ಮುಂಬೈ: ಬಾಲಿವುಡ್ ನಟ ಸಿದ್ದಾರ್ಥ್‌ ಮಲ್ಹೋತ್ರಾ ಮತ್ತು ನಟಿ ಕಿಯಾರಾ ಅಡ್ವಾಣಿ ಫೆಬ್ರವರಿ 6ರಂದು ದಂಪತಿಗಳಾಗಲಿದ್ದಾರೆ. ವಿವಾಹ ಕಾರ್ಯಕ್ರಮಕ್ಕೆಂದು (Kiara Sidharth Wedding) ರಾಜಸ್ಥಾನದ ಜೈಸಲ್ಮೇರ್‌ ತಲುಪಿರುವ ಈ ಜೋಡಿ ವಿವಾಹವಾದ ನಂತರ ದೊಡ್ಡ ಬಂಗಲೆಗೆ ಶಿಫ್ಟ್‌ ಆಗಲಿದ್ದಾರೆ ಎಂದು ವರದಿಯಿದೆ.
ಬಾಂದ್ರಾದಲ್ಲಿರುವ ಸಿದ್ದಾರ್ಥ್‌ ಕಳೆದ ಕೆಲ ದಿನಗಳಿಂದ ಮನೆ ಹುಡುಕಾಟದಲ್ಲಿ ಬಿಜಿ ಆಗಿದ್ದಾರೆ. ಜುಹುವಿನಲ್ಲಿ ಸಮುದ್ರ ಕಾಣಿಸುವಂತಹ ಮನೆಯನ್ನು ಅವರು ಹುಡುಕುತ್ತಿದ್ದಾರೆ. ಈಗಾಗಲೇ ಹಲವಾರು ಮನೆಗಳನ್ನು ಹುಡುಕಿದ್ದು, ಅದರಲ್ಲಿ ಒಂದು ಮನೆಯ ಬೆಲೆ 70 ಕೋಟಿ ರೂ. ಎಂದೂ ಹೇಳಲಾಗಿದೆ. ಇನ್ನೂ ಯಾವುದೇ ಮನೆಯನ್ನು ಅಂತಿಮಗೊಳಿಸಿಲ್ಲವಾದ್ದರಿಂದ ಅವರು ಮತ್ತೊಮ್ಮೆ ತಾವು ವೀಕ್ಷಿಸಿರುವ ಮನೆಗಳ ವಿವರವನ್ನು ಪರಿಶೀಲಿಸಿ ನಿರ್ಧಾರ ತೆಗೆದುಕೊಳ್ಳಲಿದ್ದಾರೆ ಎಂದು ಹೇಳಲಾಗಿದೆ.
ಇದನ್ನೂ ಓದಿ: Kiara Sidharth Wedding : ಕಿಯಾರಾ ಸಿದ್ಧಾರ್ಥ್‌ ಮದುವೆಯಲ್ಲಿ ಬಗೆಬಗೆಯ ತಿನಿಸುಗಳು; ಇಲ್ಲಿದೆ ನೋಡಿ ಊಟದ ಮೆನ್ಯೂ
ಕಿಯಾರಾ ಮತ್ತು ಸಿದ್ದಾರ್ಥ್‌ ವಿವಾಹವು ಜೈಸಲ್ಮೇರ್‌ನ ಸೂರ್ಯಗರ್‌ ಪ್ಯಾಲೇಸ್‌ನಲ್ಲಿ ಫೆ.7ರಂದು ಜರುಗಲಿದೆ. ಈ ಜೋಡಿ ಫೆ.12ರಂದು ಮುಂಬೈನಲ್ಲಿ ಅದ್ಧೂರಿ ಆರತಕ್ಷತೆ ಕಾರ್ಯಕ್ರಮ ನಡೆಸಲಿದ್ದು, ಅದಕ್ಕೆ ಬಾಲಿವುಡ್ ಸೆಲೆಬ್ರಿಟಿಗಳ ಜತೆ ಮಾಧ್ಯಮದವರನ್ನೂ ಆಹ್ವಾನಿಸಲಿದ್ದಾರೆ ಎಂದು ಸುದ್ದಿಗಳಿವೆ.