ಬೆಂಗಳೂರು: ಖ್ಯಾತ ನಟ ಅಜಯ್‌ ದೇವಗನ್‌ ಮತ್ತು ಕಿಚ್ಚ ಸುದೀಪ್‌ ಮಧ್ಯೆ ಕೆಲವು ವಾರದ ಹಿಂದೆ ಭಾಷಾ ವಿಚಾರವಾಗಿ ಸ್ಟಾರ್‌ ವಾರ್ ನಡೆದಿತ್ತು. ಕಿಚ್ಚ ಸುದೀಪ್‌ ಅವರು ಹಿಂದಿಯೊಂದೇ ರಾಷ್ಟ್ರ ಭಾಷೆ ಅಲ್ಲ ಅಂತ ಹೇಳಿದಾಗ ಅಜಯ್‌ ದೇವಗನ್‌ ತಿರುಗೇಟು ನೀಡಿದ್ದರು. ಹಿಂದಿ ರಾಷ್ಟ್ರ ಭಾಷೆಯಲ್ಲದೆ ಹೋದರೆ ಸುದೀಪ್‌ ಅವರೇಕೆ ಸಿನಿಮಾಗಳನ್ನು ಹಿಂದಿ ಭಾಷೆಯಲ್ಲೂ ಮಾಡ್ತಾರೆ ಅಂತ ಕೇಳಿದ್ದರು.
ಈ ವಿಚಾರ ಈಗ ತಣ್ಣದಾಗಿದೆ. ಈ ನಡುವೆ ಕಿಚ್ಚ ಸುದೀಪ್‌ ಸಂದರ್ಶನವೊಂದರಲ್ಲಿ ಹೊಸ ಆಸೆಯನ್ನು ತೋಡಿಕೊಂಡಿದ್ದಾರೆ. ಅದೇನೆಂದರೆ ತಮ್ಮ ಕನಸಿನ ಆ ನಟಿಯ ಜತೆ ಒಂದು ಚಿತ್ರದಲ್ಲಿ ನಡಿಸಬೇಕು ಎನ್ನುವುದು. ಅವರ ಜತೆ ನಟಿಸಬೇಕು ಎನ್ನುವುದು ನನ್ನ ಬಹುಕಾಲದ ಕನಸು. ಅದಕ್ಕಾಗಿ ಕಾಯುತ್ತಿದ್ದೇನೆ ಎಂದಿದ್ದಾರೆ. ಹಾಗಿದ್ದರೆ ಕಿಚ್ಚ ನಟಿಸಬೇಕು ಎಂದು ಆಸೆಪಟ್ಟಿರುವ ಆ ನಟಿ ಯಾರು ಅಂತೀರಾ ಮುಂದೆ ಓದಿ..
ಇದನ್ನು ಓದಿ| ಇನ್ನೊಮ್ಮೆ ಕಿಚ್ಚ ಸುದೀಪ್‌ V/S ಅಜಯ್‌ ದೇವಗನ್‌: ಜುಲೈನಲ್ಲಿ ʼವಿಕ್ರಾಂತ್‌ ರೋಣಾʼ, ʼಥ್ಯಾಂಕ್‌ ಗಾಡ್‌ʼ ಸ್ಟಾರ್‌ ವಾರ್..!
ಖಾಸಗಿ ಸಂದರ್ಶನವೊಂದರಲ್ಲಿ ಮಾತನಾಡಿದ ಕಿಚ್ಚ ಸುದೀಪ್‌ ತಮ್ಮ ನೆಚ್ಚಿನ ಬಾಲಿವುಡ್‌ನ ಸ್ಟಾರ್‌ ನಟಿ ಕಾಜೋಲ್‌ ಜೊತೆ ಅಭಿನಯಿಸುವ ಕನಸಿತ್ತು ಎಂಬ ಆಸೆಯನ್ನು ವ್ಯಕ್ತಪಡಿಸಿದ್ದಾರೆ. ಅಜಯ್‌ ದೇವಗನ್‌ ಪತ್ನಿಯಾದ ಕಾಜೋಲ್‌ ಜೊತೆ ನಟಿಸಬೇಕು ಎಂಬ ಕನಸು ತುಂಬಾ ವರ್ಷಗಳಿಂದ ಇತ್ತು. ಆದರೆ, ಈಗ ಈ ವಿವಾದದಿಂದಾಗಿ ಆ ಕನಸು ನನಸಾಗುತ್ತಾ ಎಂಬ ಅನುಮಾನ ಮೂಡಿದೆ ಎಂದು ಹೇಳಿಕೊಂಡಿದ್ದಾರೆ.
ಇಷ್ಟೇ ಅಲ್ಲದೆ ಭಾಷಾ ವಿಚಾರ ಈ ಮಟ್ಟಿಗೆ ವಿವಾದದ ಸ್ವರೂಪ ಪಡೆದುಕೊಳ್ಳುತ್ತದೆ ಎಂಬ ಸಣ್ಣ ಸುಳಿವೂ ನನಗಿರಲಿಲ್ಲ. ಆದರೆ, ಈ ವಿಚಾರ ರಾಷ್ಟ್ರೀಯ ಮಟ್ಟದಲ್ಲಿ ಸುದ್ದಿಯಾಗುವಂತಾಯಿತು. ಇದರಿಂದಾಗಿ ಕಾಜೋಲ್‌ ಜೊತೆ ಅಭಿನಯಿಸುವ ಅವಕಾಶ ಸಿಗುತ್ತದೋ, ಇಲ್ಲವೋ ಆದರೆ ನಾನು ಮಾತ್ರ ಯಾವುದೇ ಕಾರಣಕ್ಕೂ ಹಿಂದೆ ಸರಿಯಲ್ಲ. ಅವರ ಜೊತೆ ಕೆಲಸ ಮಾಡುವ ಅವಕಾಶಕ್ಕಾಗಿ ಕಾಯುತ್ತೇನೆ. ಈಗಲೂ ಅವರ ಜೊತೆ ನಟಿಸಲು ಸಿದ್ದನಿದ್ದೇನೆ ಎಂದು ತಮ್ಮ ಮನದಾಳದ ಆಸೆಯನ್ನು ಹೇಳಿಕೊಂಡಿದ್ದಾರೆ.
ಇದನ್ನು ಓದಿ| ಭಾಷೆಗಳ ಕುರಿತು ಪ್ರಧಾನಿ ಮೋದಿ ಮಾತು ಮೆಚ್ಚು ಎಂದ ಕಿಚ್ಚ