ಬೆಂಗಳೂರು: ‘ಕಾಫಿ ವಿತ್ ಕರಣ್ 8′ ನಲ್ಲಿ ಸಾರಾ ಅಲಿ ಖಾನ್ (Sara Ali Khan) ಹಾಗೂ ಅನನ್ಯಾ ಪಾಂಡೆ ಅತಿಥಿಗಳಾಗಿ ಭಾಗಿಯಾಗಿದ್ದರು. ಇದೇ ವೇಳೆ ಸಾರಾ ʻʻನಾನು ಕಾರ್ತಿಕ್ ಆರ್ಯನ್ ಜತೆ ಬ್ರೇಕಪ್ ಮಾಡಿಕೊಂಡಿದ್ದೇನೆ. ನಾವಿಬ್ಬರೂ ಈಗ ಬೆಸ್ಟ್ ಫ್ರೆಂಡ್ಸ್, ಪ್ರೇಮಿಗಳಲ್ಲʼʼ ಎಂದಿದ್ದಾರೆ ಸಾರಾ. ʻʻಯಾವುದೇ ಸಂಬಂಧವಾಗಿರಲಿ ಅವರ ಜತೆ ಸಾಕಷ್ಟು ಹಂಚಿಕೊಂಡಿರುತ್ತೇವೆ. ಅಂಥವರ ಜತೆ ಸಂಬಂಧ ಮುರಿದುಕೊಂಡಾಗ ಸಹಜವಾಗಿ ಬೇಸರವಾಗುತ್ತದೆ ಎಂದುʼʼ ಕಾರ್ತಿಕ್ ಜತೆಗಿನ ಬ್ರೇಕಪ್ ಬಗ್ಗೆ ಸಾರಾ ಪ್ರತಿಕ್ರಿಯೆ ನೀಡಿದ್ದರು.
ಇದಾದ ಒಂದು ದಿನದ ನಂತರ, ಸಾರಾ ಆಯೋಜಿಸಿದ್ದ ದೀಪಾವಳಿ ಪಾರ್ಟಿಯಲ್ಲಿ ಕಾರ್ತಿಕ್ ಆರ್ಯನ್ ಭಾಗಿಯಾಗಿದ್ದಾರೆ. ಪಾರ್ಟಿಗೆ ಆಗಮಿಸಿದ ನಟನ ಹಲವಾರು ಫೋಟೊಗಳು ಮತ್ತು ವಿಡಿಯೊಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿವೆ.
ಸಾರಾ ಅಲಿ ಖಾನ್ ಅವರ ದೀಪಾವಳಿ ಪಾರ್ಟಿಯಲ್ಲಿ ಕಾರ್ತಿಕ್ ಆರ್ಯನ್!
ಸಾರಾ ಅಲಿ ಖಾನ್ ಮತ್ತು ಅನನ್ಯಾ ಪಾಂಡೆ ಇತ್ತೀಚೆಗೆ ಕಾಫಿ ವಿತ್ ಕರಣ್ ಸೀಸನ್ 8ರಲ್ಲಿ ಕಾಣಿಸಿಕೊಂಡರು. ಅಲ್ಲಿ ಅವರು ತಮ್ಮ ವೈಯಕ್ತಿಕ ಮತ್ತು ವೃತ್ತಿಪರ ಜೀವನದ ಬಗ್ಗೆ ಮನಬಿಚ್ಚಿ ಮಾತನಾಡಿದರು. ಇದಾದ ಬಳಿಕ ಸಾರಾ ಕೂಡ ಕಾರ್ತಿಕ್ ಆರ್ಯನ್ ಜತೆ ಬ್ರೇಕಪ್ ಮಾಡಿಕೊಂಡಿದ್ದೇನೆ. ನಾವಿಬ್ಬರೂ ಈಗ ಬೆಸ್ಟ್ ಫ್ರೆಂಡ್ಸ್, ಪ್ರೇಮಿಗಳಲ್ಲ ಎಂದಿದ್ದಾರೆ. ಒದಾದ ಮರುದಿನವೇ ಸಾರಾ ದೀಪಾವಳಿ ಪಾರ್ಟಿಯನ್ನು ಆಯೋಜಿಸಿದರು. ಅದರಲ್ಲಿ ಕಾರ್ತಿಕ್ ಭಾಗವಹಿಸಿದ್ದರು. ಅನನ್ಯಾ ಪಾಂಡೆ ಕೂಡ ಗೆಳೆಯ ಆದಿತ್ಯ ರಾಯ್ ಕಪೂರ್ ಜತೆ ಪಾರ್ಟಿಯಲ್ಲಿ ಭಾಗವಹಿಸಿದ್ದರು. ವೈರಲ್ ವೀಡಿಯೊದಲ್ಲಿ ಹಳದಿ ಕುರ್ತಾ ಪೈಜಾಮಾದಲ್ಲಿ ಕಾರ್ತಿಕ್ ಆರ್ಯನ್ ಆಗಮಿಸುತ್ತಿರುವುದು ಕಾಣಬಹುದು. ಕಾರ್ತಿಕ್ ಪಾರ್ಟಿಯ ಸ್ಥಳಕ್ಕೆ ಪ್ರವೇಶಿಸುವ ಮೊದಲು ಫೋಟೊಗಳಿಗೆ ಪೋಸ್ ನೀಡಿದರು.
ಇದನ್ನೂ ಓದಿ: Sara Ali Khan : ಬಾಂದ್ರಾದ ರಸ್ತೆ ಬದಿ ಅಂಗಡಿಗಳಲ್ಲಿ ಶಾಪಿಂಗ್‌ ಮಾಡಿದ ನಟಿ ಸಾರಾ! ವೈರಲ್ ಆಯ್ತು ವಿಡಿಯೊ
2020ರಲ್ಲಿ ತೆರೆ ಕಂಡ ʻಲವ್ ಆಜ್ ಕಲ್ʼ ಸಿನಿಮಾದಲ್ಲಿ ಈ ಜೋಡಿ ಒಟ್ಟಿಗೆ ಕಾಣಿಸಿಕೊಂಡಿತ್ತು. ಬಳಿಕ ಇಬ್ಬರೂ ಸ್ವಲ್ಪ ಸಮಯದವರೆಗೆ ಸಂಬಂಧದಲ್ಲಿದ್ದರು. 2018ರಲ್ಲಿ ಕೇದರನಾಥ್ ಸಿನಿಮಾ ಮೂಲಕ ಅಭಿಮಾನಿಗಳ ಮುಂದೆ ಬಂದ ಸಾರಾ ಕೆಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಆದರೆ ಯಾವ ಸಿನಿಮಾಗಳು ಸಕ್ಸೆಸ್‌ ಕಂಡಿಲ್ಲ. ಕೊನೆಯದಾಗಿ ಸಾರಾ ಅಕ್ಷಯ್ ಕುಮಾರ್ ಮತ್ತು ಧನುಷ್ ಅತ್ರಂಗಿ ರೇ ಸಿನಿಮಾ ಮೂಲಕ ಅಭಿಮಾನಿಗಳ ಮುಂದೆ ಬಂದಿದ್ದರು. ಈ ಸಿನಿಮಾ ಕೂಡ ಬಾಕ್ಸ್ ಆಫೀಸ್ ನಲ್ಲಿ ಹೀನಾಯ ಸೋಲು ಕಂಡಿತು.