ಬೆಂಗಳೂರು: `ದಿ ವೈರ್’, `ಫ್ರಿಂಜ್’ ಮತ್ತು `ಜಾನ್ ವಿಕ್’ ಸೇರಿದಂತೆ ಹಲವು ಸಿನಿಮಾಗಳ ಹಾಲಿವುಡ್‌ ಖ್ಯಾತ ನಟ ಲ್ಯಾನ್ಸ್ ರೆಡ್ಡಿಕ್ (Lance Reddick) ನಿಧನರಾಗಿದ್ದಾರೆ. ಅವರಿಗೆ 60 ವರ್ಷ ವಯಸ್ಸಾಗಿತ್ತು. ಲ್ಯಾನ್ಸ್ ರೆಡ್ಡಿಕ್ ಮಲಗಿದ್ದಲ್ಲಿಯೇ ನಿಧನ ಹೊಂದಿದ್ದಾರೆ ಎಂದು ವರದಿಯಾಗಿದೆ.
HBO ಸಿರೀಸ್‌ ದಿ ವೈರ್‌ನ ಸೆಡ್ರಿಕ್ ಡೇನಿಯಲ್ಸ್ ಪಾತ್ರಕ್ಕಾಗಿ ಅವರು ಹೆಚ್ಚು ಹೆಸರುವಾಸಿಯಾಗಿದ್ದರು. ಲ್ಯಾನ್ಸ್ ರೆಡ್ಡಿಕ್ ಈ ಹಿಂದೆ ಮಾಧ್ಯಮವೊಂದಕ್ಕೆ ʻʻನಾನು ಹೃದಯದಲ್ಲಿ ಕಲಾವಿದ. ನಾನು ಮಾಡುವ ಕೆಲಸದಲ್ಲಿ ನಾನು ತುಂಬಾ ಆಸಕ್ತಿ ವಹಿಸುತ್ತೇನೆ. ನಾನು ನಾಟಕ ಶಾಲೆಗೆ ಹೋದಾಗ, ನಾನು ಇತರ ವಿದ್ಯಾರ್ಥಿಗಳಂತೆ ಪ್ರತಿಭಾವಂತ ಎಂದು ನನಗೆ ತಿಳಿದಿತ್ತು. ಆದರೆ ನಾನು ಕಪ್ಪಾಗಿದ್ದರಿಂದ, ಸುಂದರವಾಗಿಲ್ಲದ ಕಾರಣ, ನಾನು ಹೆಚ್ಚು ಬೆಳೆಯಬೇಕು ಎಂದು ನನಗೆ ತಿಳಿದಿತ್ತುʼʼ ಎಂದು 2009ರಲ್ಲಿ ಲಾಸ್ ಏಂಜಲೀಸ್ ಟೈಮ್ಸ್‌ಗೆ ರೆಡ್ಡಿಕ್ ಹೇಳಿಕೆ ನೀಡಿದ್ದರು.
ಹಲವಾರು ವೆಬ್‌ ಸಿರೀಸ್‌ಗಳಲ್ಲಿ ನಟಿಸಿ ಖ್ಯಾತಿಯನ್ನು ಹೊಂದಿದ್ದರು. ಹಾಲಿವುಡ್‌ ಸಿನಿರಂಗದ ಗಣ್ಯರು, ಅಭಿಮಾನಿಗಳು ಸೋಷಿಯಲ್‌ ಮೀಡಿಯಾ ಮೂಲಕ ಸಂತಾಪ ಸೂಚಿಸಿದ್ದಾರೆ. ನಿರ್ಮಾಪಕ ಜೇಮ್ಸ್‌ ಗನ್‌ ಕೂಡ ಟ್ವೀಟ್‌ ಮಾಡಿದ್ದಾರೆ.
ಇದನ್ನೂ ಓದಿ: Madhuri Dixit: ನಟಿ ಮಾಧುರಿ ದೀಕ್ಷಿತ್ ತಾಯಿ ಸ್ನೇಹಲತಾ ದೀಕ್ಷಿತ್ ನಿಧನ
ರೆಜಿನಾ ಕಿಂಗ್ಸ್‌ ಒನ್ ನೈಟ್ ಇನ್ ಮಿಯಾಮಿ ಸಿನಿಮಾಗೆ ರೆಡ್ಡಿಕ್ 2021ರಲ್ಲಿ SAG ಪ್ರಶಸ್ತಿಯಲ್ಲಿ ನಾಮನಿರ್ದೇಶನನ ಗೊಂಡರು. ಅವರ ಮುಂಬರುವ ಯೋಜನೆಗಳಲ್ಲಿ ವೈಟ್ ಮೆನ್ ಕ್ಯಾಂಟ್ ಜಂಪ್ ( White Men Can’t Jump) 20 ನೇ ಶತಮಾನದ ರಿಮೇಕ್ ಮತ್ತು ಶೆರ್ಲಿ (Shirley) ಸೇರಿವೆ.