ಬೆಂಗಳೂರು: ಹಾಲಿವುಡ್‌ ನಟ ಲಿಯೊನಾರ್ಡೊ ಡಿಕಾಪ್ರಿಯೊ (Leonardo DiCaprio) ಮತ್ತೊಮ್ಮೆ ತಮ್ಮ ಡೇಟಿಂಗ್ ವಿಚಾರವಾಗಿ ಸುದ್ದಿಯಲ್ಲಿದ್ದಾರೆ. 28 ವರ್ಷದ ಮಾಡೆಲ್ ನೀಲಮ್ ಗಿಲ್ (Neelam Gill) ಜತೆ ಡೇಟಿಂಗ್ ಮಾಡುತ್ತಿದ್ದಾರೆ ಎಂದು ವರದಿಯಾಗಿದೆ. ಪೇಜ್ ಸಿಕ್ಸ್‌ನ ಸುದ್ದಿ ವರದಿಯ ಪ್ರಕಾರ, ಲಂಡನ್‌ನ ಚಿಲ್ಟರ್ನ್ ಫೈರ್‌ಹೌಸ್‌ನಲ್ಲಿ ನಟನ ಜತೆ ನೀಲಮ್ ಗಿಲ್ ಕಾಣಿಕೊಂಡಿದ್ದಾರೆ. ಅಷ್ಟೇ ಅಲ್ಲದೇ ಲಿಯೊನಾರ್ಡೊ ತಾಯಿ ಇರ್ಮೆಲಿನ್ ಇಂಡೆನ್‌ಬಿರ್ಕೆನ್ ಸಹ ಅವರೊಂದಿಗೆ ಇದ್ದರು. ತನ್ನ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಪೋಟೊ ಹಂಚಿಕೊಂಡ ನೀಲಮ್ ಗಿಲ್ ತನ್ನನ್ನು “ಬ್ರಿಟಿಷ್ ಪಂಜಾಬಿ ಮಾಡೆಲ್” ಎಂದು ಕ್ಯಾಪ್ಷನ್‌ ನೀಡಿ ಬಣ್ಣಿಸಿಕೊಂಡಿದ್ದಾರೆ. ನೀಲಮ್ ಗಿಲ್ ಕಳೆದ ತಿಂಗಳು ಫ್ರೆಂಚ್ ರಿವೇರಿಯಾದಲ್ಲಿ ನಡೆದ ಕಾನ್‌ ಚಲನಚಿತ್ರೋತ್ಸವದಲ್ಲಿ ಭಾಗವಹಿಸಿದ್ದರು. ಲಿಯೊನಾರ್ಡೊ ಡಿಕಾಪ್ರಿಯೊ ಅವರ ಚಲನಚಿತ್ರ `ಕಿಲ್ಲರ್ಸ್ ಆಫ್ ದಿ ಫ್ಲವರ್ ಮೂನ್‌’ನ ಪ್ರದರ್ಶನಕ್ಕಾಗಿ ಚಲನಚಿತ್ರೋತ್ಸವಕ್ಕೆ ಆಗಮಿಸಿದ್ದರು.
ಲಿಯೊನಾರ್ಡೊ ಡಿಕಾಪ್ರಿಯೊ ಈ ಹಿಂದೆ ಕ್ಯಾಮಿಲಾ ಮೊರೊನ್ (Camila Morrone) ಜತೆ ಡೇಟಿಂಗ್ ಮಾಡುತ್ತಿದ್ದರು. ನಟ ಮತ್ತು ಅವರ ಮಾಜಿ ಗೆಳತಿ ಕ್ಯಾಮಿಲಾ ಮೊರೊನ್ 2020ರ ಅಕಾಡೆಮಿ ಪ್ರಶಸ್ತಿಗಳಲ್ಲಿ ಸಾರ್ವಜನಿಕವಾಗಿ ಕಾಣಿಸಿಕೊಂಡರು. 4 ವರ್ಷಗಳ ಕಾಲ ಡೇಟಿಂಗ್ ಮಾಡಿದ ಬಳಿಕ ಕಳೆದ ವರ್ಷ ಜೋಡಿ ಬೇರ್ಪಟ್ಟಿತು. ಇದಾದ ಬಳಿಕ ಲಿಯೊನಾರ್ಡೊ ಸೂಪರ್ ಮಾಡೆಲ್ ಗಿಗಿ ಹಡಿದ್ (Gigi Hadid) ಜತೆ ಡೇಟಿಂಗ್ ಮಾಡುತ್ತಿದ್ದಾರೆ ಎಂದು ಹೇಳಲಾಗಿತ್ತು. ಈ ವರ್ಷದ ಫೆಬ್ರವರಿಯಲ್ಲಿ, ಲಿಯೊನಾರ್ಡೊ 19 ವರ್ಷದ ಮಾಡೆಲ್ ಈಡನ್ ಪೊಲಾನಿ (Eden Polani)ಯೊಂದಿಗೆ ಡೇಟಿಂಗ್ ಮಾಡುತ್ತಿದ್ದಾರೆ ಎಂಬ ವದಂತಿಗಳಿವೆ.
ಇದನ್ನೂ ಓದಿ: Shubhman Gill: ಎರಡು ಶತಕಗಳ ಬಳಿಕ ವೈರಲ್ ಆಯ್ತು ಡೇಟಿಂಗ್ ಬಗ್ಗೆ ಗಿಲ್ ಹೇಳಿದ ಆ ಮಾತು!
ಲಿಯೊನಾರ್ಡೊ ಡಿಕಾಪ್ರಿಯೊ ಅವರು ಹಲವು ಸಿನಿಮಶಗಳಲ್ಲಿ ಅಭಿನಯಿಸಿದ್ದಾರೆ. ಟೈಟಾನಿಕ್, ದಿ ರೆವೆನೆಂಟ್, ಶಟರ್ ಐಲ್ಯಾಂಡ್, ದಿ ಗ್ರೇಟ್ ಗ್ಯಾಟ್ಸ್‌ಬೈ, ದಿ ಏವಿಯೇಟರ್, ದಿ ವುಲ್ಫ್ ಆಫ್ ವಾಲ್ ಸ್ಟ್ರೀಟ್, ಜಾಂಗೊ ಅನ್‌ಚೈನ್ಡ್, ಇನ್ಸೆಪ್ಶನ್, ಬ್ಲಡ್ ಡೈಮಂಡ್, ಒನ್ಸ್ ಅಪಾನ್ ಎ ಟೈಮ್, ದಿ ಡಿಪಾರ್ಟೆಡ್, ಕ್ಯಾಚ್ ಮಿ ಇಫ್ ಸೇರಿವೆ ಯು ಕ್ಯಾನ್, ಡೋಂಟ್ ಲುಕ್ ಅಪ್ ಮತ್ತು ವಾಟ್ಸ್ ಈಟಿಂಗ್ ಗಿಲ್ಬರ್ಟ್ ಗ್ರೇಪ್ ಸೇರಿವೆ.
ನಟ ಇತ್ತೀಚೆಗೆ ಮಾರ್ಟಿನ್ ಸ್ಕೋರ್ಸೆಸೆ ಅವರ ಕಿಲ್ಲರ್ಸ್ ಆಫ್ ದಿ ಫ್ಲವರ್ ಮೂನ್‌ನಲ್ಲಿ ನಟಿಸಿದ್ದಾರೆ. ಈ ಚಿತ್ರದಲ್ಲಿ ರಾಬರ್ಟ್ ಡಿ ನಿರೋ ಸಹ ಕಾಣಿಸಿಕೊಂಡಿದ್ದಾರೆ.