ಬೆಂಗಳೂರು: ಮದುವೆಯಾಗಿ 11 ವರ್ಷಗಳ ಬಳಿಕ ರಾಮ್ ಚರಣ್ (Ram Charan)- ಉಪಾಸನಾ ದಂಪತಿ ಹೆಣ್ಣು ಮಗುವಿಗೆ ಪೋಷಕರಾದರು. ಮಗುವಿನ ಹೆಸರು ‘ಕ್ಲೀಂಕಾರ ಕೊನಿಡೆಲಾ’ (Klin Kaara konidela). ಲಲಿತಾ ಸಹಸ್ರನಾಮ ನಾಮದಿಂದ ತೆಗೆದುಕೊಳ್ಳಲಾಗಿದೆ. ಉಪಾಸನಾ ಹಾಗೂ ರಾಮ್ ಚರಣ್ ತಮ್ಮ ಮಗಳಿಗಾಗಿ ವಿಶೇಷವಾಗಿ ಕೋಣೆಯನ್ನು ಡಿಸೈನ್ ಮಾಡಿಸಿದ್ದರು. ಈ ಸುದ್ದಿ ಇರುವಾಗಲೇ ಇದೀಗ ‘ಕ್ಲೀಂಕಾರ ಕೊನಿಡೆಲಾ’ʼ ಸಾರ್ವಜನಿಕವಾಗಿ ಮೊದಲ ಬಾರಿಗೆ ಕಾಣಿಸಿಕೊಂಡಿದ್ದಾಳೆ. ಇಷ್ಟು ದಿನ ರಾಮ್‌ಚರಣ್‌ ದಂಪತಿ ಮಗಳ ಫೋಟೊವನ್ನು ಎಲ್ಲಿಯೂ ಹಂಚಿಕೊಂಡಿರಲಿಲ್ಲ. ಇದೀಗ ಸ್ವಾತಂತ್ರ್ಯ ದಿನಾಚರಣೆ ಸಂಭ್ರಮದಲ್ಲಿ ತಮ್ಮ ಮುದ್ದಿನ ಮಗಳು ‘ಕ್ಲೀಂಕಾರ ಕೊನಿಡೆಲಾ’ʼ ಫೋಟೊವೊಂದನ್ನು ಉಪಾಸನಾ ಹಂಚಿಕೊಂಡಿದ್ದಾರೆ.
‘ಕ್ಲೀಂಕಾರ ಕೊನಿಡೆಲಾ’ ಧ್ವಜಾರೋಹಣ ಮಾಡುವಾಗ ಅಜ್ಜಿ ಶೋಬನಾ ಕಾಮಿನೇನಿ ಅವರು ತೋಳುಗಳಲ್ಲಿ ಮಗುವನ್ನು ಮುದ್ದಾಗಿ ಹಿಡಿದುಕೊಂಡಿದ್ದಾರೆ. ಉಪಾಸನಾ ಅವರು ಪೋಸ್ಟ್‌ಗೆ “ಅಮಾಮ ಮತ್ತು ತಾತಾ ಜತೆಗಿನ ಅಮೂಲ್ಯ ಕ್ಷಣಗಳು. ಕ್ಲೀಂಕಾರ ಕೊನಿಡೆಲಾಳ ಮೊದಲ ಸ್ವಾತಂತ್ರ್ಯ ದಿನಾಚರಣೆ. ಜೈಹಿಂದ್ ” ಎಂದು ಬರೆದುಕೊಂಡಿದ್ದಾರೆ. ಕಳೆದ ತಿಂಗಳು, ಶೋಬನಾ ಕಾಮಿನೇನಿ ಅವರು ಮಗಳು ಉಪಾಸನಾ ಅವರ ಹುಟ್ಟುಹಬ್ಬದಂದು ಸೂಪರ್ ಹಲವು ಫೋಟೊಗಳನ್ನು ಹಂಚಿಕೊಂಡಿದ್ದರು.
ಕ್ಲೀಂಕಾರ ಮುಖ ಸಂಪೂರ್ಣವಾಗಿ ಕಾಣಿಸದಂತೆ ಕವರ್ ಮಾಡಲಾಗಿದೆ. ಇನ್ನು ಲಂಗಾ ಜಾಕೆಟ್ ಹಾಕಿಕೊಂಡು ಟ್ರೆಡಿಷನಲ್ ಲುಕ್‌ನಲ್ಲಿ ಮೆಗಾ ಫ್ಯಾಮಿಲಿಯ ಮುದ್ದು ಕಂದಮ್ಮ ಕಾಣಿಸಿಕೊಂಡಿದ್ದಾಳೆ. ಅಭಿಮಾನಿಗಳು ಲೈಕ್ಸ್, ಕಮೆಂಟ್ ಮೂಲಕ ಮೆಚ್ಚುಗೆ ಸೂಚಿಸುತ್ತಿದ್ದಾರೆ. ಕ್ಲೀಂಕಾರ ತಂದೆಯ ಹೋಲಿಕೆ ಎಂದು ಕೆಲವರು ಕಾಮೆಂಟ್ ಮಾಡುತ್ತಿದ್ದಾರೆ.
ಇದನ್ನೂ ಓದಿ: Ram Charan: ವಿಶೇಷ ವಿನ್ಯಾಸದಲ್ಲಿದೆ ರಾಮ್ ಚರಣ್ ದಂಪತಿ ಮಗಳ ಕೋಣೆ!
ಉಪಾಸನಾ ಪೋಸ್ಟ್‌
ರಾಮ್‌ಚರಣ್‌ ಸದ್ಯ ಗೇಮ್ ಚೇಂಜರ್ ಸಿನಿಮಾ ಶೂಟಿಂಗ್‌ನಲ್ಲಿ ತೊಡಗಿಸಿಕೊಂಡಿದ್ದಾರೆ. 2019ರಲ್ಲಿ ಬಿಡುಗಡೆಯಾದ ವಿನಯ ವಿಧೇಯ ರಾಮ ಚಿತ್ರದ ನಂತರ ರಾಮ್ ಚರಣ್ ಮತ್ತು ಕಿಯಾರಾ ಆಡ್ವಾಣಿ ಈ ಸಿನಿಮಾದಲ್ಲಿ ಮತ್ತೆ ಒಟ್ಟಿಗೆ ಕಾಣಿಸಿಕೊಳ್ಳುತ್ತಿದ್ದಾರೆ. ಜಯರಾಮ್, ಅಂಜಲಿ ಸುನೀಲ್, ಶ್ರೀಕಾಂತ್, ನವೀನ್ ಚಂದ್ರ ಮುಂತಾದವರು ಚಿತ್ರದಲ್ಲಿ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.
ಎಸ್ ಥಮನ್ ಚಿತ್ರದ ಹಾಡುಗಳು ಮತ್ತು ಹಿನ್ನೆಲೆ ಸಂಗೀತ ಸಂಯೋಜನೆ ಮಾಡುತ್ತಿದ್ದಾರೆ. ತಿರು ಮತ್ತು ಆರ್.ರತ್ನವೇಲು ಛಾಯಾಗ್ರಹಣ, ಶಮೀರ್ ಮಹಮ್ಮದ್ ಸಂಕಲನ ಚಿತ್ರಕ್ಕಿದೆ.ಈ ಪ್ರಾಜೆಕ್ಟ್ ಅನ್ನು ಪ್ಯಾನ್-ಇಂಡಿಯಾ ಬಿಡುಗಡೆಗಾಗಿ ಶ್ರೀ ವೆಂಕಟೇಶ್ವರ ಕ್ರಿಯೇಷನ್ಸ್ ಬ್ಯಾನರ್ ಅಡಿಯಲ್ಲಿ ದಿಲ್ ರಾಜು ಮತ್ತು ಶಿರೀಶ್ ಗಾರು ಜಂಟಿಯಾಗಿ ನಿರ್ಮಿಸಿದ್ದಾರೆ. ಗೇಮ್ ಚೇಂಜರ್ ತೆಲುಗು, ತಮಿಳು ಮತ್ತು ಹಿಂದಿ ಮೂರು ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ.
ಇದನ್ನೂ ಓದಿ: Ram Charan: ವಿಶೇಷ ವಿನ್ಯಾಸದಲ್ಲಿದೆ ರಾಮ್ ಚರಣ್ ದಂಪತಿ ಮಗಳ ಕೋಣೆ!
ರಾಮ್ ಚರಣ್ ಕೊನೆಯ ಬಾರಿಗೆ ಅತ್ಯಂತ ಯಶಸ್ವಿಯಾದ RRR ನಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ನಟ ಮುಂದಿನ ಶಂಕರ್ ಅವರ ಗೇಮ್ ಚೇಂಜರ್‌ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ, ಇದರಲ್ಲಿ ಕಿಯಾರಾ ಅಡ್ವಾಣಿ ಕೂಡ ಕಾಣಿಸಿಕೊಂಡಿದ್ದಾರೆ. ಈ ವರ್ಷದ ಆರಂಭದಲ್ಲಿ ನಟನ ಹುಟ್ಟುಹಬ್ಬದಂದು ಚಿತ್ರದ ಶೀರ್ಷಿಕೆ ಮತ್ತು ಫಸ್ಟ್ ಲುಕ್ ಅನ್ನು ಬಹಿರಂಗಪಡಿಸಲಾಯಿತು.