೊಳಗಾಗುವ ಎಲ್ಲಾ ಸಾಧ್ಯತೆ ಇದೆ ಎಂದಿರುವ ಟ್ರೋಲಿಗರು, ಕರೀನಾಗೆ ಹೇಗೂ ವಯಸ್ಸಾಗಿದೆ ಎಂದು ಮತ್ತಷ್ಟು ತಮಾಷೆ ಮಾಡುತ್ತಿದ್ದಾರೆ.
ಇದನ್ನೂ ಓದಿ: Kareena Kapoor: 14 ವರ್ಷಗಳ ನಂತರ ಕರೀನಾ ಕಪೂರ್ ಅಭಿನಯದ ʻ3 ಈಡಿಯಟ್ಸ್‌ನʼ ಲುಕ್ ಟೆಸ್ಟ್ ಫೋಟೊಗಳು ವೈರಲ್‌!
ಕರೀನಾ ಪ್ರಸ್ತುತ ಆಫ್ರಿಕಾದಲ್ಲಿ ತನ್ನ ಕುಟುಂಬದೊಂದಿಗೆ ವಕೇಶನ್‌ ಮೂಡ್‌ನಲ್ಲಿದ್ದಾರೆ. ಅವರ ಟಾಕ್ ಶೋ ವಾಟ್ ವುಮೆನ್ ವಾಂಟ್‌ನ ನಾಲ್ಕನೇ ಸೀಸನ್ ಈಗಾಗಲೇ ಶುರು ಮಾಡಿದ್ದಾರೆ. ಕರೀನಾ ಕಪೂರ್ ಕೊನೆಯದಾಗಿ 2022 ರ ಲಾಲ್ ಸಿಂಗ್ ಚಡ್ಡಾ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು. ಚಿತ್ರದಲ್ಲಿ ಆಮೀರ್ ಖಾನ್ ಪ್ರಮುಖ ಪಾತ್ರದಲ್ಲಿದ್ದರು. ಇತ್ತೀಚೆಗೆ, ಅವರು ನಿರ್ದೇಶಕ ಹನ್ಸಲ್ ಮೆಹ್ತಾ ಅವರ ಮುಂಬರುವ ಚಿತ್ರದ ಚಿತ್ರೀಕರಣವನ್ನು ಪೂರ್ಣಗೊಳಿಸಿದರು. ಕರೀನಾ ಮಾರ್ಚ್‌ನಲ್ಲಿ ‘ದಿ ಕ್ರ್ಯೂ’ ಚಿತ್ರದ ಚಿತ್ರೀಕರಣವನ್ನು ಪ್ರಾರಂಭಿಸಲಿದ್ದಾರೆ, ಕೃತಿ ಸನೋನ್ ಮತ್ತು ಟಬು ಕೂಡ ನಟಿಸಿದ್ದಾರೆ.