ಬೆಂಗಳೂರು: ಕಿಚ್ಚ ಸುದೀಪ್‌ (Kichcha Sudeepa) ಅವರ ಅಕ್ಕನ ಮಗ ಸಂಚಿತ್ ಸಂಜೀವ್ ನಟಿಸಿ, ನಿರ್ದೇಶನ ಮಾಡುತ್ತಿರುವ ಜಿಮ್ಮಿ (Jimmy) ಸಿನಿಮಾದ ಕ್ಯಾರೆಕ್ಟರ್ (Character Glimpses) ಗ್ಲಿಂಪ್ಸ್ ಮೇಕಿಂಗ್‌ ಬಿಡುಗಡೆಯಾಗಿದೆ. ವಿಡಿಯೊ ತುಣುಕೊಂದನ್ನು ಲಹರಿ ಮ್ಯೂಸಿಕ್ (Lahari Music) ಯೂಟ್ಯೂಬ್ ಚಾನೆಲ್‌ನಲ್ಲಿ ಬಿಡುಗಡೆಯಾಗಿದ್ದು, ಸಂಚಿತ್ ಚೆನ್ನಾಗಿ ಕಾಣಿಸಿಕೊಂಡಿದ್ದಾರೆ.
ಕಿಚ್ಚ ಕ್ರಿಯೇಷನ್ಸ್ ಬ್ಯಾನರ್ ಜತೆ ಕೆ.ಪಿ ಶ್ರೀಕಾಂತ್, ಮನೋಹರ್ ನಾಯ್ಡು ಚಿತ್ರಕ್ಕೆ ಬಂಡವಾಳ ಹೂಡಿದ್ದಾರೆ. ಇದೊಂದು ಕ್ರೈಂ ಡ್ರಾಮಾ ಆಧರಿಸಿದ ಸಿನಿಮಾವಾಗಿದ್ದು, ತಂದೆ–ಮಗನ ಬಾಂಧವ್ಯವನ್ನು ಸಾರುವ ಕಥೆಯನ್ನು ಈ ಚಿತ್ರದ ಮೂಲಕ ತೋರಿಸಲಿದ್ದಾರೆ. ಸಂಚಿತ್ ಸಂಜೀವ್ ಈಗಾಗಲೇ ಸಿನಿಮಾದ ಬಹುತೇಕ ವಿಷಯಗಳನ್ನು ತಿಳಿದುಕೊಂಡಿದ್ದಾರೆ. ಕಿರು ಚಿತ್ರ ಕೂಡ ನಿರ್ದೇಶನ ಮಾಡಿದ್ದಾರೆ ಎನ್ನಲಾಗಿದೆ.
ಲಹರಿ ಸಂಸ್ಥೆಯ ಮನೋಹರ್ ನಾಯ್ಡು ಹಾಗೂ ವೀನಸ್‌ ಮೂವಿಸ್‌ ಕೆ ಪಿ ಶ್ರೀಕಾಂತ್ ಈ ಸಿನಿಮಾ ನಿರ್ಮಿಸುತ್ತಿದ್ದಾರೆ. ಉಪೇಂದ್ರ ನಟನೆಯ ಯುಐ ಚಿತ್ರಕ್ಕೆ ಬಂಡವಾಳ ಹೂಡಿದ್ದಾರೆ. ಇನ್ನು ಚಿತ್ರೀಕರಣ ನಿಂತು ಹೋಗಿದ್ದ ವಿನಯ್‌ ರಾಜಕುಮಾರ್‌ ಸಿನಿಮಾ ಗ್ರಾಮಾಯಣಕ್ಕೆ ಮರುಜೀವ ಕೊಟ್ಟಿದ್ದಾರೆ.
ಇದನ್ನೂ ಓದಿ: Kichcha Sudeepa: ಕಿಚ್ಚ ಸುದೀಪ್‌ ಅಳಿಯ ʻಸಂಚಿತ್ ಸಂಜೀವ್ʼ ಹೊಸ ಸಿನಿಮಾದ ಮುಹೂರ್ತ ನಾಳೆ; ನಾಯಕನಿಗಿದೆ ಡಬಲ್‌ ಜವಾಬ್ದಾರಿ!
ಇತ್ತೀಚೆಗೆ ಈ ಸಿನಿಮಾ ಮುಹೂರ್ತ ನಡೆದಿದೆ. ಸಿನಿಮಾಟೋಗ್ರಾಫರ್‌ ಆಗಿ ಅಮಿತ್‌ ಎಂಬ ಹೊಸ ಯುವಕ ಆಯ್ಕೆಯಾಗಿದ್ದಾರೆ. ಸಂಗೀತ ನಿರ್ದೇಶನದ ಜವಾಬ್ದಾರಿ ವಾಸುಕಿ ವೈಭವ್‌ರದ್ದು. ಮೂರು ಪ್ರಮುಖ ಪಾತ್ರಗಳನ್ನು ಬಿಟ್ಟರೆ ಈ ಸಿನಿಮಾದಲ್ಲಿ ಬರುವ ಹಲವು ಪಾತ್ರಗಳಲ್ಲಿ ಹೊಸಬರೇ ಇರುತ್ತಾರೆ ಎಂಬುದು ನಿರ್ದೇಶಕ, ನಟ ಸಂಚಿತ್ ಹೇಳಿಕೊಂಡಿದ್ದಾರೆ.