ಬೆಂಗಳೂರು: ಕರೀನಾ ಕಪೂರ್ ನಟನೆಯ ಹಿಟ್‌ ಚಿತ್ರ ʻಕಭಿ ಖುಷಿ ಕಭಿ ಗಮ್ʼ (Khushi Kabhie Gham) 22 ವರ್ಷಗಳನ್ನು ಪೂರೈಸಿದರೂ ಸಿನಿಪ್ರಿಯರಿಗೆ ಈ ಸಿನಿಮಾ ಮೇಲಿನ ಕ್ರೇಜ್‌ ಮಾತ್ರ ಕಡಿಮೆಯಾಗಿಲ್ಲ. ಈ ಸಿನಿಮಾದಲ್ಲಿ ಬಾಲನಟಿಯಾಗಿ ಮಿಂಚಿದ್ದ ಮಾಳವಿಕಾ ರಾಜ್ ( Malvika Raaj) ಇದೀಗ ದಾಂಪತ್ಯ ಜೀವನಕ್ಕೆ ಕಾಲಿಡುತ್ತಿದ್ದಾರೆ. ಸಿನಿಮಾದಲ್ಲಿ ಪೂಜಾ ಶರ್ಮಾ ಪಾತ್ರ ನಿಭಾಯಿಸಿದ್ದ ಮಾಳವಿಕಾ ಇದೀಗ ಮತ್ತೆ ಸುದ್ದಿಯಾಗಿದ್ದಾರೆ.
ʻಕಭಿ ಖುಷಿ ಕಭಿ ಗಮ್ʼ ಚಿತ್ರದಲ್ಲಿ ಪೂಜಾ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ನಟಿ ಮಾಳವಿಕಾ ಪ್ರಿಯಕರನೊಂದಿಗೆ ಕೆಲವೇ ದಿನಗಳಲ್ಲಿ ಸಪ್ತಪದಿ ತುಳಿಯಲು ತಯಾರಾಗಿದ್ದಾರೆ. ಇದಕ್ಕೆ ಸಾಕ್ಷಿ ಎಂಬಂತೆ ತಮ್ಮ ದೀರ್ಘಕಾಲದ ಪ್ರಿಯಕರ ಹಾಗೂ ಉದ್ಯಮಿ ಪ್ರಣವ್ ಬಗ್ಗಾ( Pranav Bagga)ರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ.
ಪ್ರಣವ್ ಬಗ್ಗಾ ಜತೆಗಿರುವ ಫೋಟೊ ಹಂಚಿಕೊಂಡಿರುವ ನಟಿ “ಸುದೀರ್ಘ ಸಮಯದ ಬಳಿಕ ನಮ್ಮ ಪಾಲಿನ ಈ ಸುಂದರ ಕ್ಷಣ ಬಂದಿದೆ. ಈ ಬಾಂಧವ್ಯದಿಂದ ನಾವು ಮತ್ತುಷ್ಟು ಗಟ್ಟಿಯಾಗಿದ್ದು, ಶೀಘ್ರದಲ್ಲೇ ಹೊಸ ಜಗತ್ತಿಗೆ ಪ್ರವೇಶ ಮಾಡಲಿದ್ದೇವೆ” ಎಂದು ಬರೆದುಕೊಂಡಿದ್ದಾರೆ.
ಮಾಳವಿಕಾ ಬಿಳಿ ಗೌನ್‌ನಲ್ಲಿ ಅದ್ಭುತವಾಗಿ ಕಂಡಿದ್ದಾರೆ. ಪ್ರಣವ್ ಬಿಳಿ ಸೂಟ್‌ನಲ್ಲಿ ಮಿಂಚಿದ್ದಾರೆ. ಒಂದು ಫೋಟೊದಲ್ಲಿ ಪ್ರಣವ್ ಅವರು ಮಾಳವಿಕಾರ ಹಣೆಯನ್ನು ಚುಂಬಿಸಿದ್ದರೆ, ಇನ್ನೊಂದು ಫೋಟೊದಲ್ಲಿ ಪ್ರಪೋಸ್‌ ಮಾಡುತ್ತಿರುವ ಫೋಟೊ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: Kangana Ranaut : ಪ್ರಿಯಾಂಕಾ ಭಾರತ ಬಿಟ್ಟು ಹೋಗುವುದಕ್ಕೆ ಕರಣ್‌ ಜೋಹರ್ ಕಾರಣ ಎಂದ ಕಂಗನಾ!
ʻಕಭಿ ಖುಷಿ ಕಭಿ ಗಮ್ʼ ಚಿತ್ರದಲ್ಲೇ ಖ್ಯಾತಿಗಳಿಸಿದ ನಟಿ ಮಾಳವಿಕಾ ಚಿತ್ರರಂಗದ ಕುಟುಂಬದಿಂದ ಬಂದವರು. ಇವರ ತಂದೆ ಬಾವಿ ರಾಜ್ ಬಾಲಿವುಡ್‌ ಚಿತ್ರರಂಗದ ಪ್ರಸಿದ್ದ ನಿರ್ಮಾಪಕರಿದ್ದರು. ಹಿರಿಯ ನಟ ಜಗದೀಶ್‌ ರಾಜ್ ಅವರ ಮೊಮ್ಮಗಳಾದ ಇವರು, ಹಿರಿಯ ನಟಿ ಅನಿತಾ ರಾಜ್ ಅವ ಸೊಸೆ ಕೂಡ ಹೌದು. ನಟಿ ಮಾಳವಿಕಾ. ಸ್ಕ್ವಾಡ್‌, ಕ್ಯಾಪ್ಟನ್‌ ನವಾಬ್‌, ಜೈದೇವ್‌ ಸೇರಿದಂತೆ ಹಲವಾರು ಚಿತ್ರಗಳಲ್ಲಿ ಯುವ ನಟಿಯಾಗಿ ಮಿಂಚಿದ್ದರು.
ಇದನ್ನೂ ಓದಿ: DK Shivakumar: ʻಬೊಂಬಾಟ್ ಭೋಜನʼದಲ್ಲಿ ಆತ್ಮೀಯ ಸ್ನೇಹಿತ ಸಿಹಿಕಹಿ ಚಂದ್ರು ಅಡುಗೆ ಸವಿದ ಡಿ.ಕೆ ಶಿವಕುಮಾರ್
2001ರಲ್ಲಿ ಬಿಡುಗಡೆಗೊಂಡ ಈ ಚಿತ್ರ ಇಂದಿಗೂ ಸೂಪರ್‌ಹಿಟ್‌ ಫ್ಯಾಮಿಲಿ ಎಂಟರ್‌ಟೈನ್‌ಮೆಂಟ್‌ ಚಿತ್ರವಾಗಿದೆ. ಕರಣ್‌ ಜೋಹರ್ ನಿರ್ದೇಶನದಲ್ಲಿ ಮೂಡಿ ಬಂದ ಈ ಚಿತ್ರದಲ್ಲಿ ಅಮಿತಾಭ್‌ ಬಚ್ಚನ್‌, ಜಯಾ ಬಚ್ಚನ್‌, ಶಾರುಖ್‌ ಖಾನ್‌, ಕಾಜೋಲ್‌, ಹೃತಿಕ್‌ ರೋಷನ್‌, ಕರೀನಾ ಕಪೂರ್ ಸೇರಿದಂತೆ ಮುಂತಾದ ಹಿರಿಯ ನಟರು ನಟಿಸಿದ್ದರು.