ಬೆಂಗಳೂರು: ಚಂದನವನದ ಕ್ರೇಜಿ ಸ್ಟಾರ್‌ ರವಿಚಂದ್ರನ್ ಅವರ ಜನುಮದಿನದ ಅಂಗವಾಗಿ ನಟಿ ಖುಷ್ಬೂ ಸರ್‌ಪ್ರೈಸ್‌ (Khushbu Sundar) ನೀಡಿದ್ದಾರೆ. 80ರ ದಶಕದಲ್ಲಿ ಮೋಡಿ ಮಾಡಿರುವ ಜೋಡಿ ಇದೀಗ ಮತ್ತೆ ಸುದ್ದಿಯಲ್ಲಿದೆ. ರವಿಚಂದ್ರನ್, ಕನ್ನಡ ಸಿನಿಮಾರಂಗದಲ್ಲಿ ಅನೇಕ ನಟಿಯರನ್ನ ಪರಿಚಯಿಸಿದ್ದಾರೆ. ಖುಷ್ಬೂ ಅವರನ್ನು ಕನ್ನಡ ಚಿತ್ರರಂಗಕ್ಕೆ ಕರೆತಂದವರು ಇವರೇ. ಇವತ್ತಿಗೂ ಕನಸುಗಾರ ರವಿಚಂದ್ರನ್ ಅವರನ್ನು ಖುಷ್ಬೂ ನೆನಪಿಸಿಕೊಳ್ಳುತ್ತಿರುತ್ತಾರೆ. ಇದೀಗ ನಟಿ ರಣಧೀರ ಸಿನಿಮಾದ “ಪ್ರೀತಿ ಮಾಡಬಾರದು” ಹಾಡಿಗೆ ರೀಲ್ಸ್‌ ಮಾಡಿದ್ದಾರೆ.
ಹಂಸಲೇಖ ಅವರ ಸಂಗೀತ ಮತ್ತು ಸಾಹಿತ್ಯದ ರಣಧೀರ ಸಿನಿಮಾದ “ಪ್ರೀತಿ ಮಾಡಬಾರದು” ಹಾಡು ಈಗ ಮತ್ತೆ ನೆನಪಾಗಿದೆ. ಆ ನೆನಪಲ್ಲಿಯೇ ನಟಿ ಖುಷ್ಬೂ ವಿಡಿಯೊ ಮಾಡಿದ್ದಾರೆ. ನಟಿ ಖುಷ್ಬೂ ಈಗಲೂ ರಣಧೀರ ಚಿತ್ರದ ಆ ದಿನಗಳನ್ನ ನೆನಪಿನಲ್ಲಿಟ್ಟುಕೊಂಡಿದ್ದಾರೆ. ರವಿಚಂದ್ರನ್ ಜನುಮದಿನದ ಹಿನ್ನೆಲೆಯಲ್ಲಿ ಈ ವಿಡಿಯೊ ಮೂಲಕವೇ ಖುಷ್ಬೂ, ತಮ್ಮ ನೆಚ್ಚಿನ ನಾಯಕ ನಟನಿಗೆ ಹುಟ್ಟುಹಬ್ಬದ ಶುಭಾಷಯ ತಿಳಿಸಿದ್ದಾರೆ.
ವಿಡಿಯೊ ಪೋಸ್ಟ್‌ ಮಾಡಿ ʻʻಈ ವಿಡಿಯೊ ಎಲ್ಲ ರಣಧೀರ ಅಭಿಮಾನಿಗಳಿಗೆ. ರವಿಚಂದ್ರನ್ ನನ್ನನ್ನು ಕನ್ನಡಕ್ಕೆ ಪರಿಚಯಿಸಿದರು. ನನಗೆ ಲಕ್ಷಾಂತರ ಅಭಿಮಾನಿಗಳನ್ನು ನೀಡಿದರು .ಅಪಾರ ಮೆಚ್ಚುಗೆಯನ್ನು ಕೊಟ್ಟವರು. ಈ ಪ್ರೀತಿ ಪದಗಳಲ್ಲಿ ವಿವರಿಸಲಾಗುತ್ತಿಲ್ಲ. ಇದಕ್ಕಾಗಿ ನಾನು ಕನ್ನಡ ಪ್ರೇಕ್ಷಕರಿಗೆ ಯಾವಾಗಲೂ ಋಣಿಯಾಗಿರುತ್ತೇನೆ. ನಮ್ಮ ನೆಚ್ಚಿನ ರವಿಚಂದ್ರನ್ ಸರ್ ಅವರ ಜನುಮದಿನಕ್ಕೆ ಈ ಸ್ಪೆಷಲ್‌ ಗಿಫ್ಟ್‌ʼʼ ಎಂದು ಖುಷ್ಬೂ ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: Khushbu Sundar: ಅಮ್ಮನ ಘನತೆಗೆ ಧಕ್ಕೆ ತರುತ್ತಿದ್ದೀರಿ ಎಂದು ಖುಷ್ಬೂ ಮಗಳಿಗೆ ನೆಟ್ಟಿಗರ ಕ್ಲಾಸ್‌
ಖುಷ್ಬೂ ಪೋಸ್ಟ್‌
ರಣಧೀರ ಮೂಲಕ ಕನ್ನಡ ಜನತೆಗೆ ಪರಿಚಯವಾದ ಖುಷ್ಬೂ, ರವಿಚಂದ್ರನ್ ಜತೆಗೆ ʻಅಂಜದ ಗಂಡುʼ ಸಿನಿಮಾ ಮಾಡಿದ್ದರು. ಇದಾದ ಮೇಲೆ ʻಯುಗಪುರುಷʼ ಸಿನಿಮಾದಲ್ಲೂ ಖುಷ್ಬೂ ಇದ್ದರು. ʻಶಾಂತಿ ಕ್ರಾಂತಿʼ ಸಿನಿಮಾದಲ್ಲೂ ಖುಷ್ಬೂ ನಟಿಸಿದ್ದರು.