ಬೆಂಗಳೂರು: ಕ್ರಿಸ್ಮಸ್ (Merry Christmas 2023) ಸಂಭ್ರಮದ ಹಬ್ಬ. ಈ ದಿನ ಹಲವಾರು ಬಾಲಿವುಡ್‌ ಸೆಲೆಬ್ರಿಟಿಗಳು ಅದ್ಧೂರಿಯಾಗಿ ಕ್ರಿಸ್ಮಸ್ ಹಬ್ಬವನ್ನು ಆಚರಿಸಿದ್ದಾರೆ. ಮುಖ್ಯವಾಗಿ ಆಲಿಯಾ ದಂಪತಿ ಮತ್ತು ಕಿಯಾರಾ ದಂಪತಿಗಳ ಫೋಟೊಗಳು ವೈರಲ್‌ ಆಗಿವೆ.
ಆಲಿಯಾ ಭಟ್ ಈ ಬಾರಿ ಕುಟುಂಬದ ಜತೆ ಕ್ರಿಸ್ಮಸ್ ದಿನವನ್ನು ಆದ್ಧೂರಿಯಾಗಿ ಆಚರಿಸಿದ್ದಾರೆ. ತಂದೆ ಮಹೇಶ್‌ ಭಟ್, ತಾಯಿ ಸೋನಿ ರಾಜ್ದಾನ್‌, ರಣಬೀರ್ ಕಪೂರ್‌ ಜತೆಗೆ ಪಾರ್ಟಿ ಮಾಡಿರುವ ಫೋಟೊವನ್ನು ಇನ್‌ಸ್ಟಾದಲ್ಲಿ ಹಂಚಿಕೊಂಡಿದ್ದಾರೆ. ಆಲಿಯಾ ಭಟ್ ಲೈಮ್ ಕಲರ್ ಫ್ರಿಲ್ಡ್ ಡ್ರೆಸ್ ನಲ್ಲಿ ಸುಂದರವಾಗಿ ಕಾಣುತ್ತಿದ್ದಾರೆ. ಮುದ್ದಾದ ಹೇರ್‌ಬ್ಯಾಂಡ್‌ ಧರಿಸಿದ್ದಾರೆ. ಮತ್ತೊಂದೆಡೆ ರಣಬೀರ್ ಕ್ಯಾಶುಯಲ್ ಮತ್ತು ಸ್ಟೈಲಿಶ್ ಆಗಿ ಬಿಳಿ ಟಿ-ಶರ್ಟ್ ಮತ್ತು ಕಪ್ಪು ವೇಸ್ಟ್ ಕೋಟ್‌ನೊಂದಿಗೆ ಕಾಣಿಸಿಕೊಂಡರು. ಆಲಿಯಾ ಭಟ್ ಸಹೋದರಿ ಪೂಜಾ ಭಟ್ ಕೂಡ ಪಾರ್ಟಿಯಲ್ಲಿ ಇದ್ದರು.
ಕಿಯಾರಾ ಆಡ್ವಾಣಿ ಮತ್ತು ಸಿದ್ಧಾರ್ಥ್ ಮಲ್ಹೋತ್ರಾ ಜೋಡಿ ಮೊದಲ ಕ್ರಿಸ್‌ಮಸ್‌ವನ್ನು ಆಚರಿಸಿಕೊಂಡಿದೆ. ಕಿಯಾರಾ ಇನ್‌ಸ್ಟಾಗ್ರಾಮ್‌ನಲ್ಲಿ ಸಿದ್ಧಾರ್ಥ್ ಅವರೊಂದಿಗಿನ ಫೋಟೊವನ್ನು ಹಂಚಿಕೊಂಡು “ಮೆರ್ರಿ ಕ್ರಿಸ್ಮಸ್” ಎಂದು ಬರೆದಿದ್ದಾರೆ. ಚಿತ್ರದಲ್ಲಿ ಈ ದಂಪತಿ ಸುಂದರ ಪ್ರಣಯ ಕ್ಷಣವನ್ನು ಹಂಚಿಕೊಳ್ಳುವುದನ್ನು ಕಾಣಬಹುದು. ಕಿಯಾರಾ ಸುಂದರವಾದ ಕೆಂಪು ಬಟ್ಟೆಯನ್ನು ಧರಿಸಿದ್ದರು.
ಇದನ್ನೂ ಓದಿ: Happy Christmas 2023 : ಪ್ರೀತಿ, ವಾತ್ಸಲ್ಯ, ಕರುಣೆಯ ಜಗತ್ತು ಕಟ್ಟಿದ ಮಹಿಮಾನ್ವಿತ ಯೇಸು ಕ್ರಿಸ್ತರು
ಆಲಿಯಾ ಭಟ್ ಸದ್ಯ ‘ಜಿಗ್ರಾ’ ಚಿತ್ರೀಕರಣದಲ್ಲಿದ್ದಾರೆ. ಈ ಸಿನಿಮಾಗಾಗಿ ಮೊದಲ ಬಾರಿಗೆ ನಿರ್ಮಾಪಕ ವಾಸನ್ ಬಾಲಾ ಅವರೊಂದಿಗೆ ಕೈಜೋಡಿಸಿದ್ದಾರೆ. ‘ಜೀ ಲೇ ಜರಾ’ ಕೂಡ ಆಲಿಯಾ ಅವರ ಕೈಯಲ್ಲಿದೆ. ಫರ್ಹಾನ್ ಅಖ್ತರ್ ನಿರ್ದೇಶನದ ಈ ಚಿತ್ರದಲ್ಲಿ ಕತಿರ್ನಾ ಕೈಫ್ ಮತ್ತು ಪ್ರಿಯಾಂಕಾ ಚೋಪ್ರಾ ಕೂಡ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ರಣಬೀರ್ ಸದ್ಯ ಅನಿಮಲ್‌ ಸಕ್ಸೆಸ್‌ನಲ್ಲಿ ಮುಳುಗಿದ್ದಾರೆ. ಸಂದೀಪ್ ರೆಡ್ಡಿ ವಂಗಾ ಈ ಸಿನಿಮಾ ನಿರ್ದೇಶನ ಮಾಡಿದ್ದಾರೆ. ಈ ಚಿತ್ರ ಭಾರತದಲ್ಲಿ 500 ಕೋಟಿ ರೂ.ಗೂ ಹೆಚ್ಚು ಗಳಿಸಿದೆ. ಇದು 2023ರ ಅತ್ಯಂತ ಯಶಸ್ವಿ ಚಲನಚಿತ್ರಗಳಲ್ಲಿ ಒಂದಾಗಿದೆ.
ಸಿದ್ಧಾರ್ಥ್ ಅವರು ಮುಂದೆ ‘ಯೋಧ’ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇದಲ್ಲದೆ, ಮುಂಬರುವ ವೆಬ್ ಸಿರೀಸ್‌ ‘ಇಂಡಿಯನ್ ಪೊಲೀಸ್ ಫೋರ್ಸ್’ ಮೂಲಕ ಒಟಿಟಿಗೆ ಎಂಟ್ರಿ ಕೊಡುತ್ತಿದ್ದಾರೆ. ರೋಹಿತ್ ಶೆಟ್ಟಿ ಅವರು ನಿರ್ದೇಶಿಸಿದ ಈ ಸಿರೀಸ್‌ನಲ್ಲಿ ವಿವೇಕ್ ಒಬೆರಾಯ್ ಮತ್ತು ಶಿಲ್ಪಾ ಶೆಟ್ಟಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಮತ್ತೊಂದೆಡೆ, ಕಿಯಾರಾ ‘ಗೇಮ್ ಚೇಂಜರ್’ ಸಿನಿಮಾ ಮೂಲಕ ಟಾಲಿವುಡ್‌ಗೆ ಎಂಟ್ರಿ ಕೊಟ್ಟಿದ್ದಾರೆ. ರಾಮ್‌ಚರಣ್‌ ಜತೆ ತೆರೆ ಹಂಚಿಕೊಳ್ಳುತ್ತಿದ್ದಾರೆ.